Amoso 8:10 - Библия - Пэ Балтитко Романи чиб (Романэс) 2019

¹⁰ Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.

Biblija - Pe Baltitko Romani čib (Romanes) 2019

¹⁰ Me paruvava tumaré svénki pe zoralý túga i saré tumaré giliá pe zoraló roviben; i Me janáva žalobna balytka goné pe kažno trušúl, i plieha pe kažno šeró. Me keráva dro da dyvés bari túga pe phuv, savjása obrovena jekhore čhavés, i kónco (jagóro) daleske javéla syr kirko dyvés.

Amoso 8:10 Referans Kwoze

Ереме́ё 6:26

“Мирэ́-манушэ́нгири чхаё, чхув пэ пэ́стэ жалобно гоно́, и катынпэ дрэ пра́ска! Зоралэ́с тугин сы́рбы пал екхорэ чхаворэстэ, киркэс обров пал-дова́ со екха́тыр пэрэ́ла (явэ́ла) пэ амэ́ндэ замарибнари”, – пхэндя́ Рай Дэвэ́л.

Заха́рия 12:10

Нэ пэ кхэр Давидо́скиро и пэ Ерусалимо́скирэ манушэ́ндэ Мэ чхува́ва бахталыпнаскиро и мангипаскиро ду́хо (фа́но), и ёнэ дыкхэ́на пэ Лэ́стэ, Конэ́с пхусадэ́, и ёнэ лэ́на тэ ровэ́н пал Лэ́стэ, сыр пал екхорэстэ чхавэ́стэ и лэ́на тэ тангинэн пал Лэ́стэ, сыр тангинэн пэрвонэ́ чхаворэс.

Езэкилё 7:18

Тэ́ньци ёнэ урьенапэ дро балытко гуно праскаса, и учхакирэ́ла лэн трашаибэ́н, ладж явэ́ла пэ муя́ и ёнэ обчхинэна пэ́скирэ бала́.

Ереме́ё 48:37

Кажно шэро́ исын мурадо и кажна чхора (брода) исын мурадэ́, пэ кажно васт исын почхиныбэна, и пэ трушула исын балыткса гонэ́.

Ióvo 20:23

И явэ́ла адя́кэ: ёв явэ́ла пэ на́бут (куты́) скэдыно́ тэ пхэрдякирэл пэ́скиро пэр, то тэды Дэвэ́л бичхавэ́ла пэ лэ́стэ Пэ́скири хачкирды холы́, со дэ́лапэ сыр брышы́нд пэ лэ́стэ.

Osija 2:11

И Мэ кэра́ва адя́кэ, со ла́тэ пириячэ́ла (кончынэлапэ) сабэн радыма́са, буты́р на явэ́на свэ́нки ла́кирэ, ла́кирэ-чхонэскирэ свэнкицы, и ла́кирэ са́ваты-сарэ́ ла́кирэ скаминда.

Naumo 1:10

На дыкхи́ пэ дова́, со тумэ́ спэнтындлэпэ кхэтанэ́ сыр пхусадытка хру́сты, и спинэпэ сыр матымарья, тумэ́ явэ́на тэ хачон сыр пхусэскири цецива (шуко пхус).

Amoso 8:3

‘И гиля́, со багандлэ дрэ фэлатиня́, ячэ́на сыр зорало́ ровибэн дро дова́ дывэ́с’, – ракирэ́ла Рай Дэвэ́л. Бут тру́пы явэ́на пир сарэ́ штэ́ты, мануша́ чхурдэна яври́ лэн би лавэнгиро.”

Amoso 5:23

Дурьякирэн Ма́ндыр шумо (глумо) тумарэ́ гилендыр, пал-дова́ со Мэ на ява́ва тэ шунав мелодия тумарэ́ гусленца (арфэнгири),

Ióvo 3:5

Мэк калыпэ́н и мэрибнаскири зэр (тень) тэ учхакирэл дова́ дывэ́с, мэк о́блоки тэ ячэ́нпэ ўса́ды (сак) пэ лэ́стэ, мэк дывэсэнгиро калыпэ́н тэ страхакирэл дова́ дывэ́с.

Яви́р Зако́но 16:14

и ра́дынпэ пэ свэ́нко тыро́ ту, и тыро́ чхаво́, и тыри́ чхай, и дына́ри тыро́, и дына́рица тыри́, и Левито, и ману́ш, саво́ явдя́, и пирото (сирота), и пивлы (удова), савэ́ исын дрэ тырэ́ кхэра́;

Džiibén 21:16

и гия́, дура́л бэстя́, пэ адакици дур, сыр марибны́тко буст (стрела) вурняла. Пал-дова́ со ёй пхэндя́: “На кама́м чхавэ́скиро мэрибэ́н тэ дыкха́в.” И ёй бэсця́ проти лэ́стэ, и ґаздыя́ ґодла, и рондя́.

Левито 13:40

Ко́ли конэ́стэ пэ шэро́ вырэснэ бала́, тэды дава́ исын плешо: ёв исын жужо́;

Isajos 3:24

Мурша́ тырэ́ пэрэ́на куртала́тыр, зоралэ́ тырэ́ хасёна пэ марибэ́н.

Ереме́ё 2:19

Фуипэ́н, со ту кэрдя́н, пирисыклякирэла тут, и тыро́ отпхэныбэ́н Ма́ндыр бангякирэла тут: палдава́ джа́ и дыкх, сыр кирко и биба́хт ту́кэ, со ту ячкирдян Ман, Рас-Дэвлэ́с, и со ту́тэ нанэ дар анги́л Ма́ндэ”, – пхэндя́ Рай Дэвэ́л, Рай Дэвэ́л болыбна́скирэ-янголэ́нгиро.

Roiben 5:15

Амаро́ ило́ пирияця́ тэ радынэ́лпэ, амаро́ кхэлыбэн пирикэрдяпэ дрэ зоралы́ ту́га.

Езэкилё 7:2

“Ту, манушэ́скиро чхава, пхэн: “Адя́кэ ракирэ́ла Рай Дэвэ́л, Дэвэ́л. ‘Ко́нцо (яго́ро) исын Израилёскирэ пхувьякэ, ко́нцо (яго́ро) явдя́ пэ сарэ́ штар рига́.

Ioil 1:8

Ровэ́н зоралэ́с, мануша́лэ, и подпхандэнпэ жалобнонэ балытконэ гонэса, сы́рбы патывалы́ тэрны́ джувлы́, кон тугинэла пал ромэстэ пэ́скирэ тэрныпнастыр.

Amoso 5:21

Мэ бидыкхава, Мэ дыкха́ва вучипна́са пэ тумарэ́ свэнкитка дывэса́, и Мэ на сунгава (на сунгавава) гудло́ кхандыпэн (парфуны), со ячэ́ла тумэ́ндэ пэ скэдыибэна.

Ióvo 30:31

Мири́ лута (арфа) парудыя тэ тугинэл ровибнаса и мири́ свиролька яця́ заня́са, сави́ ровэла.

Osija 2:13

И Мэ пхарэ́с сэндякирава ла пал кодолэ́ дывэса́, пэ савэ́ ёй тхувалякирдя дро́га смо́лы Ваалэнгэ. Ёй шукарьякирдя пэс чэненца и мирикленца, и ёй гия́ пал ла́кирэ камлытконэ муршэндэ, и тэды ёй бистырдя Ман”, – ракирэ́ла Рай Дэвэ́л.