Amoso 9:3 - Библия - Пэ Балтитко Романи чиб (Романэс) 2019

³ И тэ гарадён ёнэ кокорэ́ пэ Кармилоскиро вучипэ́н, одотхы́р Мэ выродава лэн и лава́ лэн. Мэк ёнэ и тэ гарадён Мирэ́ якхэ́ндыр пэ дугно (дно) морёскиро (дэрьявэ́скиро), и одотхы́р припхэнава Мэ сапэскэ и ёв дандырэла лэн.

Biblija - Pe Baltitko Romani čib (Romanes) 2019

³ I te garadjon jone kokoré pe Karmiloskiro vučipén, odothýr Me vyrodava len i lavá len. Mek jone i te garadjon Miré jakhéndyr pe dugno (dno) morjoskiro (derjavéskiro), i odothýr priphenava Me sapeske i jov dandyrela len.

Amoso 9:3 Referans Kwoze

Ереме́ё 16:16

“Акэ, Мэ бичхава́ва пэ лэ́ндэ бут мачхибнарье́н, – дава́ Мэ, Рай Дэвэ́л, ракира́ва, – и ёнэ явэ́на тэ ухтылэ́н (тэ старэн) лэн, а тэ́ньчи Мэ бичхава́ва пэ лэ́ндэ бут карэдынитконэн (охотникэн), и ёнэ традэ́на криг лэн кажнонэ́ бэрга́тыр, и кажнонэ́ бэргицэндыр и шчэлендыр дрэ скалы.

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Ióvo 34:22

Ни дро калыпэ́н (цямлыпэ́н), ни дрэ мэрибнаскири зэр (тень) нашты́ тэ гарадён Дэвлэ́стыр мануша́, кон кэрэ́ла чорипэ́н.

Amoso 1:2

И ёв пхэндя́: “О Рай Дэвэ́л явэ́ла тэ ґреминэл Сионо́стыр, и Ёв пхэнэ́ла Пэ́скирэ заня́са Ерусалимо́стыр; и явэ́на тэ тугинэн зоралэ́с санэ буди (хижыны) чхупнарьенгирэ, и вышутёла фе́ля (макушка) пэ вучипэ́н Кармилоскиро.”

Džiibén 3:8

И шундлэ́ Ра́скирэ-Дэвлэ́скири, Дэвлэ́скири зан (глос), сыр Ёв псирдя́ дрэ у́нта дрэ дова́ дывэ́с пэ васто́ко, сыр спыя хачкирибэ́н; Адамо и лэ́скири ромны́ ґарадынэ Ра́скирэ-Дэвлэ́скирэ, Дэвлэ́скирэ якхэ́ндыр машкира́л кашта́ дрэ у́нта.

2 Kralip 22:46

Мануша́ явирэ-родэнгирэ парнёна и тринскирэнапэ дрэ пэ́скирэ фо́рья зоралэ́ тынэ́нца.

Ióvo 22:13

Нэ ту ишчо (инкэ́) ракирэ́са: “Со джинэ́ла Дэвэ́л? Ци Ёв тэ сэндинэл пир хор цямлыпэ́н,

Psalmy 68:23

Рай Дэвэ́л пхэндя́: “Мэ яна́ва лэн палэ Вашаностыр, Мэ яна́ва лэн морёскирэ (дэрьявэ́скирэ) хорэ штэтэ́ндыр,