Avakumo 2:16 - Библия - Пэ Балтитко Романи чиб (Романэс) 2019

¹⁶ Ту сан пхэрдо́ ладжаипнаса, а на слава́са. Акана́ Ту адя́кэ-паць, пи! Мэк тэ явэ́л отчхакирдо тыро́ наобчхиныбэн! Тахта́й чачунэ́-вастэскиро Ра́стыр-Дэвлэ́стыр рисёла проти ту́тэ, и ладжаипэ́н (ладжакуно чадыипэн) пэрэ́ла пэ тыро́ барипэ́н (сла́ва).

Biblija - Pe Baltitko Romani čib (Romanes) 2019

¹⁶ Tu san pherdó ladžaipnasa, a na slavása. Akaná Tu adiáke-pac', pi! Mek te javél otčhakirdo tyró naobčhinyben! Tahtáj čačuné-vasteskiro Rástyr-Devléstyr risjola proti túte, i ladžaipén (ladžakuno čadyipen) peréla pe tyró baripén (sláva).

Avakumo 2:16 Referans Kwoze

Isajos 47:3

Одкэрлапэ тыро́ нангипэ́н, явэ́ла бицялы тыри́ ладж. Кэра́ва Мэ сэ́ндо, Мэ на потангинава никонэ́с.”

Sykadyipén 18:6

Кэрэ́н палэ ла́кэ адя́кэ, сыр ёй создыя́ тумэ́нгэ. Отдэ́н палэ ла́кэ дрэ дуй мо́лы буты́р пир ла́кири буты́. Змешынэн ла́кэ дуй мо́лы матэдыр мол дрэ ла́киро тахта́й;

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

Osija 7:5

Пэ свэнкитко дывэ́с амарэ́ крали́стэ, э тхага́рья (кня́зи) насвалякирдэ лэс, матякирдэ моляса (виноса); и ёв лыя́ тэ тырдэл пэ́скиро васт кэ одолэ́, савэ́ холямэс санапэ лэ́стыр.

Osija 4:7

Со бутэды́р исын рашая́, то бутэды́р ёнэ кэрэ́на грэ́хи проти Ма́ндэ, и Мэ рискира́ва лэ́нгиро барипэ́н дрэ ладж.

Roiben 4:21

Ра́дынпэ и яв весёло (хотно), Эдомоскири Чхай, кон дживэ́ла пэ пхув Уз. Тахта́й адя́кэ-паць явэ́ла пирда́л кэ ту: ту матёса, и ту нангякирэса пэс.

Ереме́ё 51:57

Мэ, Рай Дэвэ́л, матякирава лэ́нгирэ тхагарье́н и манушэ́н, кон дэ́ла годы́, лэ́нгирэ-тхэмэ́скирэ барыдырэ́н, лэ́нгирэ барэ́ ран, и лэ́нгирэ халадэ́н: и ёнэ явэ́на тэ совэн ве́чнэс, и ёнэ на джангадёна (на прошнинэнапэ)”, – ракирэ́ла о Кра́ли, Лэ́скиро Лав исын болыбна́скирэ-янголэ́нгиро Рай Дэвэ́л.

Ереме́ё 25:15

И ишчо (инкэ́), со Рай Дэвэ́л, Дэвэ́л Израилёскиро, пхэндя́ ма́нгэ: “Лэ тахта́й (чаша) моляса (виноса), со исын пхэрды́ холя́са Мирэ́ вастэ́стыр, и кэр адя́кэ, соб (кай) сарэ́ Наюды́тка на́цыи, кэ савэ́ Мэ бичхадём тут, тэ пьен лэ́стыр.

Isajos 49:26

И одолэ́, кон пэ ту́тэ ґаздыя́пэ, явэ́на тэ хан пэ́скири лоч (плоть); и явэ́на тэ пьен пэ́скиро рат, сыр тэрны́ мол (вино), и кажно лоч (плоть) ґалёла, со Мэ сом Рай Дэвэ́л, Зракхибнари тыро́, Саво́ Тут выкиндя, Зорало́ Яково́скиро.”

Isajos 20:4

адя́кэ лыджа́ла Асирия́киро кра́ли заухтылдэ манушэ́н пленонэн Египто́стыр, манушэ́н, савэ́ пиритрадынэ Ефиопиятыр; лыджа́ла тэрнэн и пхурэн, ёнэ джа́на нангэ и пирангэ, соб (кай) тэ ладжакирэн Еги́пто.

Pritčy 3:35

Годэ́ мануша́ дорэсэ́на (долэна) сла́ва сыр миштыпэ́н, нэ ладж явэ́ла тэ учхакирэл дылынэн.

Psalmy 75:8

Нэ Дэвэ́л исын сэнда́ри, Саво́ чхувэ́ла тэлэ́ екхэн, и Саво́ ґаздэ́ла упрэ́ явирэ́н.

Ереме́ё 25:17

И Мэ, Ереме́ё, лыём тахта́й (чаша) Ра́скирэ-Дэвлэ́скирэ вастэ́стыр, и мэ зачхудём тэ пье́н сарэ́ Наюды́тка на́цыи, кэ савэ́ Рай Дэвэ́л бичхадя́ ман:

Ереме́ё 51:7

Вавило́но сыс сувнакуно́ тахта́й дрэ васта́ Ра́скирэ-Дэвлэ́скирэ, саво́ матякирдя сари́ пхув: на́цыи матинэ лэ́скирэ моля́тыр (лолэ́ бравинтатыр); палдава́ на́цыи ячнэ́ бигодякирэ.

Езэкилё 23:33

Ту явэ́са сыр маты тугатыр, тахтастыр, кай исын дар и чорорипэн, ґа́да, исын тырэ́ – пхэнякирэ Самариякиро тахта́й!

Avakumo 2:10

Ту придуминдян ладж пэ́скирэ кхэрэ́скэ, ке́ли ту хасякирдян бут народы (манушы́тка на́цыи), и палдава́ ту лыян грэ́хо пэ пэ́скиро ди.

Avakumo 2:15

Бида пэ лэ́стэ, кон дэ́ла тэ пьел пэ́скирэ суседоскэ (котарискэ/пашатунэскэ) и вычхувэла пэ́скири холы́, соб (кай) тэ матякирэл лэс, соб (кай) ёв сыс сашты́ (могиндя́) тэ дыкхэ́л лэ́скиро нангипэ́н.