Amoso 3:11 - Библия - Пэ Балтитко Романи чиб (Романэс) 2019

¹¹ Палдава́ адя́кэ ракирэ́ла Рай Дэвэ́л: ‘Намал явэ́ла трусця́л дая́ сари́ пхув! Ёв отлэла зор лэ́ндыр и ёв росчорэла лэ́нгирэ барэ́ фэлатиня́ (колова́).”

Biblija - Pe Baltitko Romani čib (Romanes) 2019

¹¹ Paldavá adiáke rakiréla Raj Devél: ‘Namal javéla trusciál daja sarí phuv! Jov otlela zor léndyr i jov rosčorela léngire baré felatiniá (kolová).”

Amoso 3:11 Referans Kwoze

Amoso 6:14

“Нэ, акэ, Мэ, – ракирэ́ла Рай Дэвэ́л, янголэ́нгиро-болыбна́скиро Дэвэ́л, Мэ ґазда́ва Наюдытко нацыя проти тумэ́ндэ, кхэр Изралёскиро, и адалэ́ вэ́рги тумарэ́ явэ́на тэ притасавэн тумэн штэто́стыр, кай тэ джа́н андрэ́ Емафо, кэ сы́гно рэ́кица (лэнори́) пэ чхучэ́ прахи (Аравия).”

Amoso 2:5

Нэ Мэ бичхава́ва яг пэ Юдэ́я, и ёй хачкирэ́ла барэ́ фэлатиня́ дро Ерусалимо.”

Amoso 6:8

Рай Дэвэ́л совлахадя́ Пэ́са, янголэ́нгирэ-болыбна́скиро Дэвэ́л, Рай Дэвэ́л и ракирэ́ла адя́кэ: “Ма́нгэ исын джунгало́ (брытко), со пхутёла Яково, и Мэ бидыкхава лэ́скирэ барэ́ фэлатиня́ (колова́); палдава́ Мэ выдава лэ́скиро фо́ро и саро́, со исын дрэ лэ́стэ.”

Amoso 3:15

И Мэ розмарава пэ котэра́ ивантытко (зимитко) кхэр кхэтанэ́ лынаитконэ кхэрэса; и пэрэ́на кхэра́ шукарибнаса слонытконэ кокалэстыр, и на явэ́на буты́р барэ́ кхэра́”, – ракирэ́ла Рай Дэвэ́л.

Amoso 3:10

“Пал-дова́ со ёнэ на джинэ́на, сыр тэ кэрэ́н чачунэ́с, – ракирэ́ла Рай Дэвэ́л, – ‘ёнэ, савэ́ загаравэна кучипэ́н, со яндлэ́ ёнэ дрэ чори, со ёнэ нахратэс чордэ, дрэ лэ́нгирэ барэ́ фэлатиня́ (колова́).’

2 Паралипоменоно 36:19

И хачкирдэ́ ёнэ Дэвлэ́скиро Кхэр, и роспхагирдэ́ Ерусалимо́скири ва́нта; и сарэ́ лэ́скирэ фэлатиня́ схачкирдэ́ яга́са, и сарэ́ дро́га кхорэ́ лэ́скирэ домардэ́.

4 Kralip 15:29

Дрэ дывэса́ Факеёскирэ, Израилёскирэ-крали́скирэ, явдя́ Феглафеласаро, Асирия́киро кра́ли, и лыя́ Ионо, и Асоро, и Галаа́до, и Галиле́я, сари́ пхув Нефалимоскири, и пирилыджия лэн тэ дживэ́н дрэ Асирия.

4 Kralip 15:19

Тэды явдя́ о Фуло [Пул-ю.о.], Асирия́киро (Арамейцэнгиро) кра́ли, пэ Израилёскири пхув. И дыя́ Менаимо Фулоскэ тысёнцо шэ́кели руп, соб (кай) васта́ лэ́скирэ тэ явэ́н сыс пал лэ́стэ, и соб (кай) тэ кэрэ́л зоралэды́р кралипэ́н дрэ лэ́скиро васт.

Džiibén 34:27

Яково́скирэ чхавэ́ явнэ́ кэ замардэ́ мануша́, и обкэдынэ фо́ро, пал-дова́, со ёнэ кэрдэ́ напатывалыпэн лэ́нгирэ пхэнякэ.

Ióvo 20:21

Ёв исыс прохаибнаскиро, и нисоса зракхцяпэ лэ́стыр: ваш-дова́ со лэ́скиро миштыпэ́н на явэ́ла ґара́ тэ урикирэлпэ.