Amoso 7:2 - Библия - Пэ Балтитко Романи чиб (Романэс) 2019

² И сыс адя́кэ: ке́ли скочки поханэ на́бут со на сари́ чар, пэ пхув, тэ́ньчи мэ, Амосо, пхэндём: “О Раё Дэ́вла! Отмэк, мэ мангавапэ Ту́кэ! Сыр Яково дэ́ла ра́да тэ тэрдёл проти? Пал-дова́ со ёв исын тыкно́.”

Biblija - Pe Baltitko Romani čib (Romanes) 2019

² I sys adiáke: kiéli skočki pohane nábut so na sarí čar, pe phuv, tén'či me, Amoso, phendjom: “O Rajo Dévla! Otmek, me mangavape Túke! Syr Jakovo déla ráda te terdjol proti? Pal-dová so jov isyn tyknó.”

Amoso 7:2 Referans Kwoze

Езэкилё 11:13

И кэрдя́пэ адя́кэ, со сыр мэ ангилпхэнавас, то Фалтия, чхаво́ Ванеяскиро, мыя́. Тэ́ньци Мэ пыём пэ́скирэ мо́са и дыём го́дла зоралэ́с и пхэндём: “О, Раё Дэ́вла! Нау́што Ту камэ́са тэ мулякирэс манушэ́ндыр кэ ко́нцо (яго́ро)?”

Isajos 37:4

Мэк тэ шунэ́л тыро́ Рай Дэвэ́л лава́ Рабсакостыр, конэ́с бичхадя́ кра́ли Асирия́киро, хула́й лэ́скиро, соб (кай) ёв (Рабсако) тэ калякирэл джидэ́ Дэвлэ́с, соб (кай) тэ кошэл Лэс лавэ́нца, савэ́ шундя́ тыро́ Рай Дэвэ́л, помангпэ пал манушэ́ндэ, савэ́ ячнэ́пэ, савэ́ ишчо (инкэ́) джидэ́.’”

Езэкилё 9:8

Ко́ли ёнэ замарэнас лэн, а мэ яцёмпэ, тэ́ньчи мэ пыём пэ пэ́скиро муй, и дыём го́дла, и пхэндём: “Раё Дэ́вла, Дэ́вла! Ту чхувэ́са Тыро́ холямипэн пэ Израилё, со Ту хасякирэса саро́ Израилёскиро ячаибэ́н?”

Ереме́ё 42:2

и пхэндлэ́ Еремеёскэ, пророкоскэ: “Амэ мангаса зоралэ́с тут, соб (кай) тэ пэрэ́л анги́л ту́тэ амари́ па́тери (моли́тва), и, соб (кай) ту тэ помангэспэ пал амэ́ндэ Ра́скэ-Дэвлэ́скэ, тырэ́ Дэвлэ́скэ, пал сарэ́ндэ, савэ́ ячнэ́пэ, пал-дова́ со бутэндыр яця́пэ древа́н на́бут (куты́) амэ́ндыр, сыр ту дыкхэ́са,

Ереме́ё 14:7

‘Раё Дэ́вла! Мэк амаро́ чорипэ́н тэ допхэнэл пэ амэ́ндэ, кэр вари-со Тырэ́ лавэ́стыр; пал-дова́ со амэ бут отпыям Ту́тыр – амэ кэрдя́м грэ́хи проти Ту́тэ.

Vygiiben 10:15

ёнэ учхакирдэ сари́ пхув адя́кэ, со пхув на сыс бицялы, и выханэ сари́ пхувья́кири чар и сарэ́ вышэскирэ барьякирдэ́ (пло́ды), савэ́ ячнэ́пэ градостыр, и на яця́пэ ни саво́ зэлэныбэн ни дрэ вэша́, ни пэ фэлдытко чар пэ сари́ Египто́скири пхув.

Sykadyipén 9:4

Лэ́нгэ сыс пхэндло́ тэ на кэрэ́н чорипэ́н ни пхувитконэ чарьякэ, ни савэ́ зэлэнэ раслинакэ, ни савэ́ каштэскэ (дрэвоскэ), а екх манушэ́нгэ, савэ́ндэ на сыс Дэвлэ́скиро та́вро пэ лэ́нгирэ чэката:

Заха́рия 4:10

Пал-дова́ со, кон могинэ́ла тэ думинэл; со дывэ́с дава́ исын на древа́н важно, ке́ли дасавэ́ радыма́са дыкхэ́на пэ уровнё дрэ васта́ Зоровавелёскирэ, одолэ́ эфта́ (битринэ́нгиро дэш), дава́ исын якха́ Ра́скирэ-Дэвлэ́скирэ, савэ́ обухтылэна дыкхибнаса сари́ пхув?’”

Amoso 7:5

Тэ́ньци Мэ пхэндём “О Раё Дэ́вла! Тэрдёв! Мэ мангав Тут! Сыр Яково дэ́ла ра́да тэ тэрдёл проти? Пал-дова́ со ёв исын тыкно́!”

Дание́лё 9:19

Раё Дэ́вла, шун! Приманг (простин) амэ́нгэ, Раё Дэ́вла! Кандэ и кэр сыгэды́р ваш Ту́кэ Кокорэскэ, Дэ́вла миро, Тыро́ Лав дыно́ Тырэ́ фороскэ и Тырэ́ манушэ́нгэ.”

Isajos 51:19

Явнэ́ кэ ту дуй биды, кон тут потангинэла (пожалинэла): чхучипэн (пустота) и хасякирибэн, бокх и курта́ла; конэса Мэ тут тэ подрикирав?

Psalmy 12:1

Хоро́скирэ Дирижоро́скэ. Пэ балытка Струме́нты. Давидо́скиро Пса́лмо.

Vygiiben 34:9

и пхэндя́: “Ко́ли тэ явэ́л ла́ска ваш ма́нгэ дрэ Тырэ́ якха́, Раё Баро́, тэды мэк тэ джал Рай Баро́ машки́р амэ́ндэ; пал-дова́ со адалэ́ мануша́ исын пхарэ́-шэритка. Отмэк амаро́ чорипэ́н и грэ́хи амарэ́, и кэр амэн Тырэ́ прилыибнаскирэнца (наследникэнца) ваш Тыро́ мэкно́ миштыпэ́н.”

Ioil 2:17

Мэк рашая́, дына́рья Ра́скирэ-Дэвлэ́скирэ, тэ ровэ́н машки́р трэ́мо и алта́рё, и мэк ёнэ тэ пхэнэ́н: Пожалин Тырэ́ манушэ́н, о Раё-Дэ́вла, и на дэ Тыро́ миштыпэ́н тэ бипатывакирэн, соб (кай) Наюды́тка на́цыи тэ хулаинэн пэ лэ́ндэ, савэ́ явэ́на тэ ракирэ́н: Кай исын лэ́нгиро Дэвэ́л?’”

Amoso 4:9

“Мэ дукхававас тумэн шукэ́ насвалыпнаса (иржаса) и зэлэнэ кирныпнаса пэ гив; листэнгирэ кирмэ (гусеницы) поханас бут тумарэ́ унты (сады), и тумарэ́ винаградники (дракхитка), и тумарэ́ инжыритка кашта́, тумарэ́ маслинитка кашта́, нэ тумэ́ на рисинэ́ кэ Мэ”, – ракирэ́ла Рай Дэвэ́л.