Amoso 4:5 - Библия - Пэ Балтитко Романи чиб (Романэс) 2019

⁵ янэ́н свэ́нта дыибэна́ парикирибнаса пэ рошчына, подэн звесь (зан) и дэн тэ джинэ́н сарэ́нгэ пал во́льно яныбэ́н: дава́ исын пир ило́ тумэ́нгэ, чхавэ́ Израилёскирэ”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

⁵ ianén svénta dyibená parikiribnasa pe roščyna, poden zvies' (zan) i den te džinén sarénge pal vól'no janybén: davá isyn pir iló tuménge, čhavé Izrailjoskire”, – rakiréla Raj Devél.

Amoso 4:5 Referans Kwoze

Osija 9:10

Мэ латхём тут, о Израиле, сы́рбы винаграды́тко (дракхитко) мура пэ чхучи́ (пусто) фэ́лда; Мэ дыкхцём тумарэ́ дадэн сы́рбы пэ́рва баритка (пло́ды) пэ инжыритко дрэ́во дро пэ́скиро пэ́рво сезоно. Нэ ке́ли ёнэ гинэ́ кэ Ваалфегоро, тэды ёнэ отдынэ́ пэс ладжаипнаскэ; ёнэ ячнэ́ джунгалэ́ сы́рбы и́долы, со ёнэ камлэ́.

Psalmy 81:12

Нэ мирэ́ мануша́ на шундлэ́ Мири́ зан (глос), и Израилё на кандыя́ ман.

Матфеё 6:2

Нэ ко́ли ту дэ́са одолэ́нгэ, савэ́ндэ исын трэ́бима, на пхурдэ зоралэ́с шарибнаса дро ро́го (труба) анги́л пэ́стэ, сыр кэрэ́на дуемуитка мануша́ дрэ синагоги и пэ вули́цы (га́сы), соб (кай) тэ славинэ́н лэн мануша́. Чачэс, ракира́ва тумэ́нгэ: ёнэ ужэ дорэснэ́ пэ́скиро отдыибэ́н.

Osija 9:1

На ра́дынпэ древа́н (бут), Изра́иле кэ вучипэ́н, сыр яви́р манушы́тка на́цыи (народы), пал-дова́ со ту дуриян тырэ́ Дэвлэ́стыр пир биладжакунэ́ рэ́нды (де́лы). Ту́кэ яця́ пир ило́ плэскирибэн пал биладжаипэ́н пэ кажно шу́рна (гумно).

Римлянэнгэ 1:28

И пал-дова́, сыр ёнэ на камлэ́ тэ джинэ́н пал Дэвлэ́стэ, тэды Дэвэ́л и мэкця́ лэн, соб (кай) ёнэ тэ кэрэ́н пир налачхи годы́, нэ со лэ́нгэ камэлапэ;

Матфеё 23:23

Бида тумэ́нгэ, дуемуитка лылвари́тка и Фарисе́и: пал-дова́ со тумэ́ дэ́на дэ́што ме́ра мятатыр, укропостыр, кминостыр, нэ тумэ́ на кутякирэна дова́, со буты́р трэй дро Зако́но: чачуно́ сэ́ндо и тангипэ́н и патяибэ́н: дава́ трэиндя́ тэ кэрэ́н и адя́кэ-паць тэ на бистрэн пал яви́р.

Матфеё 15:9

нэ ивья́ (напра́снэс) клонинэнапэ Ма́нгэ, пал-дова́ со ёнэ сыклякирэ́на припхэныбэна́, со мануша́ придуминдлэ.’

Левито 23:17

янэ́н тумарэ́ кхэрэндыр дуй лабы маро́ тэ ґаздэ́н, савэ́ трэй, соб (кай) тэ явэ́н дуе-дэшэнгирэ пашэндыр, савэ́ исын дрэ эфа пшэничнонэ яржэстыр, и трэй тэ явэ́н спэкнэ шутлэ, сыр пэ́рво барьякирдо́ (пло́до) Ра́скэ-Дэвлэ́скэ;

Ереме́ё 7:9

Сыр да тумэ́ ишчо (инкэ́) чорэна, замарэна, кэрэ́на биладжаипэ́н, совлахана хоханэ́с, хачкирэна дро́га смо́лы Ваалоскэ, и тумэ́ псирэ́на тэ отдэ́н паты́в явирэ дэвлорэ́нгэ, конэ́с тумэ́ на джинэ́на,

Ереме́ё 7:10

и тэ́ньчи тумэ́ явэ́на и тэрдёна анги́л Ма́ндэ дро кхэр, савэ́скэ дынэ́ тумэ́ Миро лав, и тумэ́ пхэнэ́на: ‘Амэ сам зракхнэ́, соб (кай) и дурэды́р тумэ́ тэ кэрэ́н далэ́ джунгалэ́ рэ́нды?

Amoso 5:21

Мэ бидыкхава, Мэ дыкха́ва вучипна́са пэ тумарэ́ свэнкитка дывэса́, и Мэ на сунгава (на сунгавава) гудло́ кхандыпэн (парфуны), со ячэ́ла тумэ́ндэ пэ скэдыибэна.

Amoso 5:22

На дыкхи́ пэ дова́, со тумэ́ янэ́на цэ́ла схачкирибнаскирэ свэ́нта дыибэна́ и свэ́нта дыибэна́ гивэстыр, Мэ на прилава лэн. И Мэ на кэра́ва паты́в тумарэ́ свэнтонэ́ дыибнэнгэ тэ парикирэ́н тумарэ́ тхулэ гуруворэнца

Isajos 1:1

Акэ, исын Исаёскиро, Амосо́скирэ-чхавэ́скиро дыкхибэ́н, саво́ ёв дыкхэ́лас пал Юдэ́я и Ерусалимо, дрэ долэ́ дывэса́, ке́ли Ози́я, Иофа́мо, Аха́зо и Езэки́я сыс Юдэя́кирэ кра́лья.

Isajos 1:11

“Пэ со трэй Ма́нгэ бут тумарэ́ свэ́нта дыибэна́? – ракирэ́ла Рай Дэвэ́л, – Мэ чалыём бакрэ́нгирэ хачкирибнаса, чалыём тхулыпнастыр, Мэ на кама́м буты́р гуруворэнгиро, бакрорэнгиро и бузнэнгиро рат.