Avakumo 1:4 - Библия - Пэ Балтитко Романи чиб (Романэс) 2019

⁴ Пир дова́ Зако́но яця́ бизорья́киро (нашадя зор), и нанэ чачуно́ сэ́ндо. Фуй ману́ш пиризорьякирэла чачунэ́ манушэ́с, а сэ́ндо рискирэна, сыр камэ́на.

Biblija - Pe Baltitko Romani čib (Romanes) 2019

⁴ Pir dová Zakóno jaciá bizorjákiro (našadia zor), i nane čačunó séndo. Fuj manúš pirizorjakirela čačuné manušés, a séndo riskirena, syr kaména.

Avakumo 1:4 Referans Kwoze

Psalmy 119:126

Дава́ исын Тыро́ часо, Раё Дэ́вла, тэ кэрэ́с вари-со, пал-дова́ со мануша́ пхагирдэ́ Тыро́ Зако́но.

Ióvo 21:7

Ѓа́да, со́скэ фуй мануша́ ґара́ (длу́гэс) дживэ́на, и ячэ́на пхурэ́, и ячэ́на зоралыпнаскирэ машки́р манушэ́ндэ?

Ереме́ё 12:1

Чачуно́ сан Ту, Рай Дэвэ́л, ко́ли мэ ява́ва тэ лыджав миро рэ́ндо Ту́са, мэк мэ тэ ракира́в пал Тыро́ чачипэ́н. Со́скэ да злыднитконэ манушэ́нгэ удэлапэ кэ миштыпэ́н? Со́скэ исын куч одолэ́нгэ, савэ́ исын бикиибнарья [нахрата-р.с.]?

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Amoso 5:12

Пал-дова́ со Мэ джино́м, со тумэ́ кэрдэ́ бут чорипэна, и тумэ́ндэ исын бут грэ́хи: тумэ́ притасавэ́на чачунэ́ манушэ́н и лэ́на мыты (взятки); тумэ́ рискирэна пэ риг чачипэ́н чорорэ́-манушэ́нгири пэ сэ́ндо [пашы́л форо́скири по́рта-ю.о.].

Osija 10:4

Ёнэ ракирэ́на хартытка (пуста) лава́, хоханэ́с совлахана, ке́ли счхувэна завето. Палдава́ пхаро́ сэ́ндо ґаздэ́лапэ пэ лэ́ндэ сы́рбы трутитко чар (ядовито), со исын пэ лесьни (борозны) фэлдэнгирэ.

Isajos 5:20

Бида одолэ́нгэ, савэ́ налачхипэн кхарэ́н лачхипна́са, а лачхипэ́н – налачхипнаса; и пхэнэ́на пэ калыпэ́н, со дава́ исын дуд, а пэ свэ́то – со дава́ исын калыпэ́н; пхэнэ́на пэ кирко, со дава́ исын гудло́, а пэ гудло́ пхэнэ́на – киркипэн!

Яви́р Зако́но 16:19

на пирикрэнцын Зако́но, на дыкх пэ муя́, и на лэ почастунко (да́ро), пал-дова́ со почастунко корьякирэла годьварэнгирэ якха́ и пирикрэнцынэла чачунэнгиро лава́;

Vygiiben 23:6

на сэндякир хоханэ́с тырэ́-чорорэскиро рэ́ндо пир чачипэ́н,

Vygiiben 23:2

На джа́ пала́л пал манушэ́нгиро скопо тэ кэрэ́с фуипэ́н, и на допхэн дро рэ́ндо адя́кэ, соб (кай) чачипэ́н тэ рискирэ́н, сыр бут мануша́.

Римлянэнгэ 3:31

Ци дава́ на значынэ́ла, со амэ хасякираса Зако́но патяибна́са? Сарэ́са над, амэ кэра́са Зако́но зоралэды́р.

Apostolengiri Butý 7:59

Ёнэ ишчо (инкэ́) мардэ́ Стехванос барэ́нца, а Стехвано мангдя́пэ Дэвлэ́скэ и ракирдя́: “Раё Дэ́вла, Ису́се! Прилэ́ миро ду́хо (фа́но).”

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Marko 7:9

Тумэ́ шука́р могинэ́на тэ отпарувэн Дэвлэ́скирэ припхэныбэна́ пэ пэ́скирэ присыкляибэна”, – ракирдя́ Ису́со.

Psalmy 94:3

О, Раё Дэ́вла, кицы́ явэ́на фуй мануша́, кицы́ явэ́на фуй мануша́ тэ радынэ́нпэ?

Psalmy 59:4

Пал-дова́ со ґа́да, ёнэ подракхэна тэ замарэ́н ман; зор мануша́ скэдэ́напэ пэ ма́ндэ: на пал мирэ́ чорэ́ рэ́нды ци пал миро грэ́хо, о Раё Дэ́вла!

Psalmy 59:2

Дэ́вла миро! Зра́кх ман мирэ́ вэргэ́ндыр, чхув ман пэ вучипэ́н одолэ́ндыр, савэ́ ґаздэ́напэ пэ ма́ндэ.

Amoso 5:7

Тумэ́, кон пирикэрэла чачуно́ сэ́ндо пэ трута (отрава), а чачипэ́н чхурдэна пэ пхув,

Ереме́ё 26:8

И яця́ адя́кэ: ке́ли Ереме́ё кончындя (пирияця́) тэ ракирэ́л саро́, со Рай Дэвэ́л припхэндя́ лэ́скэ тэ пхэнэ́л сарэ́ манушэ́нгэ, тэды рашая́, и проро́ки, и сарэ́ яви́р мануша́ ухтылдэ́ лэс, ракири́: “Ту, чачэс, мэрэ́са [банго́ тэ мэрэс-р.с.]!

Ереме́ё 12:6

Пал-дова́ со ровно (адя́кэ-паць) и тырэ́ пша́ла, и тырэ́-дадэ́скиро кхэр, адя́кэ-паць и ёнэ обгинэпэ ту́са сыр бикиибнаскирья (бикиныбнарья), мэк ёнэ и дэ́на го́дла яври́ пал ту́тэ. На патя лэ́нгэ, мэк и ракирэ́на ёнэ лачхинька лава́ ту́кэ.

Psalmy 22:16

Мири́ зор вышутия сыр котэ́р ґлэятыр (глинатыр), и Мири́ чиб прилипниндя кэ мирэ́ жанды. Ту чхудя́н ман дрэ мэрибнаскири бла́та.

Psalmy 11:3

Ко́ли манушы́тко джиибэ́н гия́ бизаконоскиро, со ж тэ кэрэ́л чачунэ́ манушэ́скэ?

3 Kralip 21:13

И дуй мануша́, злыдни, бэшнэ́ маму́й лэ́стэ, и лынэ́ тэ досыкавэн пэ лэ́стэ далэ́ налачхэ́ мануша́ анги́л манушэ́ндэ, и ракирдэ́: “Навуфеё калякирдя Дэвлэ́с и крали́с.” И лыджинэ́ лэс пал фо́ро, и домардэ́ лэс барэ́нца, и мыя́ ёв.

Psalmy 22:12

На яв дур ма́ндыр, сыр мэ пиридживава, сыр нанэ нико́н тэ дэл васт ма́нгэ.

Isajos 59:12

Пал-дова́ со бут чорипэ́н амэ кэрдя́м анги́л Ту́тэ; амарэ́ грэ́хи допхэнэна (досыкавэна) пал амэ́ндэ; амарэ́ налачхэ́ рэ́нды исын амэ́нца, амаро́ чорипэ́н амэ джина́са.

Ереме́ё 8:7

И аж бутяно (бусько) пэ болыбэ́н джинэ́ла пэ́скиро упхэндло́ часо, и цуглица, и бахирка (ласточка), и жураво дыкхэ́ла дуе якхэ́нца пал часо, сыр лэ́нгэ тэ явэ́н [тэ приурнян-р.с.]. Нэ Мирэ́ мануша́ на джинэ́на Ра́скирэ-Дэвлэ́скиро чачипэ́н.