Avakumo 1:15 - Библия - Пэ Балтитко Романи чиб (Романэс) 2019

¹⁵ Ёнэ, Халдеи, старэна манушэ́н вэндкаса, ёнэ ухтылэна лэн дрэ лэ́нгири кхуды́ (сеть), и ёнэ скэдэ́на лэн дро лэ́нгиро неводо, палдава́ ёнэ древа́н радынэ́напэ, и ёнэ исын весе́ла (лошалэ́).

Biblija - Pe Baltitko Romani čib (Romanes) 2019

¹⁵ Jone, Xaldiei, starena manušén vendkasa, jone uhtylena len dre léngiri khudý (siet'), i jone skedéna len dro léngiro nievodo, paldavá jone drieván radynénape, i jone isyn viesiéla (lošalé).

Avakumo 1:15 Referans Kwoze

Amoso 4:2

О Рай Дэвэ́л совлахадя́ Пэ́скирэ свэнтымаса: “Акэ, явэ́на дывэса́ пэ тумэ́ндэ, со тумэн явэ́на тэ тырдэн барэ́ нанглэнца (крюкэнца), и тумарэ́ явибнаскирэ чхаворэ́н нанглорэнца пэ вэндка пэ мачхэндэ.

Ереме́ё 16:16

“Акэ, Мэ бичхава́ва пэ лэ́ндэ бут мачхибнарье́н, – дава́ Мэ, Рай Дэвэ́л, ракира́ва, – и ёнэ явэ́на тэ ухтылэ́н (тэ старэн) лэн, а тэ́ньчи Мэ бичхава́ва пэ лэ́ндэ бут карэдынитконэн (охотникэн), и ёнэ традэ́на криг лэн кажнонэ́ бэрга́тыр, и кажнонэ́ бэргицэндыр и шчэлендыр дрэ скалы.

Psalmy 10:9

[30] Ёв гарадёла и ужакирэ́ла сыр шчэр (ле́во) дрэ хашча (логово); ёв гарадёла и ужакирэ́ла одолэ́н, кон исын бизорья́киро. Ёв ухтылэ́ла лэс и тырдэла лэс дрэ пэ́скири фэлы́ (петля).

Sykadyipén 11:10

И одолэ́, савэ́ явэ́на тэ дживэ́н пэ пхув, явэ́на тэ радынэ́нпэ лэ́нгирэ мэрибна́стыр. Ёнэ явэ́на тэ радынэппэ зоралэ́с и тэ бичхавэн да́ры екх екхэ́скэ, пал-дова́ со кодолэ́ дуй проро́ки древа́н мэнчындлэ манушэ́н.

Матфеё 17:27

Нэ, соб (кай) лэ́нгэ тэ на кэра́с фуипэ́н пал кадава́ приме́ро (сыкаибэ́н), джа́ пэ мо́рё (дэрья́в), зачхурдэ вэндка, и пэрвонэ́ мачхэстэ, саво́ попэрлапэ, откэр лэ́скиро муй и латхэса одо́й статиро; тырдэ лэс яври́ и дэ лэ́нгэ пал пэ́стэ и пал Ма́ндэ.”

Езэкилё 35:15

Сыр ту радынэсаспэ, со чхучи́ яця́ Израилёскирэ-кхэрэ́скири пхув, адя́кэ и Мэ кэра́ва ту́са: ту явэ́са чхучи́, бэ́рга Сеиро, кхэтанэ́ сарэ́ Идумеяса, и сарэ́ ґалёна, со Мэ сом Рай Дэвэ́л, Дэвэ́л.’”

Езэкилё 26:2

“Манушэ́скиро чхава! Палдова́, со Ти́ро ракирэ́ла пал Ерусалимо: ‘А! Ёв исын роспхагирдо – народэнгиро вуда́р; ёв обрисёла кэ мэ; мэ пхэрдякиравапэ, ёв исын чхучо́ (пусто).’

Езэкилё 25:6

Адя́кэ ракирэ́ла Рай Дэвэ́л, Дэвэ́л: пал дова́, со ту марэсас дрэ васта́, штавэсас ґэрэ́нца, радынэсаспэ илэ́са, со на камэсас тэ дыкхэ́с пэ Израилёскири пхув,

Ереме́ё 50:11

‘Пал-дова́ со тумэ́, мануша́ Вавилоно́стыр, радындлэпэ, и тумэ́ свэнкиндлэ кэ вучипэ́н, тумэ́, савэ́ росчордэ Миро мэкно́ миштыпэ́н – Мири́ нацыя. Тумэ́ радындлэпэ, ухнэ (ухтынэ) пэ́скэ сыр рэца (тёлка) пэ чар, и тумэ́ грымитындлэ сы́рбы ґэншта (граё).

Isajos 19:8

И заровэна мачхибнарья, заровэна одолэ́, кон зачхурдэлас вэндка дрэ рэка (лэнь) и одолэ́, кон чхувэлас кхудя (сетки) дро пани́, пэрэ́на пэ́скирэ деса.

Матфеё 13:19

Ке́ли вари-кон, кон шунэ́ла лав пал Дэвлэ́скиро Кралипэ́н, и на ґалёла, тэды явэ́ла на́лачхо и чорэла лэ́скирэ илэ́стыр кодова́, со сыс почхудо: кадасаво́ ману́ш исын сы́рбы зя́рка, сави́ сыс чхуды́ пашы́л дром.

Ереме́ё 5:26

Пал-дова́ со исын бибахталэ́ мануша́ машки́р Мирэ́ манушэ́ндэ: ёнэ подракхэна тэ замарэ́н сы́рбы кодолэ́, со старэна (ухтылэна) чирикле́н; ёнэ чхувэ́на фэлы́ сеткаса, ёнэ ухтылэна манушэ́н.

Avakumo 1:14

Со́скэ Ту кэрэ́са адя́кэ, со мануша́ ячэ́напэ сыр морёскирэ (дэрьявэ́скирэ) мачхэ́, сыр цапня, пэ савэ́ндэ нанэ барыдыро́?

Avakumo 2:5

Пхутькирдо ману́ш кэрэ́ла чорипэ́н сыр моля́тыр (виностыр), сави́ здэла лэс, и лэ́скэ уса́ нанэ штылыпэн (спокоё). Пал-дова́ со лэ́скиро тырдыпэ́н барьёла дрэ лэ́стэ сыр штэ́то дро лю́но (адо), и ёв исын на чало сыр мэрибэ́н, ёв, Халдеё, кэдэла кэ пэ сарэ́ манушы́тка ро́ды, и ёв затырдэла (заухтылэла) кэ пэ сарэ́ манушы́тка ро́дыцы.