Amoso 8:3 - Библия - Пэ Балтитко Романи чиб (Романэс) 2019

³ ‘И гиля́, со багандлэ дрэ фэлатиня́, ячэ́на сыр зорало́ ровибэн дро дова́ дывэ́с’, – ракирэ́ла Рай Дэвэ́л. Бут тру́пы явэ́на пир сарэ́ штэ́ты, мануша́ чхурдэна яври́ лэн би лавэнгиро.”

Biblija - Pe Baltitko Romani čib (Romanes) 2019

³ ‘I giliá, so bagandle dre felatiniá, jačéna syr zoraló roviben dro dová dyvés’, – rakiréla Raj Devél. But trúpy javéna pir saré štéty, manušá čhurdena javrí len bi lavengiro.”

Amoso 8:3 Referans Kwoze

Amoso 5:23

Дурьякирэн Ма́ндыр шумо (глумо) тумарэ́ гилендыр, пал-дова́ со Мэ на ява́ва тэ шунав мелодия тумарэ́ гусленца (арфэнгири),

Amoso 5:16

Палдава́ адя́кэ ракирэ́ла Рай Дэвэ́л, янголэ́нгирэ-болыбна́скиро Дэвэ́л Сарэзорья́киро: “Зорало́ ровибэн явэ́ла пэ сарэ́ вули́цы (га́сы), и мануша́ явэ́на тэ припхэнэн пэ сарэ́ дрома́: ‘Дэ́вла! О Дэвлалэ!’ И ёнэ явэ́на тэ кхарэ́н пхувья́кирэ бутярьен тэ тугинэн зоралэ́с, и кадасавэн, кон исын спецы тэ тугинэн ровибнаса.

Левито 10:3

И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.

Naumo 3:3

Уклистэнгирэ халадэ́ сы́гэс вурняна зяиндлэ курталэнца, марибны́тка бустя́ отмарнапэ зяиндлэ курталэнца; бут исын замардэ́, бут бут исын мулэ́ тру́пы, со нашты́ тэ погинэс: – ёнэ обштавэнапэ пир тру́пы.

Amoso 8:10

Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.

Amoso 4:10

“Мэ бичхававас пэ тумэ́ндэ мэрибнытка фра́нсы, сыр и пэ Еги́пто: Мэ мулякиравас тумарэ́ тэрнэ́ муршэ́н куртала́са кхэтанэ́ грэнца, савэ́н лэнас дро пле́но; Мэ кэравас адя́кэ, доя́ кхан (смрадо) ґаздэласпэ пир тумарэ́ станы (таборы) дрэ тумарэ́ рутхуня, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Ioil 1:11

Ладжан тумэ́, кон сан пхувья́кирэ бутярнэ́, тугинэн ровибнаса, тумэ́, кон сан винаградарья, пир парно́ гив и ґэрсто (ячменё), пал-дова́ со фэлдакирэ гива́ хасинэ́.

Ioil 1:5

Джангадён, матымарьялэ, и ровэ́н киркэс, и тугинэн ровибнаса, сарэ́, кон пьела мол (вино) пал бродно (винаграды́тко) со́ко (хум), пал-дова́ со ёв исын отлыно тумарэ́ уштэндыр.

Ереме́ё 22:18

Палдава́ адя́кэ ракирэ́ла Рай Дэвэ́л пал Иоакимостэ (Яхакимостэ), Иосиякирэ (Ёсияскирэ) чхавэ́стэ, крали́стэ пэ Юдэ́я: ‘На явэ́на тэ обровэн лэс “со ж Миро пшал? И со ж Мири́ пхэн?” На явэ́на тэ обровэн лэс: “Со ж, ту сан, миро Кхенинго?” и “Со ж лэ́скиро барипэ́н?”

Isajos 37:36

И выгия́ Янго́ло Дэвлэ́скиро и замардя́ дро Асирия́кирэ-халадэ́нгиро ста́но шэл охтодэша́ пандж тысёнцы манушэ́н. Уштынэ́ пэ са́мо зло́ко (зоря) и, акэ, – сарэ́ мануша́ исын мулэ́.

Psalmy 39:9

Зра́кх ман сарэ́ мирэ́ чорипна́стыр, на домэк, соб (кай) дылыно́ ману́ш тэ обракирэл ман.

Roiben 2:10

Годэпхурэ́ Сионоскирэ исын бэштэ́ штылэ́с пэ пхув; и исын ёнэ чхурдэна пра́хо пэ пэ́скирэ шэрэ́ и ёнэ подпхандэнапэ жалобнонэ гонэса. Ерусалимо́скирэ патывалэ́ тырнэ джувля́ бандякирэна шэрэ́ кэ пхув.

Amoso 6:4

Тумэ́, савэ́ сан паштэ́ пэ чхуибэна, со исын ґожакирдэ слонытконэ кокалоса, и тумэ́ потырдэнапэ пэ тумарэ́ дро́га пасиндля (ложы). Тумэ́ ха́на выкэдынэ́ бакрэ́н тумарэ́ стадатыр, и тхулэ гуруворэ́н ґуртостыр.

Amoso 6:5

Тумэ́ багана тэл гусленгири (арфакири) зан (глос), и придуминэна ваш пэ́скэ музыкакирэ струме́нты сыр Дави́до.

Amoso 6:8

Рай Дэвэ́л совлахадя́ Пэ́са, янголэ́нгирэ-болыбна́скиро Дэвэ́л, Рай Дэвэ́л и ракирэ́ла адя́кэ: “Ма́нгэ исын джунгало́ (брытко), со пхутёла Яково, и Мэ бидыкхава лэ́скирэ барэ́ фэлатиня́ (колова́); палдава́ Мэ выдава лэ́скиро фо́ро и саро́, со исын дрэ лэ́стэ.”

Софония 1:7

Яв штыл анги́л Растэ Дэвлэ́стэ, пал-дова́ со Ра́скирэ-Дэвлэ́скирэ Дывэ́с исын пашы́л, пал-дова́ со Рай Дэвэ́л исын скэдыно́ тэ янэл свэ́нто дыибэ́н, Ёв посвэнцындя Лэ́скирэ манушэ́н, савэ́н Ёв замангдя.