Amoso 8:2 - Библия - Пэ Балтитко Романи чиб (Романэс) 2019

² И Ёв пхэндя́: “Амосо! Со дыкхэ́са ту?” И пхэндём мэ: “Кхудо лынаитконэ (спялонэ) барьякирдэнца.” Тэ́ньци пхэндя́ Рай Дэвэ́л ма́нгэ: “Ко́нцо (яго́ро) явдя́ пэ Мирэ́ манушэ́ндэ Израилёстыр; и Мэ буты́р на отмэкав банг лэ́нгэ.

Biblija - Pe Baltitko Romani čib (Romanes) 2019

² I Jov phendiá: “Amoso! So dykhésa tu?” I phendjom me: “Khudo lynaitkone (spialone) barjakirdenca.” Tén'ci phendiá Raj Devél mánge: “Kónco (jagóro) javdiá pe Miré manušénde Izrailjostyr; i Me butýr na otmekav bang lénge.

Amoso 8:2 Referans Kwoze

Amoso 7:8

И пхэндя́ Рай Дэвэ́л ма́нгэ: “Амосэ! Со дыкхэ́са ту?” Мэ пхэндём: “Моловано́ отвесо.” Тэ́ньци Рай Дэвэ́л пхэндя́: “Акэ, Мэ чхува́ва отвесо машки́р Мирэ́ манушэ́ндэ Израилёстыр: Мэ буты́р на ява́ва тэ отмэкав банг лэ́нгэ.

Roiben 4:18

Амарэ́ вэ́рги традынэпэ пал амэ́ндэ пир амарэ́ шпэры (сляды), со амэ на могиндям тэ джас яври́ пэ га́са. Амаро́ ко́нцо (яго́ро) исын пашы́л, амарэ́ дывэса́ сыг кончынэнапэ, пал-дова́ со явдя́ амари́ хась.

Mihiejo 7:1

Бида ма́ндэ! Пал-дова́ со мэ, сом сы́рбы ману́ш, кон кэдэла лынаитка му́ри, сы́рбы кодолэ́, кон подкэдэла винаградо (дракх), нанэ ние́кх грозно (вэтка му́ри) тэ хав, нанэ ние́кх спяло мурина, со миро ди камэ́ла.

Заха́рия 5:2

И пхэндя́ ёв ма́нгэ: “Со дыкхэ́са ту?” Мэ отпхэнавас: “Мэ дыкха́ва сви́тко, саво́ вурняла; длэнгипэ́н лэ́скиро исын биш куня́ (логци), буґлыпэ́н лэ́скиро исын дэш куня́.”

Езэкилё 12:23

Палдава́ пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: Мэ хасякира́ва далэ́ лава́, буты́р на явэ́на тэ ракирэ́н дасавэ́ лавэ́нца дрэ Израилё. Пхэн лэ́нгэ: ‘Явэ́на сыг дывэса́ и пхэрдякирэлапэ кажно ангилпхэныбнаскиро дыкхибэ́н.”

Езэкилё 8:17

И пхэндя́ ма́нгэ: “Дыкхэ́са ци, манушэ́скиро чхаво́? Нау́што/хай ишчо (инкэ́) на́бут Юдакирэ кхэрэ́скэ долэ́ джунгалыпэна, савэ́ ёнэ кэрдэ́ ада́й, нэ ёнэ инкэ́ (ишчо) пхэрдякирдэ пхув нахратымаса, и ёнэ рисинэ́ тэ кошэнпэ Ма́нца. Акэ, ёнэ подлыджана рандя́ (вэ́тки) кэ пэ́скирэ накха.

Езэкилё 8:12

И пхэндя́ Ёв ма́нгэ “Дыкхэ́с ці, со кэрэ́на Израилёскирэ кхэрэ́скирэ барэдыра дро калыпэ́н (тёмныма) рат, со кэрэ́ла кажно лэ́ндыр дрэ пэ́скири шту́ба, кай исын и́долы? Ёнэ ракирэ́на: “На дыкхэ́ла амэн Рай Дэвэ́л, Дэвэ́л, ячадя Рай Дэвэ́л, Дэвэ́л дая́ пхув”

Езэкилё 8:6

И пхэндя́ Ёв ма́нгэ: “Манушэ́скиро чхава! Дыкхэ́са ли, со ёнэ кэрэ́на? Баро́ джунгалыпэ́н, саво́ кэрэ́ла ада́й Израилёскиро Кхэр (Кхангири́), соб (кай) Мэ тэ джав криг Мирэ́ свэнтонэ́ штэто́стыр? Нэ обрисёв, и дыкхэ́са джунгалыпэ́н (брыткима) ишчо (инкэ́) буты́р.

Езэкилё 7:6

Ко́нцо (яго́ро) явдя́, явдя́ ко́нцо (яго́ро), ґаздыя́пэ пэ ту́тэ, акэ, явдя́.”

Езэкилё 3:10

И пхэндя́ Ёв ма́нгэ: “Манушэ́скиро чхава! Сарэ́ Мирэ́ лава́, савэ́ Мэ ява́ва тэ ракира́в ту́кэ, прилэ́ тырэ́ илэ́са и вышу́н трэ канэнца.

Езэкилё 3:7

А Израилёскиро кхэр на закамэ́ла тэ шунэ́л тут, пал-дова́ со ёнэ на камэ́на тэ шунэ́н Ман, пал-дова́ со саро́ Израилёскиро кхэр исын пхарэ́-шэритка, и захалэ илэ́са.

Ереме́ё 40:10

Нэ, акэ, мэ ява́ва тэ ячавпэ дрэ Маси́фа [Мицпа-ю.о.], соб (кай) тэ ракира́в ваш тумэ́нгэ анги́л Халдеендэ, савэ́ явэ́на кэ амэ. Нэ тумэ́ кэдэн мол (вино) и лынаскирэ баритка и маслинитко дзэт, чхувэ́н лэн дрэ тумарэ́ пирья, и дживэ́н дрэ тумарэ́ фо́рья, савэ́ тумэ́ залынэ.”

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Isajos 28:4

И зашутинэ лулудяса лэ́скирэ гожонэ урибнастыр, сави́ исын пэ лачхи́ фэ́лда, кэрэ́на адя́кэ, сыр смокваса, сави́ сы́гэс выбария анги́л сроко, и палдава́, кон дыкхэ́ла ла, екха́тыр (сра́зу) лэ́ла вастэ́са и ха́ла екхэ ґлытанкоса.

Езэкилё 29:8

Палдава́ адя́кэ ракирэ́л Рай Дэвэ́л, Дэвэ́л: “А́кэ, Мэ яна́ва пэ ту́тэ курта́ла, хасякира́ва ту́тэ манушэ́н и гурувэ́н.

Džiibén 6:13

И Дэвэ́л пхэндя́ Ноёскэ: “Анги́л Ма́ндэ кажнонэ́ лочакэ явэ́ла ко́нцо (яго́ро); пал-дова́ со пхув пхэрдия лэ́нгирэ нахратонэ рэндэ́нца (злодеяниенца). И ґа́да, Мэ хасякира́ва лэн пхувья́тыр.

Amoso 8:1

Акэ, исын дава́, со Рай Дэвэ́л, сыкадя́ ма́нгэ: акэ, кхудо (корзина) спялонэ барьякирдонэнца (фруктэнца).

Osija 9:7

Явнэ́ дывэса́ тэ дыкхэ́н лэн, явнэ́ дывэса́ ваш сэ́ндо: ту, Израиле, явэ́са тэ джинэ́с пал дава́! О магико исын на барэ-годя́киро; а ману́ш, саво́ россэндякирэлас дро ду́хо (фа́но), исын бигодякиро, пир дова́, со древа́н хор исын тыро́ чорипэ́н, и древа́н зорало́ исын тыро́ намалыпэн (врогима).