Amoso 8:4 - Библия - Пэ Балтитко Романи чиб (Романэс) 2019

⁴ Шунэ́н дава́, тумэ́, кон чорьёла тэ накхавэл манушэ́н дрэ трэ́бима, и тэ хасякирэ́л сарэ́ чорорэн пэ пхув,

Biblija - Pe Baltitko Romani čib (Romanes) 2019

⁴ Šunén davá, tumé, kon čorjola te nakhavel manušén dre trébima, i te xasiakirél saré čororen pe phuv,

Amoso 8:4 Referans Kwoze

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.

Pritčy 30:14

Исын ро́до, дрэ саво́ манушэ́ндэ данда́ исын сыр курта́ла, и конэскирэ жанды исын сыр чхурья и скэдынэ́ тэ похан сарэ́са чорорэн пэ пхув и богэн машки́р манушэ́ндэ.

Psalmy 14:4

Нау́што чорэ́ манушэ́ндэ нанэ годы́, со ёнэ ха́на мирэ́ манушэ́н сы́рбы ёнэ ха́на маро́. А ёнэ на кхарэ́на Рас-Дэвлэ́с.

Psalmy 140:12

Мэк фуе́-чибало ману́ш тэ на зоралёл пэ пхув, мэк фуй мануша́ тэ ухтылэ́н нахратонэ (нахальнонэ) манушэ́н кэ са́мо хасибэ́н.

Psalmy 12:5

Одолэ́нгэ, кон пхэндя́: “Амэ ла́са упралыпэ́н амарэ́ чиба́са, амарэ́ лава́ джа́на пал амэ́ндэ: Кон да исын рай амэ́нгэ.”

Jakov 5:6

тумэ́ сэндиндлэ и мулякирдэ манушэ́н, савоэ сыс чачуноэ; ёнэ на сыс проти тумэ́ндэ.

Матфеё 23:13

Бида тумэ́нгэ, дуемуитка лылвари́тка и Фарисе́и, савэ́ зачхакирэна вудара́ дро Кралипэ́н дро Болыбна́скиро Раё анги́л манушэ́ндэ; пал-дова́ со тумэ́ кокорэ́ на заджа́на, и тумэ́ сан тэрдэ́ пэ дром одолэ́ндэ, савэ́ камэ́на тэ заджа́н.

Ереме́ё 5:21

“Шунэ́н дава́ акана́, тумэ́, нагодэ мануша́, савэ́ исын биилэскирэ, конэ́стэ исын якха́, нэ савэ́ на дыкхэ́на, конэ́стэ исын кана́, нэ савэ́ на шунэ́на”, – пхэндя́ Рай Дэвэ́л.

3 Kralip 22:19

И пхэндя́ Михе́ё: “Пал-дова́ шун лав Ра́стыр-Дэвлэ́стыр: мэ дыкхцём Рас-Дэвлэ́с, Саво́ сыс бэшто́ пал Лэ́скиро троно, и сарэ́ янголы и ду́хи болыбна́скирэ сыр халадыпэн сыс тэрдэ́ пашы́л Лэ́стэ, пир чачи́ и пир зэ́рво (ле́во) васт Лэ́стыр.

Amoso 7:16

И акана́ шун лав Ра́скирэ-Дэвлэ́скиро: ту ракирэ́са: ‘На ангилпхэн пэ Израилё, и на выпхэн лава́ пэ кхэр Исако́скиро’

Ереме́ё 28:15

И пхэндя́ проро́ко Ереме́ё кэ проро́ко Анания: “Шун акана́, Анания: Рай Дэвэ́л на бичхадя́ тут, нэ ту кэрэ́са адя́кэ, соб (кай) адалэ́ мануша́ тэ патя́н дро хохаибэ́н.

Isajos 28:14

Шунэ́н Ра́скирэ-Дэвлэ́скиро лав, кошыбнарья, далэ́ раё начачипнаскирэ народоскирэ, савэ́ дживэ́на кэ Ерусалимо.

Isajos 1:10

Тхага́рья (кня́зи) Содомо́скирэ! Шунэ́н Ра́скирэ-Дэвлэ́скиро лав! Народо Гомора́тыр, причхувэ́н кан кэ амарэ́-Дэвлэ́скиро Зако́но!

Psalmy 56:1

Хоро́скирэ Дирижоро́скэ пэ Мелодия: “Голумбица, сави́ исын штыл пэ дуратунэ́ Штэ́ты.” Давидоскири Наде́я, ке́ли Филистимля́ни ухтылдэ́ Лэс дро Гато.

Ióvo 24:4

Ёнэ шпулэна (пихинэна) богэн криг дромэ́стыр: чорорэнгэ пэ дая́ пхув трэй тэ гарадён.

Езэкилё 45:10

Мэк тэ явэ́н тумэ́ндэ чачунэ́ ублады́тка (весы), чачуны́ эфа, чачуно́ бато.

Amoso 5:12

Пал-дова́ со Мэ джино́м, со тумэ́ кэрдэ́ бут чорипэна, и тумэ́ндэ исын бут грэ́хи: тумэ́ притасавэ́на чачунэ́ манушэ́н и лэ́на мыты (взятки); тумэ́ рискирэна пэ риг чачипэ́н чорорэ́-манушэ́нгири пэ сэ́ндо [пашы́л форо́скири по́рта-ю.о.].

Mihiejo 2:2

Ёнэ исын ґалка (скэмпа) кэ фэ́лды, и ёнэ лэ́на лэн зорья́са. Ёнэ исын ґалка кэ кхэра́, и ёнэ откэдэна лэн манушэ́ндыр. И ёнэ притасавэ́на (обкэдэна) манушэ́с и лэ́скиро кхэр, и манушэ́с кокорэс, и лэ́скиро мэкно́ миштыпэ́н.

Psalmy 10:7

[28] Ке́ли ёнэ ракирэ́на, ёнэ кошэна, хохавэна и трашакирэна манушэ́н, лэ́нгири чиб ракирэ́ла чорипэ́н и дошакирэла манушэ́н.

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

Mihiejo 3:3

савэ́ ха́на лоч (джидэ́ маса́) мирэ́ манушэ́ндыр, савэ́ лучкирэна цы́па лэ́ндыр, и пхагирэна лэ́нгирэ кокалы́, и чингирэна лэн пэ котэра́ сыр мас ваш пири́, сыр лоч (джидэ́ маса́) ваш кака́ви (котло).”

Заха́рия 5:6

Ке́ли жэ мэ пхэндём: “Со дава́ исын? Ёв отпхэнэ́лас: “Дава́ выджа́ла эфа (кхудо), и пхэндя́: “Дава́ исын патри́н (о́бразо) лэ́нгиро пир сари́ пхув.”