Avakumo 2:19 - Библия - Пэ Балтитко Романи чиб (Романэс) 2019

¹⁹ Бида пэ лэ́стэ, кон ракирэ́ла пэ кашт: “Джангадёв (ушты́)!”, кашукэ (мутонэ) барэскэ: “Ушты́!” Ци явэ́ла ёв тэ сыклякирэ́л? Акэ, ёв исын пиричхудо сувнака́са и рупэ́са, нэ нанэ джидо́ ду́хо (фа́но) дрэ лэ́стэ.

Biblija - Pe Baltitko Romani čib (Romanes) 2019

¹⁹ Bida pe léste, kon rakiréla pe kašt: “Džangadjov (uštý)!”, kašuke (mutone) bareske: “Uštý!” Ci javéla jov te sykliakirél? Ake, jov isyn piričhudo suvnakása i rupésa, ne nane džidó dúho (fáno) dre léste.

Avakumo 2:19 Referans Kwoze

Psalmy 135:17

лэ́ндэ исын кана́, нэ ёнэ на шунэ́на, и нанэ пхурд (дыханиё) лэ́нгирэ мо́стыр.

Ереме́ё 10:4

Ёнэ гожакирэна лэс сувнака́са и рупэ́са, ёнэ прикэрэна лэс гвоздэнца (карфинэнца) и чоканэнца (млоткэнца), соб (кай) ёв тэ на роспхадёл пэ котэра́.

Ереме́ё 10:9

Руп, савэ́стыр исын чикадэ чарэ́, яндлэ́ Таршыностыр, сувнака́й Уфазостыр, сарэ́ ёнэ исын бутя́ мастероскирэ пир сувнака́й: голубово и пурпурно урибэ́н исын пэ кадалэ́ и́долы: ёнэ исын джиндлэ́-манушэ́нгирэ бутя́.

Sykadyipén 17:4

И джувлы́ сыс уриды дро сливитко (кхилавитко) и ярко лоло́ тхан, со зяинэлас сувнака́са, кучонэ́ барэ́нца и мутинаса (жэмчугоса). Ёй рикирдя дро пэ́скиро васт сувнакуно́ тахта́й, саво́ сыс пхэрдо́ джунгалыпнаса (брыткимаса) и нажужыпнаса ла́кирэ биладжаипнастыр.

Apostolengiri Butý 17:29

И ко́ли амэ бияндыям Лэ́стыр, тэды амэ́нгэ на трэй тэ думинас, со дава́ исын Дэвэ́л, ци саво́ исын кэрдо́ сувнака́стыр ци рупэ́стыр, ци барэстыр, саво́ исын кэрдо́ манушытконэ́ вастэ́нца и пир манушы́тко годы́.

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Дание́лё 3:29

И ма́ндыр дэ́лапэ припхэныбэ́н, соб (кай) кажнонэ́ нацыятыр, кхэритконэ́ родо́стыр и екхэ-чибакирэ ирьятыр (чибатыр / чибьятыр), кон пхэнэ́ла на́лачхо лав пэ Дэвлэ́стэ Шэдрахоскирэ, Мешахоскирэстэ и Авед-Негоскирэстэ, тэ явэ́л кодова́ ману́ш чингирдо пэ котэра́, и кхэр лэ́скиро тэ кэрдёлпэ дрэ руи́ны, пал-дова́ со нанэ явирэ Дэвлэ́с, Саво́ адя́кэ сашты́ тэ зракхэ́л.”

Дание́лё 3:18

Ко́ли тэ на явэ́л дова́, то явэ́ла ту́кэ ґалыно, о кра́ли, со тырэ́ дэвлэнгэ амэ на ласам тэ дынарина́с и сувнакунэ́ москэ (идолоскэ), саво́ ту чхудя́н, тэ на бандякирасапэ.”

Дание́лё 3:7

Палдава́, ке́ли сарэ́ мануша́ шундлэ́ зан рогоскири, свиролькакири, лутакири, гусленгири, псалтирьякири и сарэ́ яви́р-музыкакири, то пынэ́ сарэ́ манушы́тка на́цыи, кхэри́тка ро́ды, екхэ-чибакирэ ирья́ (чиба́/ чибья́), и дынэ́ паты́в сувнакунэ́ идолоскэ, саво́ чхудя́ о Навуходоносо́ро кра́ли.

Дание́лё 3:1

О кра́ли Навуходоносо́ро кэрдя́ идолоскиро муй (статула) сувнака́стыр вучипна́са шовдэша́ куня́ (логти), шов куня́ буґлыпнаса и чхудя́ лэс пэ фэ́лда Деир, дава́ дрэ Вавилонытконэ – тхэмэскири провинцыя.

Ереме́ё 51:47

Палдава́, акэ, явэ́на дывэса́, со Мэ кэра́ва пхаро́ сэ́ндо пэ вычхиндлэ́ муя́ (и́долы) Вавилоно́скирэ, лэ́скири сари́ пхув явэ́ла ладжакирды, и сарэ́ лэ́скирэ мулякирдэ́ пэрэ́на машки́р дава́ фо́ро.

Ереме́ё 10:14

Кажно ману́ш ячэ́ла буро [дылыно́-р.с.] биджиныбнаскиро, кажно сувнакэнгиро мастеро явэ́ла ладжакирдо́ вычхудэ́ идолостыр, пал-дова́ со дава́ биладо идоло исын хохано́, и нанэ ду́хо (фа́но) дрэ лэ́стэ.

Isajos 46:6

Мануша́ дорэсэ́на сувнака́й кисыкатыр, ублавэна руп и кхарэ́на манушэ́с, соб (кай) ёв тэ кэрэ́л лэ́стыр дэвлэс; мангэ́нпэ дэвлэскэ и пэрэ́н пэ чанга́ анги́л лэ́стэ.

Isajos 44:17

А долэ́стыр, со каштэ́стыр яця́пэ, кэрэ́ла дэвлорэс, кэрэ́ла пэ́скирэ идоло, мангэлапэ лэ́скэ, пэрэ́ла анги́л лэ́стэ пэ чанга́ и ракирэ́ла лэ́скэ: “Зра́кх ман, ту сан миро дэвла!”

Isajos 40:19

Спецо тэ вычхинэл кэрэ́ла идоло, сувнакунари учхакирэ́ла лэс сувнака́са, прикэрэла кэ ёв руповэ зандирорья (цэпочки).

Psalmy 97:7

Сарэ́, кон дынаринэла дэвлорэ́нгэ, со мануша́ вычхиндлэ́, явэ́на ладжакирдэ́ и одолэ́, савэ́ шарэнапэ идолэнца – сарэ́ дэвлорэ́ дэ́на паты́в Лэ́скэ.

Jona 1:5

И матросы дара́ндынэ, и кажно (сва́ко) ману́ш дыя́ го́дла кэ пэ́скиро дэвлоро. И ёнэ чхурдынэ́ гпхарипэ́н (грузо), со сыс пэ па́рма, дро мо́рё (дэрья́в), соб (кай) тэ явэ́л локхэды́р па́рма. Нэ о Ёна (Иона) гия́ тэлэ́ дро тэлатуно штэ́то пэ па́рма, пасия́ и сыг сыс суто́.

Psalmy 135:15

Наюдытконэ́-нацыенгирэ и́долы исын рупэ́стыр и сувнака́стыр, манушэ́нгирэ васта́ кэрдэ́ лэн:

Isajos 26:14

Мулэ́ на отджидёна, Рефаимы на уштэна, пал-дова́, со Ту явдя́н и хасякирдян лэн; хасякирдян рипирибэ́н пал лэ́ндэ.

Isajos 41:26

Кон пхэндя́ анги́л сарэ́ндэ самонэ англыпна́стыр, соб (кай) тэ джинас амэ́нгэ, и ґара́ анги́л дава́, соб (кай) амэ́нгэ сашты́ тэ пхэнас: “Дава́ исын чачипэ́н.” Нэ нанэ никонэ́с, кон тэ пхэнэ́л анги́л сарэ́ндэ, ци вари-кон тэ шунэ́л тумарэ́ лава́.

Isajos 57:6

Дрэ гладка барорэ сыгнонэ рэкицакирэ исын тыри́ до́ля (бажын); ёнэ откэрэна англыпэ́н; лэ́нгэ ту чхувэ́са тхадуно розмэкно яныбэ́н и тэ янэс свэ́нта дыибэна́; ци пхэна́ва Мэ, со дава́ явэ́лас куч ваш Ма́нгэ?

Ереме́ё 2:27

савэ́ пхэнэ́на каштэскэ: ‘Ту сан миро дад’, – барэскэ: ‘Ту яндян ман пэ свэ́то! ‘Тумарэ́ мануша́ рисинэ́ думэса кэ Мэ, а на мо́са: нэ сыр явэ́ла пхаро́, тэды ёнэ пхэнэ́на: ‘Ушты́ и зра́кх амэн.’

Ереме́ё 2:28

Нэ кай исын тумарэ́ дэвлорэ́, со тумэ́ кэрдэ́ ваш пэ́скэ? Мэк ёнэ тэ уштэ́н, и мэк ёнэ тэ зракхэн тумэн, сыр исын пхаро́ тумэ́нгэ! Пал-дова́ со ту́тэ, Юдэ́я, исын ада́кицы дэвлорэ́, кицы́ исын фо́рья!

Ереме́ё 10:3

Пал-дова́ со далэ́ манушы́тка стату́ты нисо́ нанэ мол. Акэ, екх ману́ш вычингирэла кашт дро вэш, скаминдарискирэ васта́ обкэрэна лэс товэрэса.

Ереме́ё 51:17

Кажно (сва́ко) ману́ш ячэ́ла буро [дылыно́-р.с.] пэ́скирэ джиныбнастыр, кажно сувнакунэнгиро мастеро явэ́ла ладжакирдо́ вычхудэ́ идолостыр, пал-дова́ со дава́ биладо идоло исын хохано́, и нанэ ду́хо (фа́но) дрэ лэ́стэ.

Дание́лё 5:4

Пинэ́ мол, славиндлэ дэвэла́ (дэвлорэн), сувнакунэ́, рупунэ, харкунэ́, саструнэ́, каштунэ и барунэ́.