Amoso 4:3 - Библия - Пэ Балтитко Романи чиб (Романэс) 2019

³ Тумэ́ джа́на яври́ пир пхагирдэ́ ва́нты, кажно (сва́ко) тумэ́ндыр маму́й пэ́стэ, и тумэн вычхурдэна саро́ укэдыибэн дрэ харомы дро Ермоно”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

³ Tumé džána javrí pir phagirdé vánty, kažno (sváko) tuméndyr mamúj péste, i tumen vyčhurdena saró ukedyiben dre xaromy dro Jermono”, – rakiréla Raj Devél.

Amoso 4:3 Referans Kwoze

Езэкилё 12:5

Анги́л лэнгрэ якха́ пхагир выгиибэн дрэ ва́нта, и лы́джа тро миштыпэ́н пир дава́ пропхагирибэн.

Езэкилё 12:12

И тхага́ри, саво́ исын машки́р лэ́ндэ, лэ́ла анги́л сыр калёла лэ́скиро миштыпэ́н пэ псико́ и джа́ла криг. Пропхагирэна ва́нта, соб (кай) ёв тэ выджа́л одотхы́р; ёв закэрэла пэскро муй адя́кэ, соб (кай) тэ на дыкхэ́л ада́я пхув якхэ́нца.

Матфеё 16:26

Саво́ лачхипэ́н исын манушэ́скэ, ко́ли лэ́стэ явэ́ла саро́, со лэ́скэ трэй далэ́ свэто́стыр, а ёв хасякирэ́ла пэ́скиро ве́чно джиибэ́н? Нэ со ману́ш могинэ́ла тэ отдэ́л кучэдыр дро паруибэн пал пэ́скиро джиибэ́н?

Софония 1:18

Ни лэ́нгиро руп, ни сувнака́й нашты́ (на змогинэна) тэ зракхэн лэн дро дова́ дывэ́с барэ́ Ра́скирэ-Дэвлэ́скирэ холынатыр. Лэ́скирэ-зэвлыныпнаскири яг ха́ла сарэ́са сари́ пхув, пал-дова́ со Ёв янэ́ла сы́гэс ко́нцо (яго́ро) пэ сарэ́ндэ, кон дживэ́ла пэ пхув.

Isajos 31:7

Дро дова́ дывэ́с вычхурдэла кажно ману́ш пэ́скирэ руповэ и сувнакунэ́ и́долы, савэ́ васта́ тумарэ́ кэрдэ́ пэ грэ́хо тумэ́нгэ.

Isajos 2:20

Дро дова́ дывэ́с ману́ш вычхурдэла пэ́скирэ и́долы, рупувэ́ и сувнакунэ́, савэ́ кэрдя́, соб (кай) тэ мангэ́лпэ лэ́нгэ,

4 Kralip 25:4

И лыно́ сыс фо́ро, и праста́ндынэ сарэ́ халадэ́ раты́ пир дром кэ по́рта, машки́р дуй ва́нты, со сыс пашы́л крали́скири у́нта (садо); Халде́и сыс тэрдэ́ трусця́л фо́ро, и кра́ли гия́ дромэ́са, кэ лошчы́на (равнина).

4 Kralip 7:15

И традынэ пал лэ́ндэ кэ Иорда́но, и ґа́да, саро́ дром сыс засчхудо иде́нца и багажоса, савэ́ чхурдынэ́ Сирияни, ке́ли сыгнякирдэ пэ́скиро нашыбэн. И рисинэ́ мануша́, савэ́ сыс бичхадэ́, и роспхэндлэ́ крали́скэ.

Сэндарьенгири Лылвари́ 5:17

Галаа́до дживэ́ла штылэ́с пал Иорда́но, и Даноскэ, со́стыр тэ дарэл пармэнца (корабленца)? Асиро исын бэшто́ пэ морёскиро (дэрьявэ́скиро) брэ́го и пашы́л пэ́скирэ причхудя (пристани) ёв дживэ́ла штылэ́с.

Ереме́ё 52:7

Тэды форо́скири ва́нта пхагирдэ́ андрэ́: и сарэ́ марибнаскирэ мурша́ нашнэ́, и раты́ гинэ́ криг форо́стыр, пашэ́ по́рта машки́р дуй ва́нты, со сыс пашы́л дрэ крали́скири у́нта, на дыкхи́ пэ дова́, со Халде́и сыс трусця́л пашы́л фо́ро. И Юды гинэ́ дромэ́са пир мал (степ).

Amoso 6:7

Палдава́ тумэ́ акана́ джа́на пэ́рва дро пле́но анги́л пленонэндэ и, савэ́ тумэ́ндыр акана́ исын бэштэ́ пал свэнкитка скаминда паш-пасиндой, явэ́на штыл.