Amoso 4:9 - Библия - Пэ Балтитко Романи чиб (Романэс) 2019

⁹ “Мэ дукхававас тумэн шукэ́ насвалыпнаса (иржаса) и зэлэнэ кирныпнаса пэ гив; листэнгирэ кирмэ (гусеницы) поханас бут тумарэ́ унты (сады), и тумарэ́ винаградники (дракхитка), и тумарэ́ инжыритка кашта́, тумарэ́ маслинитка кашта́, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

⁹ “Me dukhavavas tumen šuké nasvalypnasa (iržasa) i zelene kirnypnasa pe giv; listengire kirme (gusienicy) pohanas but tumaré unty (sady), i tumaré vinagradniki (drakhitka), i tumaré inžyritka kaštá, tumaré maslinitka kaštá, ne tumé na risiné ke Me”, – rakiréla Raj Devél.

Amoso 4:9 Referans Kwoze

Agiejo 2:17

Мэ бичхававас шукипэн, кирныпэн пэ гив, градо пэ бутя́, со тумарэ́ васта́ кэрдэ́, нэ тумэ́ усае́кх на рисинэ́ кэ Мэ”, – ракирэ́ла Рай Дэвэ́л.

Яви́р Зако́но 28:22

Занасвалякирэла тут Рай Дэвэ́л шукяса (чахоткаса), издранэ хачкирибнаса, шылаляса (лихорадкаса), флокаса (воспаленияса), зашутькирибнаса, хачкирдэ́ балваляса, и ржавчынаса, и ёнэ явэ́на тэ на отмэкэн тут, пака ту хасёса.

Ioil 1:4

дова́, со мэкця́ листэнгиро кирмо (гусеница), похая пхакитко скочко (саранча), нэ дова́, со мэкця́ пхакитко скочко, похая кирмо, нэ дова́, со мэкця́ кирмо, похая бамбула (жуко).

Amoso 4:6

“И Мэ дыём адя́кэ-паць тумэ́нгэ нангэ данда́, би хабнаскиро дрэ сарэ́ тумарэ́ фо́рья, и на явэ́ла тэ ухтылэл маро́ пэ сарэ́ тумарэ́ штэ́ты, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Amoso 4:8

Палдава́ дуй, ци трин фо́рья гинэ́ кэ яви́р фо́ро тэ пьен пани́, нэ ёнэ на пинэ́ чалэ́с, нэ усае́кх тумэ́ на рисинэ́ кэ Мэ”, – ракирэ́ла Рай Дэвэ́л.

Ioil 2:25

И Мэ да́ва палэ тумэ́нгэ саро́ дова́, со хая пхакитко скочко, кирмэ, бамбулы (жуки) и листэнгиро кирмо – Миро баро́ халадыбэ́н, со Мэ бичхадём пэ тумэ́ндэ.

Ioil 1:7

Ёнэ кэрдэ́ Мирэ́-винаградытконэ барьендыр чхучи́ пхув, и ёнэ пхагирдэ́ Миро инжыритко дрэ́во, ёнэ лучкирдэ цы́па лэ́стыр и чхурдынэ́ ла яври́: лэ́скирэ рандя́ ячнэ́ парнэ́.

Ереме́ё 5:3

Раё Дэ́вла! Ци на дыкхэ́на Тырэ́ якха́ пал патяибэ́н? Ту пэкавэса лэн пэ мэрибэ́н, нэ лэ́нгэ на дукхана даба (удары) (нанэ дукхано); Ту домарэсас лэн, нэ ёнэ отпхэндэпэ, соб (кай) Ту тэ пирисыклякирэс лэн: ёнэ кэрдэ́ пэ́скирэ муя́ зоралэды́р скалатыр, ёнэ отпхэндэпэ тэ рисён палэ кэ Ту.

Ереме́ё 3:10

Нэ усае́кх (сароекх) Израилёскири здыибнаскири пхэн Юдэ́я на рисия́ кэ Мэ сарэ́ илэ́стыр, нэ ёй фэ́ни пэфроми (пэмисни), – пхэндя́ Рай Дэвэ́л.

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

2 Паралипоменоно 6:28

Ци бокх явэ́ла пэ пхув, ци мороскирэ фра́нсы явэ́на, ци хачкирды балва́л явэ́ла, ци ржа, ци пхакитка скочки, ци кирмо, ци явэ́на тэ притасавэн лэс лэ́скирэ вэ́рги пэ пхув, сави́ исын лэ́скири, ци явэ́ла сави́ би́да, ци саво́ насвалыпэн,

3 Kralip 8:37

Ци явэ́ла пэ пхув бок, ци явэ́на мороскирэ фуя́, ци явэ́ла хачкирды балва́л, ржа, пхакитка скочки (саранча), кирмэ, ци вэ́рго явэ́ла тэ притасавэл лэс пэ пхув лэ́скири, ци явэ́ла сави́ би́да, ци саво́ насвалыпэн,

Яви́р Зако́но 28:42

Сарэ́ тырэ́ вэша́ и барьякирдэ́ (пло́ды) тырэ́-пхувья́кирэ схала ржавчина (кирныпэн).

Isajos 50:11

Акэ, сарэ́ тумэ́, кон хачкирэ́ла яг, конэ́стыр джа́на хачкирдэ́ искры сыр марибны́тка бустя́ (стре́лы)! Джа́н дрэ яг и искры тумарэ́ стрелэндыр! Дава́ прилэ́на тумэ́ Мирэ́ вастэ́стыр, дрэ мэ́ньки (биба́хт) тумэ́ хасёна (мэрэ́на).

Avakumo 3:17

Ко́ли и инжыритко дрэ́во (кашт), хачи, на явэ́ла тэ лулудёл (тэ цвэцинэл), и на явэ́на му́ри пэ винаграды́тка хру́сты; ко́ли маслинитконэ барьятыр на явэ́ла ничы́, и пэ фэ́лды на выбарьёла нисо́; ко́ли ста́ды бакрэ́нгирэ хасёна яври́ гражостыр (загоностыр), и на явэ́на кхэри́тка ста́ды дрэ шталы,

Isajos 9:12

Сирияни вастоко́стыр, Филистимля́ни западостыр; и ёнэ явэ́на тэ хан Израилё пхэрдэ́ мо́са. И на проджа́ла ишчо (инкэ́) Лэ́скири холы́, и васт Лэ́скиро исын протырдыно.

Osija 11:5

Ёв на рисёла палэ пэ пхув Египто́скири, нэ Асуро (Асириятыр) явэ́ла кра́ли лэ́нгэ: пал-дова́ со ёнэ отпхэндлэпэ тэ рисён кэ Мэ.

Малахия 3:11

И Мэ кэра́ва адя́кэ, со кирмэ буты́р тэ на хан сарэ́са барьякирдэ́ (пло́ды), со тумари́ пхув дэ́ла, и соб (кай) винаграды́тко хру́сто тэ на пириячэл тэ дэл му́ри пэ фэ́лда,” – ракирэ́ла янголэ́нгирэ-болыбна́скиро Рай Дэвэ́л;