Avakumo 2:18 - Библия - Пэ Балтитко Романи чиб (Романэс) 2019

¹⁸ Саво́ лачхипэ́н исын вычхиндлэ́ мо́стыр, со вычхиныбнаскиро (резчыко) кэрдя́. Вычхиндло муй на сыклякирэ́ла нисоскэ, на дыкхи́ пэ дова́, со лэ́скирэ кэрибнаскиро ману́ш патя́ла дрэ лэ́стэ, ке́ли ёв кэрэ́ла мута (нема) и́долы?

Biblija - Pe Baltitko Romani čib (Romanes) 2019

¹⁸ Savó lačhipén isyn vyčhindlé móstyr, so vyčhinybnaskiro (riezčyko) kerdiá. Vyčhindlo muj na sykliakiréla nisoske, na dykhí pe dová, so léskire keribnaskiro manúš patiála dre léste, kiéli jov keréla muta (niema) ídoly?

Avakumo 2:18 Referans Kwoze

Ереме́ё 10:8

Ёнэ исын со кэ екх бигодякирэ и дылынинька, лэ́нгиро сыклякирибэ́н исын чхучо́, соб (кай) тэ дэн паты́в каштэнгэ.

1 Коринфянэнгэ 12:2

Тумэ́ джинэ́на, со анги́л дова́, сыр тумэ́ ячнэ́ тэ патя́н Христосо́скэ, тумэ́ псирдэ́ екхэ́ немонэ́ идоло́стыр кэ яви́р, савэ́ сы́рбы лыджинэ́ тумэн.

Заха́рия 10:2

Пал-дова́ со тэрафимы башэна чиба́са, а зумакирибнаскирэ (вешчуны) дыкхэ́на хоханэ́с и роспхэнэна сунэ́ хоханэ́; ёнэ ковлякирэна илэ чхучипнаса (пустотаса); ваш-дова́ ёнэ псирэ́на сыр бакрэ́, савэ́нгэ исын пхаро́, пал-дова́ со нанэ чхупнарис (пастырёс).

Isajos 42:17

Тэ́ньци рисёна палэ и древа́н ладжана одолэ́, конэ́скири наде́я сыс пэ и́долы, кон ракирэ́ла кэ кэрдэ́ дэвлорэ́: “Тумэ́ – амарэ́ дэвэла́.”

Isajos 45:16

Сарэ́ ёнэ явэ́на ладжакирдэ́; кхэтанэ́ лэ́нца джа́на ладжаса и одолэ́, кон кэрэ́ла и́долы.

Jona 2:8

Ке́ли миро ди замыя́ дро ма́ндэ, мэ пририпирдём Рас-Дэвлэ́с, и миро мангипэ́н гия́ упрэ́ кэ Ту, дрэ Тыри́ Свэ́нто Кхангири́.

Sykadyipén 19:20

И рискирибна́скиро мурда́л сыс лыно́ и кхэтанэ́ лэ́са хохано́ проро́ко, саво́ кэрдя́ ди́вы анги́л лэ́стэ, савэ́нца ёв хохавэлас манушэ́н, савэ́ дорэснэ́ рискирибна́скирэ-мурдалэ́скири шпэ́ра сыр клеймо и клониндлэпэ патыва́са мурдалэ́скирэ патриня́кэ (образо́скэ). Ёнэ сыс чхурдынэ́ джидэнца дро зеро (озеро) яга́са, со хачолас дзэвэляса (сераса).

Римлянэнгэ 6:21

Савэ лачхэ́ рэ́нды тумэ́ тэды кэрдэ́? Долэ́, савэ́ндыр тумэ́ какана́ кокорэ́ ладжана, пал-дова́ со лэ́нгиро ко́нцо (яго́ро) исыс мэрибэ́н.

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

Isajos 37:38

И ко́ли ёв мангэласпэ дро Нисрохоскиро, пэ́скирэ-Дэвлэ́скиро Кхэр, Адрамелехо и Шарецэро, лэ́скирэ чхавэ́, замардэ́ лэс куртала́са, а кокорэ́ нашнэ́ пэ пхув Араратоскири. И яця́ крали́са Асардано, лэ́скиро чхаво́, пэ лэ́скиро штэ́то.

Isajos 1:31

Зорало́ явэ́ла сыр шмата, и лэ́скиро рэ́ндо сыр яг; явэ́на тэ хачон кхэтанэ́ и нико́н на мурдякирла.”

1 Kralip 12:21

и на джа́н пала́л бибахталэ́ дэвлорэндэ, савэ́ на янэ́на лачхипэ́н и на зракхэна; пал дова́ со ёнэ – дылныпэ́н.

Psalmy 97:7

Сарэ́, кон дынаринэла дэвлорэ́нгэ, со мануша́ вычхиндлэ́, явэ́на ладжакирдэ́ и одолэ́, савэ́ шарэнапэ идолэнца – сарэ́ дэвлорэ́ дэ́на паты́в Лэ́скэ.

Isajos 40:19

Спецо тэ вычхинэл кэрэ́ла идоло, сувнакунари учхакирэ́ла лэс сувнака́са, прикэрэла кэ ёв руповэ зандирорья (цэпочки).

Isajos 41:26

Кон пхэндя́ анги́л сарэ́ндэ самонэ англыпна́стыр, соб (кай) тэ джинас амэ́нгэ, и ґара́ анги́л дава́, соб (кай) амэ́нгэ сашты́ тэ пхэнас: “Дава́ исын чачипэ́н.” Нэ нанэ никонэ́с, кон тэ пхэнэ́л анги́л сарэ́ндэ, ци вари-кон тэ шунэ́л тумарэ́ лава́.

Isajos 44:12

Фаурнари (ковалё) кэрэ́ла састырэстыр товэр, и ёв обкэрэла пэ вангара лэс; выкэрэла лэс барэ́ млотэнца и обкэрэла лэс пэ́скирэ зоралэ́ вастэ́са; адя́кэ кэрэ́ла буты́, со ёв ячэ́ла бокхало и бизорья́киро, ёв на пьела пани́, и ёв кхинёла.

Ереме́ё 2:8

Э рашая́ на пхэндлэ́: ‘Кай исын Рай Дэвэ́л?’, – кодолэ́, кон рикирэ́ла зор пэ Зако́но, ёнэ на джиндлэ́ Ман: пастыри адя́кэ-паць кэрдэ́ чорипэ́н Ма́нгэ, и проро́ки ангилпхэнэнас Валаалоскирэ лавэ́са, и ёнэ псирдэ́ пал и́долы, савэ́ндыр на сыс ни саво́ лачхипэ́н лэ́нгэ.

Ереме́ё 16:19

Раё Дэ́вла! Ту сан миро зоралыпэ́н и мири́ тва́рдыма, и пал Ту́тэ Мэ гарадёвава дрэ трашанэ (даракунэ) дывэса́, кэ Ту явэ́на бут мануша́ сарэ́ ягорэндыр (краендыр) пэ пхув и пхэнэ́на: “Амарэ́ дада́, чачэс, дорэснэ́ (долынэ) мэкно́ миштыпэ́н, саво́ исын хохано́ и хартытко (никчэмно), и лэ́стыр нанэ ни саво́ лачхипэ́н.

Ереме́ё 51:17

Кажно (сва́ко) ману́ш ячэ́ла буро [дылыно́-р.с.] пэ́скирэ джиныбнастыр, кажно сувнакунэнгиро мастеро явэ́ла ладжакирдо́ вычхудэ́ идолостыр, пал-дова́ со дава́ биладо идоло исын хохано́, и нанэ ду́хо (фа́но) дрэ лэ́стэ.

Дание́лё 5:23

нэ ту ґаздыянпэ проти Растэ-Дэвлэ́стэ болыбнаскирэстэ и кхорэ́ (сасу́ды) Лэ́скирэ кхэрэ́стыр лыджинэ́ кэ ту и ту и тырэ́ тхага́рья, э джувля́ тырэ́ и бисовлахирэ джувля́ тырэ́ пинэ́ лэ́ндыр мол (вино) и ту шардян дэвлорэн рупэ́стыр и сувнака́стыр, харкома́тыр (медятыр), састырэстыр, каштэ́стыр и э барэстыр, савэ́ на дыкхэ́на, на шунэ́на, на ґалёна; а Дэвлэ́с, дрэ Конэ́скиро васт исын тырэ́ пхурдыпэн (дыхиныбэн) и Конэ́стэ исын сарэ́ дрома́ тырэ́, Одолэ́с ту на барьякирдян.

Amoso 2:4

Адя́кэ ракирэ́ла Рай-Дэвэ́л: “Пал трин чорипэна, со кэрдя́ Юда и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ на прилынэ́ (дыкхнэ́ вучипна́стыр) пэ Зако́но Ра́скирэ-Дэвлэ́скиро, и ёнэ на ракхнэ Лэ́скирэ припхэныбэна́ и лэ́нгирэ хоханэ́ дэвлорэ́, пал савэ́ лэ́нгирэ дада́ гинэ́ тэ кэрэ́н паты́в, лыджинэ́ лэн дромэ́стыр.

Сэндарьенгири Лылвари́ 17:4

Нэ ёв рискирдя́ руп пэ́скирэ да́кэ. Лэ́скири дай лыя́ дуйшэла́ шэ́кели руп и отдыя́ лэн вычхуибнарискэ. Ёв кэрдя́ лэ́ндыр вычхиндло муй и вычхудо о́бразо (кумиро), саво́ и сыс дрэ Михаскиро кхэр.