Amoso 3:9 - Библия - Пэ Балтитко Романи чиб (Романэс) 2019

⁹ Подэн звесь (зан) дрэ барэ́ фэлатиня́ и пэ стрэхи кхэрэнгирэ дро Азото (пэ Филистимия), и дрэ барэ́ фэлатиня́ (колова́) пэ пхув Египто́скири и пхэнэ́н: “Кэдэнпэ кхэтанэ́ пэ бэ́рги Самариякирэ: дыкхэ́н пэ баро́ бу́нто годлэнца машки́р лэ́ндэ, и сыр притасавэ́на манушэ́н одо́й.”

Biblija - Pe Baltitko Romani čib (Romanes) 2019

⁹ Poden zvies' (zan) dre baré felatiniá i pe strehi kherengire dro Azoto (pe Filistimija), i dre baré felatiniá (kolová) pe phuv Jegiptóskiri i phenén: “Kedenpe khetané pe bérgi Samarijakire: dykhén pe baró búnto godlenca maškír lénde, i syr pritasavéna manušén odój.”

Amoso 3:9 Referans Kwoze

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”

Amoso 6:1

Бида тумэ́нгэ, кон прилэ́ла джиибэ́н локхэс, и савэ́ исын наракхибнытка (беспечна) дро патяибэ́н пэ бэ́рга дрэ Сама́рия, – тумэ́, славутна мануша́ барэ́ нацыятыр, кэ савэ́ явэ́ла кхэр Израилёскиро.

Amoso 1:8

И Мэ хасякира́ва манушэ́н, кон дживэ́ла кэ Азото, и кодолэ́с, кон рикирэ́ла тхагаритко дэсто́ пэ Аскалоно, и Мэ рискира́ва Миро васт проти Экроно (Екроно), и мануша́, кон ячэ́лапэ Филистимлянэндыр, хасёна” – ракирэ́ла Рай Дэвэ́л.

Amoso 8:6

Соб (кай) амэ́нгэ явэ́лас сашты́ тэ кинас чорорэс пал руп, и манушэ́с дрэ трэ́бима пал пара цурули (цандали), соб (кай) тэ бикнас на́лачхо парно́ гив?”

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Ереме́ё 31:5

Ту нэвэ́стыр (нэвэ́с) почхувэса винаграды́тка унты (сады) пир бэ́рги дрэ Сама́рия, винаградарья явэ́на тэ почхувэн и тэ хан му́ри.”

1 Kralip 5:1

Филистимля́ни лынэ́ Дэвлэ́скиро ковчэго и яндлэ́ лэс Авен Езеростыр дро Азото.

Езэкилё 37:22

Пэ кадая́ пхув, пэ Израилёскирэ бэ́рги, Мэ кэра́ва лэ́ндыр екх народо, екх кра́ли явэ́ла кра́ли ваш лэ́нгэ сарэ́нгэ; на явэ́на бутэды́р дуй народы, на явэ́на тэ розмарэнпэ пэ дуй кралипэна́.

Езэкилё 36:8

А тумэ́, Израилёскири бэ́рга, розмэкэн тумарэ́ вэ́тки, и тумэ́ явэ́на тэ янэ́н тумарэ́ барьякирдэ́ (пло́ды) ваш Миро народо, Израилё, ёнэ сы́гэс явэ́на.

Ереме́ё 46:14

“Подэн зан (звесь) дро Еги́пто, и пхэнэ́н сарэ́нгэ дрэ Мигдола; пхэнэ́н сарэ́нгэ дрэ Нофа и дро Тафнисо; пхэнэ́н лэ́нгэ: ‘Тэрдён муршканэ́с и явэ́н скэдынэ́ (скэдэ́нпэ), пал-дова́ со курта́ла чингирэла саро́ пашы́л ту́тэ.’

2 Kralip 1:20

На роспхэнэ́н дрэ Гефа, на ракирэ́н зоралэ́с (на объявинэн) пэ вули́цы (га́сы) Аскалоноскирэ, соб (кай) тэ на радынэ́нпэ Филистимлянэнгирэ чхая́, соб (кай) тэ на радынэ́нпэ зоралэ́с наобчхиндлэнгирэ чхая́.

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.

Pritčy 1:13

Амэ латхаса (заласа) саро́ куч барвалыпэ́н, амэ пхэрдякираса амарэ́ кхэра́ чордэ миштыпнаса;

Pritčy 11:16

Лачхэ́-илытко джувлы́ дорэсэ́ла паты́в, нэ пхарэ́-бутякирэ мануша́ дорэсэ́на барвалыпэ́н.

Ekliesiastos 4:1

И мэ рисиём и дыкхцём, сыр притасавэ́на манушэ́н, и дава́ кэрэ́лапэ тэл кхам: и дыкх! Манушэ́нгирэ ясва, конэ́с притасавэ́на, нэ лэ́ндэ нанэ нико́н тэ подрикирэ́л лэ́нгиро ду́хо (фа́но), нэ пэ кадалэнгири риг, кон притасавэла сыс зор, нэ лэ́ндэ нанэ нико́н тэ подрикирэ́л лэ́нгиро ду́хо (фа́но).

Osija 7:1

Ке́ли Мэ састякиравас Израилё, тэды хохаибэ́н [чорипэ́н-ю.о.] Ефремоскиро откэрдяпэ / сыкадыя́ и фуипэ́н Самариякиро. Пал-дова́ со ёнэ кэрэ́на хоханэ́с, лэ́ндэ исын чора, савэ́ пхагирэна кхэра́, и розмарибнари (шайка розмарибнытко) пэрэ́ла яври́ пэ манушэ́ндэ.

Amoso 6:3

Бида пэ тумэ́ндэ, савэ́ отчхувэна бибахтало́ дывэ́с, и, савэ́ янэ́на пашылэды́р кэ пэ, сыр явэ́на тэ притасавэн тумэн.

Mihiejo 6:10

Ци исын ишчо (инкэ́) савэ́ кучипэна (сокровишчы) дро злыднитко кхэр, дро саво́ злыдни мануша́ яндлэ́; и тыкнякирды (кротко) ме́ра, сави́ исын джунгалы Ма́нгэ, Ра́скэ-Дэвлэ́скэ.