Amoso 7:11 - Библия - Пэ Балтитко Романи чиб (Романэс) 2019

¹¹ Пал-дова́ со Амосо адя́кэ пхэндя́: “О Иеровоамо мэрэ́ла куртала́тыр, а Израилё явэ́ла, чачипна́са, лыджино криг дро пле́но лэ́скирэ пхувья́тыр.”

Biblija - Pe Baltitko Romani čib (Romanes) 2019

¹¹ Pal-dová so Amoso adiáke phendiá: “O Iierovoamo meréla kurtalátyr, a Izrailjo javéla, čačipnása, lydžino krig dro pliéno léskire phuvjátyr.”

Amoso 7:11 Referans Kwoze

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

Amoso 7:9

И вучэ́ штэ́ты, пэ савэ́ янэ́на дыибэна́, явэ́на чхучэ́ (пуста), и свэ́нта штэ́ты Израилёскирэ явэ́на паштэ́ дрэ руи́ны. И Мэ ґазда́ва курта́ла пэ Еровоамоскиро кхэр.”

Psalmy 56:5

Мэ рисиём кэ Дэвэ́л тэ зракхавпэ, мэ ява́ва тэ шара́в Лэ́скиро лав пир Лэ́стэ, мэ на ява́ва тэ дарав, со кэрэ́ла ману́ш ма́нгэ?

Apostolengiri Butý 6:14

амэ, хай, шундя́м, сыр ёв ракирдя́, со Ису́со Назаретостыр роспхагирэла Кхангири́ и парувэла присыкляибэн, саво́ амэ́нгэ дыя́ Мо́йза.”

Матфеё 26:61

и пхэндлэ́: “Кадава́ ману́ш пхэндя́: ‘Мэ могина́ва тэ роспхагирав Дэвлэ́скири най бари Кхангири́, и тэ ґаздав ла нэвэ́стыр пал трин дывэса́.’”

Ереме́ё 26:9

Со́скэ ту ангилпхэнэса Ра́скирэ-Дэвлэ́скирэ лавэ́стыр, ракири́: ‘Дава́ кхэр явэ́ла сы́рбы Сило́мо (Шыло), и дава́ фо́ро явэ́ла чхучо́, би манушэ́нгиро?’” И сарэ́ мануша́ скэдынэ́пэ проти Еремеёстэ дрэ Кхангири́ Ра́скирэ-Дэвлэ́скири.

Ереме́ё 36:16

И сыр сыс, со, ке́ли ёнэ шундлэ́ сарэ́ далэ́ лава́, тэды ёнэ подыкхнэ екх пэ екхэ́стэ дара́са, и ёнэ пхэндлэ́ Варухоскэ: “Амэ́нгэ сыр тэ на пхэнас (тэ на пирипхэнас) крали́скэ сарэ́ далэ́ лава́.”

Amoso 1:1

Лава́ Амосо́скирэ, кон сыс екх чхупна́ри (пастухо) дрэ Фекоя [Тэкоа-ю.о.], савэ́ лэ́скэ Рай Дэвэ́л сыкадя́ дрэ сунэ́, дрэ одолэ́ дывэса́, ке́ли о Ози́я сыс кра́ли пэ Юдэ́я, и дрэ дывэса́, ке́ли о Иеровоамо, чхаво́ Иоасоскиро, сыс кра́ли пэ Израилё дуй бэрш анги́л пхувья́киро тринскирибэн.

Amoso 7:10

Тэ́ньци о Ама́сия, раша́й Вефилятыр, бичхадя́ лав Иеровоамоскэ, крали́скэ Израилёскэ, пхэни́: “О Амосо зракирдяпэ пэ ту́тэ машки́р кхэр Израилёскиро: пхув нашты́ тэ шунэ́л сарэ́ лэ́скирэ лава́.

Amoso 7:12

Тэ́ньци о Ама́сия пхэндя́ Амососкэ: “Джа́ ту, ангилдыкхибнаскиро (магико), наш пэ пхув Юдаскири. Одо́й ха маро́, и одо́й ангилпхэн,

Mihiejo 1:16

Кэр пэ́скэ плешка [злэ пэ́стыр бала́-р.с.] и обчхин пэ́скирэ бала́, ке́ли ило́ тыро́ явэ́ла тэ дукхал пал дрогонэ́ чхавэ́ндэ тырэндэ. Барьякир пэ́скири плешка сы́рбы о́рло (ки́до), пал-дова́ со ёнэ джа́на дро пле́но ту́тыр.