Amoso 8:7 - Библия - Пэ Балтитко Романи чиб (Романэс) 2019

⁷ О Рай Дэвэ́л совлахадя́ Яково́скирэ пхутькирибнаса: “Мэ чачипна́са ние́кхвар на бистрава пал лэ́нгирэ налачхэ́ бутя́.”

Biblija - Pe Baltitko Romani čib (Romanes) 2019

⁷ O Raj Devél sovlahadiá Jakovóskire phut'kiribnasa: “Me čačipnása nijékhvar na bistrava pal léngire nalačhé butiá.”

Amoso 8:7 Referans Kwoze

Amoso 6:8

Рай Дэвэ́л совлахадя́ Пэ́са, янголэ́нгирэ-болыбна́скиро Дэвэ́л, Рай Дэвэ́л и ракирэ́ла адя́кэ: “Ма́нгэ исын джунгало́ (брытко), со пхутёла Яково, и Мэ бидыкхава лэ́скирэ барэ́ фэлатиня́ (колова́); палдава́ Мэ выдава лэ́скиро фо́ро и саро́, со исын дрэ лэ́стэ.”

Osija 9:9

Ёнэ хор пынэ́ дро биладжаипэ́н, сыр дрэ дывэса́ Гивакирэ. О Дэвэ́л явэ́ла тэ рипирэл лэ́нгиро чорипэ́н, Ёв явэ́ла пхарэ́с тэ сэндякирэ́л пал лэ́нгирэ грэ́хи.

Osija 8:13

Ёнэ янэ́на джидо́ мас сыр свэ́нто дыибэ́н Ма́нгэ, и ёнэ ха́на лэс, нэ Мэ, Рай-Дэвэ́л, на прилава лэн.’ Акана́ Мэ ява́ва тэ рипирав лэ́нгиро чорипэ́н и тэ сэндякирэ́л лэн пал лэ́нгирэ грэ́хи: ёнэ рисёна палэ кэ Еги́пто.

Osija 7:2

Ёнэ на думинэ́на дрэ пэ́скирэ илэ, со Мэ рипирава саро́ лэ́нгиро фуипэ́н; аканэ лэ́нгирэ рэ́нды исын трусця́л (вокруг) лэ́ндэ; ёнэ исын сарэ́ анги́л Ма́ндэ.

Psalmy 10:11

[32] Ёв думинэ́ла пэ́скэ: “Дэвэ́л бистырдя. Ёв гарадя Пэ́скирэ якха́, Ёв на дыкхэ́ла дава́.”

Ереме́ё 31:34

И ёнэ буты́р на явэ́на тэ сыклякирэ́н, кажно ману́ш лэ́скирэ суседос (котарис), и кажно ману́ш лэ́скирэ пшалэ́с, ракири́: ‘Джинэ́н Рас-Дэвлэ́с’, – пал-дова́ со ёнэ джинэ́на Ман: най тыкнэстыр кэ най баро́’, – ракирэ́ла Рай Дэвэ́л. ‘Пал-дова́ со Мэ отмэка́ва лэ́нгиро чорипэ́н, и Мэ буты́р на ява́ва тэ рипирав лэ́нгиро грэ́хо.’

Ереме́ё 17:1

“Юдэя́киро грэ́хо исын чхиндло́ саструнэ́ далтаса (резцоса), диамантытконэ (алмазытконэ) чхиныбнытконэса исын вычхиндло пэ лэ́нгири таблица пэ ило́ и пэ алтарёскирэ шынга́.

Isajos 43:25

Мэ, Мэ Кокоро́, отмэка́ва тырэ́ грэ́хи ваш Пэ́скэ Кокорэскэ, Мэ на пририпирава грэ́хи тырэ́ буты́р.

Psalmy 47:4

Ёв тэлякирэла сарэ́ манушы́тка расы тэл амэ́ндэ и Наюды́тка на́цыи тэл амарэ́ ґэра́.

Luka 2:32

Ёв явэ́ла сыр Дуд (Свэ́то) тэ откэрэл Тыри́ во́ля ваш Наюдэ́нгэ. Ёв янэ́ла сла́ва Тырэ́ манушэ́нгэ, Израилёскэ.”

Psalmy 68:34

Саво́ традэ́ла уклисто пэ болыбэ́н, ве́чно болыбэ́н! Гада, Ёв дэ́ла го́дла Пэ́скирэ зоралэ́ заня́са.

Vygiiben 17:16

“Пал-дова́ со, пхэндя́ ёв, васт Ра́скирэ-Дэвлэ́скиро исын пэ троно: марибэ́н Растэ-Дэвлэ́стэ проти Амаликостэ сыс родо́стыр дрэ ро́ды.

Ереме́ё 44:21

“Ци дава́ исын на дро́га смо́лы, со тумэ́ хачкирдэ́ дрэ фо́рья Юдэя́кирэ и пэ вули́цы (пэ га́сы) Ерусалимо́скирэ, тумэ́ и тумарэ́ дада́, тумарэ́ кра́лья и тумарэ́ тхага́рья, мануша́ далэ́ пхувья́кирэ? Ци со дава́ Рай Дэвэ́л на рипирдя лэн, ци хай, на явдя́ дава́ Лэ́скэ пэ годы́?

Amoso 4:2

О Рай Дэвэ́л совлахадя́ Пэ́скирэ свэнтымаса: “Акэ, явэ́на дывэса́ пэ тумэ́ндэ, со тумэн явэ́на тэ тырдэн барэ́ нанглэнца (крюкэнца), и тумарэ́ явибнаскирэ чхаворэ́н нанглорэнца пэ вэндка пэ мачхэндэ.

Ióvo 24:23

Дэвэ́л дэ́ла лэ́нгэ ракхибэн, пэ саво́ ёнэ розгинэна, нэ Лэ́скирэ якха́ дыкхэ́на пэ лэ́нгирэ дрома́.

Psalmy 47:5

Ёв выкэдыя́ амаро́ мэкно́ миштыпэ́н ваш амэ́нгэ, баро́ вычэдырипэн Яково́скиро, кон исын дро́го Лэ́скэ. Сэ́ла.

Isajos 22:14

И откэрдя кэ мирэ́ кана́ Рай Дэвэ́л, болыбна́скирэ-янголэ́нгиро: “На отмэкэлапэ тумэ́нгэ дава́ грэ́хо, пака тумэ́ на мэрэ́на”, – пхэндя́ Рай Дэвэ́л, болыбна́скирэ-янголэ́нгиро.