Amoso 4:12 - Библия - Пэ Балтитко Романи чиб (Романэс) 2019

¹² ‘Палдава́ адя́кэ Мэ кэра́ва ту́кэ, о Израилё: и пир дова́, со Мэ адя́кэ кэра́ва ту́кэ, яв скэдыно́ тэ дыкхэспэ Ма́нца, тырэ́ Дэвлэ́са, о Израилё.”

Biblija - Pe Baltitko Romani čib (Romanes) 2019

¹² ‘Paldavá adiáke Me keráva túke, o Izrailjo: i pir dová, so Me adiáke keráva túke, jav skedynó te dykhespe Mánca, tyré Devlésa, o Izrailjo.”

Amoso 4:12 Referans Kwoze

Езэкилё 13:5

Дрэ пропхагирибэна (проломы) дрэ ва́нта тумэ́ на джа́на, и на чхудэ́ ва́нта анги́л Израилёскиро Кхэр, соб (кай) тэ явэ́н тэрдэ́ тумэ́ дро марибэ́н дро Ра́скирэ-Дэвлэ́скиро дывэ́с.

Isajos 47:3

Одкэрлапэ тыро́ нангипэ́н, явэ́ла бицялы тыри́ ладж. Кэра́ва Мэ сэ́ндо, Мэ на потангинава никонэ́с.”

Матфеё 24:44

Палдава́ явэ́н тумэ́ адя́кэ-паць скэдынэ́, пал-дова́ со Чхаво́ Манушэ́скиро явэ́ла дрэ дасаво мардо́ (шту́нда), со тумэ́ на думинэ́на.

Матфеё 5:25

Кэр ‘рама́нё’ (миро) пэ́скирэ манушэ́са сыгэды́р, пака ту ишчо (инкэ́) сан пэ дром лэ́са, соб (кай) ману́ш тэ на отдэ́л тут сэндарискэ, а сэнда́ри тэ на отдэ́л тут дынари́скэ (слуга́скэ), и одова́ тэ на чхурдэл тут дро штарибэ́н.

Osija 13:8

Мэ ява́ва тэ пирилав лэн сы́рбы ричыха (медведица), савьятэ хасинэ́ тыкнорэ; Мэ ява́ва тэ рискирав лэ́нгирэ-пашварэнгиро кокалыцо кэ ило́ и Мэ ява́ва тэ похав лэн сы́рбы шчэриха, а фэлды́тка мурдала́ (звери) явэ́на тэ роскушэн лэн.

Езэкилё 22:30

Родыём Мэ лэ́ндэ манушэ́с саво́ чхувэлас ва́нта и тэрделас дро пропхагирибэн анги́л Ма́ндэ пал дая́ пхув, соб (кай) Мэ тэ на распхагирав ла, нэ Мэ налатхём.

Sykadyipén 3:3

Палдава́ пририпир дова́, со ту сыклякирдян, со ту шундя́н, ракх да́ва и ри́скир пэ́скиро джиибэ́н кэ Дэвэ́л. Ко́ли ту на явэ́са тэ ракхэспэ, тэды Мэ ява́ва пэ ту́тэ сыр чор, и ту на явэ́са тэ джинэ́с, ке́ли мэ ява́ва.

Amoso 2:14

Палдава́ сы́гно ману́ш на кэрлапэ никай, а зорало́ на явэ́ла тэ рикирэ́л пэ́скири зор, и муршари на зракхэ́ла кокоро́ пэс;

Isajos 32:11

Дарэ́н, балвалитка (биракхибнаскирэ), дарэ́н одолэ́, кон ни палсо́ на думинэ́ла (наракхибнытка)! Злэн и́дя, розурьенпэ, обпхандэн пэ́скирэ маса́ пэ трушу́л.

Isajos 64:2

Сыр хачкирдэ́ ягатыр, сави́ билавэла (плавинэла), сыр пане́стыр, саво́ кэрадёла, соб (кай) тэ джинэ́н Тыро́ лав джиндло́ Тырэ́ вэргэ́нгэ; соб (кай) тэ издран анги́л Ту́тэ народы.

Ереме́ё 5:22

Со да тумэ́, на дарэ́на Ма́ндыр? – пхэндя́ Рай Дэвэ́л. “Со да тумэ́, на явэ́на тэ тринскирэнпэ анги́л Ма́ндэ? Ма́ндыр, Кон кэрдя́ прахостыр ме́жа морёскэ вечнонэ статутоса, соб (кай) мо́рё (дэрья́в) тэ на пириджал? И мэк лэ́скирэ валны чхурдэ́ла упрэ́, нэ ёнэ на лэ́на упралыпэ́н, ёнэ ривинэна, нэ ёнэ нашты́ (на могинэ́на) тэ пириджан пирда́л дая́ ме́жа.