Amoso 5:4 - Библия - Пэ Балтитко Романи чиб (Романэс) 2019

⁴ Палдава́ адя́кэ ракирэ́ла Рай Дэвэ́л кхэрэ́скэ Израилёскирэскэ: “Тумэ́ родэ́н Ман и явэ́на джидэ́.

Biblija - Pe Baltitko Romani čib (Romanes) 2019

⁴ Paldavá adiáke rakiréla Raj Devél kheréske Izrailjoskireske: “Tumé rodén Man i javéna džidé.

Amoso 5:4 Referans Kwoze

2 Паралипоменоно 15:2

и выгия́ ёв гил (пэ стреч) Асаскэ и пхэндя́ лэ́скэ: “Шун ман, Аса́ и саро́ Ю΄да и Вениамино: тэ явэ́л Дэвэ́л тумэ́нца, ке́ли тумэ́ явэ́на Лэ́са; и ко́ли явэ́на тэ родэ́н Лэс, тумэ́ латхэ́на Лэс; ко́ли ячкирэна Лэс, то и Ёв ячкирэ́ла тумэн.

Софония 2:3

родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Psalmy 14:2

Рай Дэвэ́л дыкхця́ болыбна́стыр пэ манушэ́скирэ чхавэ́ндэ тэ дыкхэ́л, ци исын вари-кон, саво́ ґалёла и родэ́ла Дэвлэ́с.

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Матфеё 7:8

Пал-дова́ со кажно, кон мангэ́ла, дорэсэ́ла пэ́скиро; кажно, кон родэ́ла, латхэ́ла; кажнонэ́скэ, кон марэла дро вуда́р, явэ́ла псирадо (отпхандло).

1 Паралипоменоно 28:9

и ту Соломо́но, миро чхаво́, джин Дэвлэ́с тырэ́ дадэскирэс, и дынарин Лэ́скэ сарэ́ илэ́стыр и сарэ́ де́стыр, пал-дова́ со Рай Дэвэ́л спробинэла сарэ́ илэ и джинэ́ла сарэ́ ду́мы. Ко́ли ту явэ́са тэ родэс Лэс, тэды латхэса Лэс, а ко́ли ячкирэса Лэс, Ёв ячкирэ́ла тут сарэ́са.

2 Паралипоменоно 20:3

И страхадыя Иосафа́то, и рискирдя́ пэ́скиро муй тэ родэ́л Рас-Дэвлэ́с, и дыя́ тэ джинэ́л пир сари́ Юдэ́я, пал посто.

Amoso 5:6

Родэ́н Рас-Дэвлэ́с и тумэ́ явэ́на тэ дживэ́н, соб (кай) Ёв тэ на кэрэ́л адя́кэ, со яг пэрэ́ла сы́гэс пэ кхэр Ёзаскиро, и хачкирэ́ла сарэ́са лэс адя́кэ, со на явэ́ла ние́кх тэ мурдякирэл яг дрэ Вефиль.

Psalmy 69:32

Дава́ явэ́ла лачхо́ Лэ́скэ буты́р, сыр тэ янав гурувэ́н ци гуруворэ́н ваш хачкирибнаскиро свэ́нто дыибэ́н, савэ́ндэ исын шынга́ (ро́ги) и ґэра́.

Psalmy 27:8

Миро ило́ пхэндя́ ма́нгэ: “Рисёв и поклонинпэ патыва́са (кэр шэрэ́са патыва́са) Ма́нгэ.” Мэ рисёва́ва тэ родав Тыро́ муй, Раё Дэ́вла.”

Psalmy 22:26

Мэ ява́ва тэ шара́в Тут пэ баро́ скэдыибэ́н; мэ кэра́ва дова́, пал со мэ совлахадём анги́л одолэ́ндэ, савэ́ дарэ́на Лэ́стыр.

2 Паралипоменоно 34:3

Пэ охто́то бэрш пэ́скирэ кралипнаскиро, ке́ли сыс ёв ишчо (инкэ́) тэрно́ ману́ш, ёв лыя́ тэ явэ́л кэ пэ́скирэ-дадэ́скиро Давидо́скиро Дэвэ́л; а пэ дэшуявир бэрш лыя́ тэ жужакирэл Юдэ́я и Ерусалимо вучипнэндыр и свэнцонэ вэшэ́стыр и кажнонэ́ вычхиндлэ́ и вычхудэ́ идолэндыр.

Яви́р Зако́но 4:29

Нэ ке́ли ту явэ́са тэ родэс одо́й Рас-Дэвлэ́с, тырэ́ Дэвлэ́с, тэды латхэса Лэс, ко́ли явэ́са тэ родэс Лэс сарэ́ тырэ́ илэ́са и сарэ́ тырэ́ деса.

Яви́р Зако́но 32:46

то пхэндя́ лэ́нгэ: “Чхувэ́н пэ ило́ тумаро́ сарэ́ лава́, савэ́ мэ дыём тэ джинэ́н тумэ́нгэ ададывэ́с, и пиридэ́н лэн пэ́скирэ чхавэ́нгэ, соб (кай) ёнэ тэ причхувэ́н зор тэ кэрэ́н кэ ко́нцо (кэ яго́ро) сарэ́ далэ́ лава́ Законо́стыр;

Яви́р Зако́но 32:47

пал-дава́ со дава́ исын на чхучо́ сыклякирибэ́н ваш тумэ́нгэ, нэ дава́ дэ́ла джиибэ́н тумэ́нгэ, и пир дава́ тумэ́ ґара́ (длу́гэс) явэ́на пэ доя́ пхув, пэ сави́ тумэ́ джа́на пирда́л Иорда́но, соб (кай) тэ заухтылэн ла.”

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Езэкилё 18:9

ко́ли ёв кэрэ́лас пир Мирэ́ упхэныбэна́, зракхэ́ла Мирэ́ зако́ны патяибныткэс; то ёв, чачипна́скиро исын дэвлы́тко, то джин, со кадасаво́ явэ́ла тэ дживэ́л’, – ракирэ́ла Рай Дэвэ́л, Дэвэ́л.

4 Kralip 20:3

“О, Раё Дэ́вла! Пририпир, со мэ псирдём анги́л муй Тыро́ чачунэ́с и чачунэса кэ Ту илэ́са, и кэрдём лачхэ́с дрэ якха́ Тырэ́.” И зарондя Езэки́я зоралэ́с.

2 Паралипоменоно 20:4

И скэдынэ́пэ Юдэи (Юдэя́кирэ) тэ мангэ́н васт (помошч) Ра́стыр-Дэвлэ́стыр; и сарэ́ Юдэ́нгирэ форье́ндыр явнэ́ ёнэ тэ мангэ́н Рас-Дэвлэ́с.

Psalmy 69:33

Штыл (тиха) мануша́ дыкхэ́на дава́ и явэ́на тэ радынэ́нпэ, и одолэ́, савэ́ родэ́на Дэвлэ́с, явэ́на тэ дживэ́н бахталэс.

Ереме́ё 38:20

Нэ Ереме́ё пхэндя́: “Ёнэ на выдэна тут. Шун, мэ манга́ва тут, зан Ра́скирэ-Дэвлэ́скири дро дова́, со мэ пхэна́ва ту́кэ, и тыро́ ди явэ́ла тэ дживэ́л.

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.