Amoso 5:3 - Библия - Пэ Балтитко Романи чиб (Романэс) 2019

³ Палдава́ адя́кэ ракирэ́ла Рай Дэвэ́л: “Дро фо́ро, саво́ дэ́лас тысёнцы манушэ́н пэ марибэ́н, ячэ́напэ шэл мурша́, дро фо́ро, саво́ дэ́лас шэл манушэ́н, ячэ́напэ дэш мурша́ ваш кхэрэ́скэ Израилёскирэскэ.”

Biblija - Pe Baltitko Romani čib (Romanes) 2019

³ Paldavá adiáke rakiréla Raj Devél: “Dro fóro, savó délas tysjoncy manušén pe maribén, jačénape šel muršá, dro fóro, savó délas šel manušén, jačénape deš muršá vaš kheréske Izrailjoskireske.”

Amoso 5:3 Referans Kwoze

Римлянэнгэ 9:27

Исаё ракирэ́ла роибнаса пал Израилё: “Мэк Израилёскирэ чхавэ́ тэ явэ́н ада́кицы бут, кицы́ исын морёскиро (дэрьявэ́скиро) пра́хо, а усае́кх набари паш лэ́ндыр зракхэ́лапэ:

Езэкилё 12:16

Нэ на́бут манушэ́н лэ́ндыр Мэ зракха́ва куртала́тыр, бокха́тыр и франсэндыр, соб (кай) ёнэ тэ роспхэнэ́н Наюдытконэ́ манушэ́нгэ, кэ савэ́ ёнэ явэ́на, ваш сарэ́ пэ́скирэ налачхипэна, тэ́ньчи ёнэ ґалёна, со Мэ сом Рай Дэвэ́л, Дэвэ́л.”

Isajos 10:22

Ко́ли б тэ явэ́л ту́тэ, Израиле, ада́кицы манушэ́н, кицы́ исын пра́хо пэ мо́рё (дэрья́в), обрисёла екх ячаибэ́н: хасибэ́н явэ́ла пир чачипэ́н, пир чачипэ́н пхэндло́, со явэ́ла хасибэ́н.

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Isajos 1:9

Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

Яви́р Зако́но 28:62

и ячэ́лапэ тумэн на́бут, тэды сыр тумэн сыс бут, тумэ́ са́нас сыр болыбна́скирэ чэргэня́, пал-дова́ со ту на шундя́н тырэ́ Ра́скирэ-Дэвлэ́скири, Дэвлэ́скири зан.

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Amoso 6:9

И тэ́ньчи явэ́ла адя́кэ: со ко́ли дэш мануша́ ячэ́напэ дро екх кхэр, то и ёнэ мэрэ́на.

Psalmy 144:14

мэк тэ явэ́н масунэ амарэ́ гурува, мэк тэ на явэ́л ни саво́ пхарипэ́н, ни саво́ хасякирибэн, ни саво́ ровибэн пэ амарэ́ вули́цы (га́сы).

Яви́р Зако́но 28:63

И явэ́ла адя́кэ, со сыр радындяпэ Рай Дэвэ́л, ке́ли кэрдя́ тумэ́нгэ лачхипэ́н и кэрдя́ буты́р тумэн, адя́кэ явэ́ла тэ радынэ́лпэ Рай Дэвэ́л, хасякири тумэн и традыи тумэн, и явэ́на вытрадынэ́ тумэ́ пхувья́тыр, пэ сави́ джа́са, соб (кай) тэ лэс ла.