Amoso 4:6 - Библия - Пэ Балтитко Романи чиб (Романэс) 2019

⁶ “И Мэ дыём адя́кэ-паць тумэ́нгэ нангэ данда́, би хабнаскиро дрэ сарэ́ тумарэ́ фо́рья, и на явэ́ла тэ ухтылэл маро́ пэ сарэ́ тумарэ́ штэ́ты, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

⁶ “I Me dyjom adiáke-pac' tuménge nange dandá, bi xabnaskiro dre saré tumaré fórja, i na javéla te uhtylel maró pe saré tumaré štéty, ne tumé na risiné ke Me”, – rakiréla Raj Devél.

Amoso 4:6 Referans Kwoze

Agiejo 2:17

Мэ бичхававас шукипэн, кирныпэн пэ гив, градо пэ бутя́, со тумарэ́ васта́ кэрдэ́, нэ тумэ́ усае́кх на рисинэ́ кэ Мэ”, – ракирэ́ла Рай Дэвэ́л.

Ереме́ё 5:3

Раё Дэ́вла! Ци на дыкхэ́на Тырэ́ якха́ пал патяибэ́н? Ту пэкавэса лэн пэ мэрибэ́н, нэ лэ́нгэ на дукхана даба (удары) (нанэ дукхано); Ту домарэсас лэн, нэ ёнэ отпхэндэпэ, соб (кай) Ту тэ пирисыклякирэс лэн: ёнэ кэрдэ́ пэ́скирэ муя́ зоралэды́р скалатыр, ёнэ отпхэндэпэ тэ рисён палэ кэ Ту.

Isajos 9:13

Нэ народо на обрисёла кэ Одова́, Кон марэла лэс, на родэ́ла Рас-Дэвлэ́с, болыбна́скирэ-янголэнгирэс.

Sykadyipén 2:21

И Мэ дыём ла́кэ часо тэ приґалёл ла́киро биладжаипэ́н, нэ ёй на камэ́ла тэ приґалёл пэ́скирэ грэ́хи.

Osija 5:15

Мэ джа́ва криг, Мэ рисёва́ва пэ Миро штэ́то анги́л дова́, сыр ёнэ приджинэна пэ́скири банг [лэ́нгиро чорипэ́н-ю.о.] и явэ́на тэ родэ́н Миро муй: ке́ли лэн притасавэ́на, ёнэ явэ́на добусо́вэс тэ родэ́н Ман.

Левито 26:26

А маро́, саво́ дэ́ла зор манушэ́скэ, Мэ хасякира́ва тумэ́ндэ; дэш джувля́ явэ́на тэ пэкэн тумаро́ маро́ дро екх бов, и явэ́на тэ отдэ́н маро́ тумаро́, важыны лэс; тумэ́ явэ́на тэ хан, и на явэ́на чалэ.

Езэкилё 16:27

Акэ, палдава́ Мэ протырдыём пэ ту́тэ Миро Васт, тыкнякирдём котэ́р долэ́стыр, со сыс тыро́, отдыём Филистимия́кирэ чхаенгэ, савэ́ бидыкхэнас тут, савэ́ ладжанас долэ́стыр, со ту кэрдя́н, соб (кай) тэ кэрэ́н ёнэ ту́са дова́, со камэ́на.

Isajos 26:11

Раё Дэ́вла! Тыро́ васт сыс вучэ́с ґаздыно́, нэ ёнэ лэс на дыкхнэ́; дыкхэ́на и ладжана, кон бидыкхэла (нашты́ тэ дыкхэ́л) пэ Тыро́ народо; яг ха́ла Тырэ́ вэргэ́н.

Isajos 3:1

Акэ, Рай Дэвэ́л, Рай Дэвэ́л болыбна́скирэ-янголэ́нгиро, залэла Ерусалимо́стыр и Юдэя́тыр кхия и дэсто́, подрикирибэ́н марэ́са и подрикирибэ́н пане́са.

2 Паралипоменоно 28:22

И дрэ пхарэ́ ваш пэ́скэ дывэса́ ёв усае́кх кэрдя́ на пир Зако́но анги́л Растэ-Дэвлэ́стэ, ёв – кра́ли Аха́зо.

4 Kralip 8:1

И ракирдя́ Елисе́ё джувля́кэ, савьякирэ чхавэ́с ёв отджидякирдя́, и пхэндя́: “Ушты́ и джа́, ту и тыро́ кхэр, и джив одо́й, кай могинэ́са тэ дживэ́с куты́ (на́бут); пал-дова́ со кхардя́ Рай Дэвэ́л бокх, и ёй явэ́ла пэ дая́ пхув эфта́ (битринэ́нгиро дэш) бэрш.”

4 Kralip 4:38

Елисе́ё рисия́ дро Галга́ло. И сыс бокх пэ доя́ пхув; и пророкэ́нгирэ чхавэ́ сыс бэштэ́ анги́л лэ́стэ. И пхэндя́ ёв пэ́скирэ дынари́скэ: “Чхув баро́ котло (кака́ви) и кэра́в пахлёбка ваш пророкэ́нгирэ чхавэ́нгэ.”

3 Kralip 18:2

И гия́ Или́я, соб (кай) тэ сыкадёл Ахавоскэ. Сыс древа́н бари бокх дрэ Сама́рия.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Яви́р Зако́но 28:38

Бут зя́рки (семи) вылыджаса пэ фэ́лда, а скэдэса на́бут, пал-дова́ со схана лэн (пхакитка скочки) (саранча).

Ереме́ё 14:18

Ко́ли Мэ джа́ва пэ фэ́лда, акэ, исын паштэ́ мануша́, савэ́н курта́ла мулякирдя́! И ко́ли Мэ джа́ва андрэ́ фо́ро, акэ, исын мануша́, савэ́ нашавэна зор кэ мэрибэ́н барэ́ бокха́тыр! Пал-дова́ со дуйджинэ́: и проро́ко, и раша́й псирэ́на пир пхув, со ёнэ кокорэ́ на джинэ́на палсо́.’”

Езэкилё 14:21

Адя́кэ ракирэ́ла Рай Дэвэ́л, Дэвэ́л: ко́ли штар пхарэ́ биды Мирэ́: курта́ла, бокх, захалэ рискирибна́скирэ мурдала́ (звери), мэрибнытка фра́нсы тэ бичхавав Мэ пэ Ерусалимо, соб (кай) тэ хасякира́в дрэ лэ́стэ манушэ́н и мурдалэ́н,

Ioil 1:16

Ци да на хасёла хабэ́н амэ́ндэ пэ якха́, и ра́дыма и весёлыма (лош) кхэрэ́стыр амарэ́ Дэвлэскирэстыр?

Левито 26:23

Ко́ли и пало́ дава́ Мэ на высыклякирава тумэн, и тумэ́ джа́на пэ Ма́ндэ,

Ruta 1:1

Дрэ долэ́ дывэса́, ке́ли хулаиндлэ сэнда́рья, яця́ бокх пэ пхув. И гия́ екх ману́ш Юдэя́кирэ Вифлеимостыр, пэ́скирэ ромня́са и пэ́скирэ дуе чхавэ́нца тэ дживэ́л пэ Моавитоскирэ фэ́лды.

Isajos 9:12

Сирияни вастоко́стыр, Филистимля́ни западостыр; и ёнэ явэ́на тэ хан Израилё пхэрдэ́ мо́са. И на проджа́ла ишчо (инкэ́) Лэ́скири холы́, и васт Лэ́скиро исын протырдыно.

Osija 11:5

Ёв на рисёла палэ пэ пхув Египто́скири, нэ Асуро (Асириятыр) явэ́ла кра́ли лэ́нгэ: пал-дова́ со ёнэ отпхэндлэпэ тэ рисён кэ Мэ.