Avakumo 1:3 - Библия - Пэ Балтитко Романи чиб (Романэс) 2019

³ Со́скэ Ту дэ́са ма́нгэ тэ дыкха́в чорипэ́н, и кэрэ́са адя́кэ, соб (кай) мэ тэ дыкха́в мэ́ньки? Пал-дава́ со чорья и нахрата рэ́нды исын анги́л мирэ́ якха́, мануша́ кошэнапэ и чингардэнапэ.

Biblija - Pe Baltitko Romani čib (Romanes) 2019

³ Sóske Tu désa mánge te dykháv čoripén, i kerésa adiáke, sob (kaj) me te dykháv mén'ki? Pal-davá so čorja i nahrata réndy isyn angíl miré jakhá, manušá košenape i čingardenape.

Avakumo 1:3 Referans Kwoze

Ереме́ё 20:8

Пал-дова́ со, ко́ли мэ вари-кицы́ ракира́ва, тэды, мэ да́ва го́дла, мэ годлава: ‘Нахратыма и хась’ пал-дова́ со пал Ра́скирэ-Дэвлэ́скиро лав санапэ яври́ и просана ман,

Ekliesiastos 5:8

[9] И ко́фо (льґота) пхувья́тыр исын ваш сарэ́нгэ, и кра́ли кокоро́ джидёла фэлдатыр.

2 Petr 2:8

пал-дова́ со кадава́ чачуно́ ману́ш, саво́ дыкхця́ саро́ и дживдя́ машки́р лэ́ндэ, мэнчындяпэ со дывэ́с пэ́скирэ чачунэ́ духо́са, ке́ли ёв дыкхця́ и шундя́ лэ́нгирэ рэ́нды, со сыс проти Зако́но.

Матфеё 10:16

Акэ, Мэ бичхава́ва тумэн сыр бакрэ́н машки́р рувэндэ; явэ́н годьварэ́ сыр сапа, и бибангипнаскирэ сыр голумбы.

Езэкилё 2:6

А ту, Манушэ́скиро чхаво́, на дар лэ́ндыр, и на дар лэнгрэ лавэ́ндыр, ко́ли ёнэ явэ́на ваш ту́кэ налачхэ́ чарьяса (пхусадытконэ дрэвицоса) и жылтонэ пхусадытконэ хрустэнца, ке́ли ту явэ́са тэ дживэ́с машки́р лэ́ндэ (сыр машки́р скорпионэндэ). На дар лэнгрэ лавэ́ндыр, на дар лэнгрэ мо́стыр, пал-дова́ со ёнэ исын кхэр, кай никонэ́с на кандэ́на.

Ekliesiastos 4:1

И мэ рисиём и дыкхцём, сыр притасавэ́на манушэ́н, и дава́ кэрэ́лапэ тэл кхам: и дыкх! Манушэ́нгирэ ясва, конэ́с притасавэ́на, нэ лэ́ндэ нанэ нико́н тэ подрикирэ́л лэ́нгиро ду́хо (фа́но), нэ пэ кадалэнгири риг, кон притасавэла сыс зор, нэ лэ́ндэ нанэ нико́н тэ подрикирэ́л лэ́нгиро ду́хо (фа́но).

Ереме́ё 15:10

Бида ма́нгэ, Еремеёскэ, мири́ дай, со ту бияндян ман тэ кошавпэ, и тэ чингардавпэ сарэ́ пхувья́са! Мэ на дыём никонэ́скэ ловэ́ тэл ко́фо, и ёнэ адя́кэ-паць на дынэ́ ма́нгэ тэл ко́фо, нэ кажно (сва́ко) лэ́ндыр прокошэла ман (кэрэ́ла арманя пэ ма́ндэ).

Ереме́ё 20:18

Ваш со мэ выгиём да́кирэ лочовьтыр тэ дыкха́в пхари́ буты́ и ту́га, и соб (кай) мирэ́ дывэса́ тэ джа́н пэ́скэ дрэ ладж.

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Isajos 46:12

Пошунэн Ман, мануша́ холямэ́ илэ́са, савэ́ отгинэ́ чачипнастыр.