Amoso 4:1 - Библия - Пэ Балтитко Романи чиб (Романэс) 2019

¹ “Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”

Biblija - Pe Baltitko Romani čib (Romanes) 2019

¹ “Šunén davá lav, tumé-džuvliále Vasanostyr, savé jačné thule sýrby recy (tielicy), savé isyn pe bérgi dre Samárija, savé pritasavéna čororen, savé na déna te dživén kodolénge, kon isyn dre trébima i, savé rakiréna péskire xulange: ‘Janén mol (vino), javása te pjas la!’”

Amoso 4:1 Referans Kwoze

Psalmy 22:12

На яв дур ма́ндыр, сыр мэ пиридживава, сыр нанэ нико́н тэ дэл васт ма́нгэ.

Amoso 6:1

Бида тумэ́нгэ, кон прилэ́ла джиибэ́н локхэс, и савэ́ исын наракхибнытка (беспечна) дро патяибэ́н пэ бэ́рга дрэ Сама́рия, – тумэ́, славутна мануша́ барэ́ нацыятыр, кэ савэ́ явэ́ла кхэр Израилёскиро.

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.

Езэкилё 39:18

Зоралэ́-муршэнгиро мас явэ́на тэ хан; явэ́на тэ пьен рат тхагарьенгиро (князенгиро) пэ пхув, бакрэнгиро, бакрорэнгиро, бузнэнгиро (козлэнгиро) гурувэнгиро, сарэнгиро, конэ́с чаравэнас пэ Васа́но.

Ekliesiastos 4:1

И мэ рисиём и дыкхцём, сыр притасавэ́на манушэ́н, и дава́ кэрэ́лапэ тэл кхам: и дыкх! Манушэ́нгирэ ясва, конэ́с притасавэ́на, нэ лэ́ндэ нанэ нико́н тэ подрикирэ́л лэ́нгиро ду́хо (фа́но), нэ пэ кадалэнгири риг, кон притасавэла сыс зор, нэ лэ́ндэ нанэ нико́н тэ подрикирэ́л лэ́нгиро ду́хо (фа́но).

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Ioil 3:3

Ёнэ чхурдэнас жре́биё пал Мирэ́ манушэ́ндэ, и ёнэ дэ́нас тэрнэ́ манушэ́с тэ парувэн пэ биладжакунятэ, и ёнэ бикнэнас патываля джувля́ пал мол (вино) и ёнэ пинэ́.

Езэкилё 22:29

А мануша́ народо́стыр кэрэ́на намиштэс екх явирэскэ; чорэна, залэна чорорэстыр и манушэ́стыр, саво́ мангэ́ла, кэрэ́на намиштэс манушэ́са, саво́ явдя́ явирэ пхувья́тыр.

Езэкилё 22:27

Ла́кирэ тхага́рья исын сыр рува́, савэ́ родэ́на хабэ́н, чхувэ́на рат, хасякирэна манушэ́нгиро ди, соб (кай) тэ латхэ́н барвалыпэ́н напатывалэс.

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.

Езэкилё 22:7

Ту́тэ намишто ракирэ́на пал датэ и дадэ́стэ: кэрэ́на намиштэс манушэ́са, саво́ явдя́ явирэ пхувья́тыр; машки́р ту́тэ накуч кэрэ́на пиротоса (бидадэскирэ чхавэ́са), пивляса (биромэскирэ манушняса).

Ереме́ё 51:34

“О Навуходоносо́ро, кра́ли Вавилоно́скиро, похая ман, и ёв розлучкирдя ман: ёв кэрдя́ ма́ндыр, Юдастыр дрэ Вавилоно́скиро пле́но, чхучи́ пири́, ёв накхадя ман сыр трашано сап, ёв пхэрдякирдя́ пэ́скиро пэр мирэ́ бонбонэнца (гудлыпнэнца), ёв чунгардыя ман яври́.

Ереме́ё 50:27

Чхинэн сарэ́ ла́кирэ гурувэ́н: мэк ёнэ сарэ́ тэ джа́н тэл чхури! Бида пэ лэ́ндэ! Лэ́нгиро дывэ́с явдя́, соб (кай) лэн пхарэ́с тэ сэндякирэн.

Ереме́ё 7:6

ко́ли тумэ́ на явэ́на тэ притасавэн чужонэ́ манушэ́с, пиротос (сиротас) и пивля (удова), и тумэ́ на явэ́на тэ прочхувэн набанго рат пэ дава́ штэ́то, и тумэ́ на явэ́на тэ псирэ́н тэ отдэ́н паты́в явирэ дэвлорэ́нгэ пэ тумари́ дош (би́да);

Ереме́ё 6:6

И пхэндя́ адя́кэ Рай Дэвэ́л, болыбна́скирэ – янголэ́нгиро: “Чингирэн тэлэ́ кашта́, и чхувэ́н пхув тэ явэ́л вало трусця́л Ерусалимо. Дава́ фо́ро тэ джал тэл пхаро́-сэндякирибэн: мануша́ тасавэна екх екхэ́с дро дава́ фо́ро.

Isajos 58:6

Акэ, исын посто, саво́ Мэ выкэдыём: роспхагир хохаибнаскирэ састыра́, роспхандлэ шылэ, отмэк пэ во́ля пхандлэ манушэ́н, злэ пхарипэ́н лэ́ндыр.

Isajos 5:8

Бида тумэ́нгэ, кон кинэла екх кхэр пал яви́р, екх фэ́лда пал яви́р фэ́лда, адя́кэ, со нанэ штэ́то ваш явирэ манушэ́нгэ, адя́кэ, со, сы́рбы тумэ́ сан екхджинэ пэ пхув.

Ekliesiastos 5:8

[9] И ко́фо (льґота) пхувья́тыр исын ваш сарэ́нгэ, и кра́ли кокоро́ джидёла фэлдатыр.

Psalmy 140:12

Мэк фуе́-чибало ману́ш тэ на зоралёл пэ пхув, мэк фуй мануша́ тэ ухтылэ́н нахратонэ (нахальнонэ) манушэ́н кэ са́мо хасибэ́н.

Psalmy 12:5

Одолэ́нгэ, кон пхэндя́: “Амэ ла́са упралыпэ́н амарэ́ чиба́са, амарэ́ лава́ джа́на пал амэ́ндэ: Кон да исын рай амэ́нгэ.”

Ióvo 20:19

Пал-дова́ со ёв притасадя и мэкця́ чорорэн, со ёв нахратэс заухтылдя кхэр, саво́ ёв на газдыя.

3 Kralip 16:24

И киндя Амвриё бэ́рга Семерон Семиростыр пал дуй тала́нты рупэ́са, и лыя́ ёв тэ чхувэ́л кхэра́, и дыя́ лав фороскэ, со ёв кэрдя́, Сама́рия, пир лав Семиро, конэ́скири сыс дая́ бэ́рга.

Яви́р Зако́но 28:33

Барьякирдэ́ (пло́ды) тырэ́ пхувья́кирэ и саро́, со ту кэрэ́са, явэ́ла тэ хал манушы́тко нацыя, савья́ ту на джиндян; и ту явэ́са екх притасадо и мэнчындло дрэ сарэ́ дывэса́.

Ереме́ё 50:11

‘Пал-дова́ со тумэ́, мануша́ Вавилоно́стыр, радындлэпэ, и тумэ́ свэнкиндлэ кэ вучипэ́н, тумэ́, савэ́ росчордэ Миро мэкно́ миштыпэ́н – Мири́ нацыя. Тумэ́ радындлэпэ, ухнэ (ухтынэ) пэ́скэ сыр рэца (тёлка) пэ чар, и тумэ́ грымитындлэ сы́рбы ґэншта (граё).

Яви́р Зако́но 24:14

На притасав манушэ́с, саво́ исын ту́тэ сыр андынаршчыко (прилыно пэ буты́), чорорэс и богос, тырэ́ пшалэ́ндыр, ци тырэ́ манушэ́ндыр, савэ́ явнэ́ явирэ рига́тыр, савэ́ дживэ́на пэ пхув тыри́, дрэ тырэ́ кхэра́;

Езэкилё 18:12

ко́ли ёв притасавэлас чорорэс и кодолэ́ манушэ́с, саво́ мангэ́ла, ко́ли ёв залэла зорья́са, на отдэ́ла сымады́, ко́ли ёв обрисёла пэ́скирэ якхэ́нца пэ кэрдэ́ дэвлорэ́, кэрэ́ла джунгалыпэ́н (брыткима).

Amoso 6:6

Тумэ́ пьена мол (вино) тахтаендыр, и макхэнапэ най фэдыршонэ макхлуненца (мазенца), нэ тумэ́ на пиридживэна пал дова́, со Ёза (Иосифо) исын притасадо.

Čysly 21:33

И рисинэ́, и гинэ́ кэ Васа́но. И выгия́ пэ лэ́ндэ Ого, Васаноскиро кра́ли, кокоро́ и сарэ́ лэ́скирэ мануша́, пэ марибэ́н кэ Едрея.

Ióvo 24:4

Ёнэ шпулэна (пихинэна) богэн криг дромэ́стыр: чорорэнгэ пэ дая́ пхув трэй тэ гарадён.

Pritčy 22:7

Барвало́ рикирэ́ла зор пэ чорорэстэ: и кон исын вужло, одова́ исын дына́ри кодолэ́скэ, саво́ покэрдя (конэ́скэ ёв исын банго́).

Isajos 28:1

Бида пхутькирдэ́ кралитконэ вянкакэ [коронакэ-ю.о.], сави́ исын пэ матэ Ефремлянэндэ, лулудякэ (цвэтоскэ) лэ́скирэ гожонэ урибнастыр, саво́ зашутия, саво́ исын пэ лачхи́ фэ́лда, кай пасёна матэ моля́тыр (виностыр).

Isajos 56:12

Ёнэ ракирэ́на: “Явэ́н, мэ дорэсава мол (вино); амэ бравинта выпьяса кэ кирло, атася́ явэ́ла дова́, со и ададывэ́с; и ишчо (инкэ́) буты́р явэ́ла.”

Езэкилё 34:16

“Сави́ нашадяпэ – одоля латхава, сави́ сыс утрадыны – одоля рискира́ва, сави́ сыс дукхады – одоля пирипхандава, а одоля, сави́ яця́ древа́н тхулы и одоля, сави́ на кандэ́ла – лэн хасякира́ва Мэ; Мэ ява́ва тэ чаравав лэн чачипна́са.

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́:

Amoso 3:3

Ци сашты́ дуй мануша́ тэ джа́н кхэтанэ́, ко́ли ёнэ на доракирэнапэ?