Avakumo 2:2 - Библия - Пэ Балтитко Романи чиб (Романэс) 2019

² Тэ́ньци отпхэндя́ ма́нгэ Рай Дэвэ́л и пхэндя́: “Зачхин дыкхибэ́н и кэр бицялэс (яснэс) дава́ пэ таблицы, соб (кай) кодова́, кон явэ́ла тэ гинэл, сашты́ локхэс тэ гинэл.

Biblija - Pe Baltitko Romani čib (Romanes) 2019

² Tén'ci otphendiá mánge Raj Devél i phendiá: “Začhin dykhibén i ker biciales (jasnes) davá pe tablicy, sob (kaj) kodová, kon javéla te ginel, saštý lokhes te ginel.

Avakumo 2:2 Referans Kwoze

Isajos 30:8

Акана́ подджа, зачхин саро́ дава́ пэ пхал, зачхин дрэ лылвари́, соб (кай) тэ ячэ́лпэ дава́ пэ дывэса́, савэ́ явэ́на, пэ саро́ часо (цы́ро).

Sykadyipén 14:13

И мэ шундём зан болыбна́стыр, сави́ пхэндя́: “Зачхин: ‘Бахталэ́ исын одолэ́, савэ́ мэрэ́на дро екхипэ́н Дэвлэ́са ададывэсэстыр!’” “Чачо́”, – ракирэ́ла Ду́хо. “Ёнэ дэ́на ра́да тэ откинён пхарэ́ бутя́тыр и лэ́нгирэ рэ́нды джа́на пала́л!”

Яви́р Зако́но 31:22

И чхиндя́ о Мо́йза дая́ гилы́ дро дова́ дывэ́с, и высыклякирдя ла́кэ Израилёскирэ чхавэ́н.

Дание́лё 12:4

Нэ ту, Даниеле, гарав далэ́ лава́ и запечатын лылвари́ кэ палатуно́ (последнё) часо; бут мануша́ прогинэна ла, и явэ́ла тэ барьёл джиныбэ́н.”

Isajos 8:1

И пхэндя́ ма́нгэ Рай Дэвэ́л: “Лэ пэ́скэ бари папиря (сви́тко), чхин одо́й манушытконэ́ чхиныбнаса: Магер – шелал (шалал) – хаш – баз.”

Яви́р Зако́но 27:8

и чхин пэ бара́ сарэ́ лава́ сарэ́ Законо́скирэ древа́н бицялэс (яснэс).”

Яви́р Зако́но 31:19

И палдава́ чхинэн (писынэн) пэ́скэ далэ́-гилякирэ лава́, и сыкля́кир ла́кэ Израилёскирэ чхавэ́н; и зачхув лэн тэ бага́н, соб (кай) дая́ гилы́ тэ явэ́л сыр якхиткима (свидетельство) пэ чхавэ́ндэ Израилёскирэндэ,

Sykadyipén 19:9

И Янго́ло пхэндя́ ма́нгэ: “Зачхин: ‘Бахталэ́ исын одолэ́, савэ́н кхардэ́ пэ Свэнтонэ́-Бакрорэ́скиро бьяв.’” И Ёв ишчо (инкэ́) допхэндя: “Ѓа́да, исын чачунэ́ Дэвлэ́скирэ лава́.”

2 Коринфянэнгэ 3:12

Палдава́ амэ ракираса муршканэ́с пал дасаво лачхо́ ужакирибэ́н, со исын амэ́ндэ:

1 Коринфянэнгэ 14:19

нэ пэ Кхангирья́киро скэдыибэ́н мэ кама́м тэ пхэна́в пандж лава́ мирэ́ годя́са тэ сыклякирав адя́кэ-паць явирэ манушэ́н, сыр мэ пхэна́ва дэш тысёнцы лава́ пэ наджиндлэ чиба́ (чибья́).

Римлянэнгэ 15:4

Палдава́ саро́, со исыс чхиндло́ англэды́р, сыс чхиндло́ ваш амэ́нгэ, соб (кай) амэ тэ сыклёвас, соб (кай) амэ́ндэ тэ явэ́л наде́я вырикирибнаса и подрикирибнаса Свэнтонэ́ Чхиныбна́стыр.

Ереме́ё 30:2

“Адя́кэ ракирэ́ла Рай Дэвэ́л, Израилёскиро Дэвэ́л: “‘Чхин дрэ лылвари́ пэ́скэ, сарэ́ лава́, со Мэ пхэндём ту́кэ.

Дание́лё 7:1

Пэ пэ́рво бэрш Валтасароскиро, Вавилонытконэ-Крали́скиро, Дание́лё дыкхця́ (дыя́) сунэ́ и пророкэ́нгирэ (пророчы́тка) дыкхибэна пэ́скрэ шэрэстыр, ке́ли ёв сыс пэ пэ́скиро чхуибэ́н. Тэ́ньци ёв зачхиндя́ дова́ суно́, роспхэни пэрвонэ́ лава́.