Amoso 3:10 - Библия - Пэ Балтитко Романи чиб (Романэс) 2019

¹⁰ “Пал-дова́ со ёнэ на джинэ́на, сыр тэ кэрэ́н чачунэ́с, – ракирэ́ла Рай Дэвэ́л, – ‘ёнэ, савэ́ загаравэна кучипэ́н, со яндлэ́ ёнэ дрэ чори, со ёнэ нахратэс чордэ, дрэ лэ́нгирэ барэ́ фэлатиня́ (колова́).’

Biblija - Pe Baltitko Romani čib (Romanes) 2019

¹⁰ “Pal-dová so jone na džinéna, syr te kerén čačunés, – rakiréla Raj Devél, – ‘jone, savé zagaravena kučipén, so jandlé jone dre čori, so jone nahrates čorde, dre léngire baré felatiniá (kolová).’

Amoso 3:10 Referans Kwoze

Софония 1:9

Дро дова́ са́мо дывэ́с Мэ пхарэ́с сэндякирава одолэ́н, савэ́ пириухтэна пир кхэри́тко прого, савэ́ пхэрдякирэна лэ́нгирэ-раскирэ кхэра́ нахратымаса (насилиёса) и хохаибнаса.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Psalmy 14:4

Нау́што чорэ́ манушэ́ндэ нанэ годы́, со ёнэ ха́на мирэ́ манушэ́н сы́рбы ёнэ ха́на маро́. А ёнэ на кхарэ́на Рас-Дэвлэ́с.

2 Petr 3:5

Кадасавэ́ мануша́ думинэна и сы́рбы на джинэ́на дова́, со ґара́ Дэвэ́л припхэндя́ и кэрдэ́пэ болыбэ́н и пхув пане́стыр и пане́са,

Amoso 6:12

Ци праста́на грая пир бэ́рги? Ци пахинэла пхув ману́ш, одо́й, пэ гурувэстэ? А сыр жа тумэ́ пиририскирдэ чачипэ́н дрэ жэлучоскири трута (ядо), а бар΄якирдо (пло́до) чачипна́скиро дро киркипэн (палыно)?

Amoso 5:7

Тумэ́, кон пирикэрэла чачуно́ сэ́ндо пэ трута (отрава), а чачипэ́н чхурдэна пэ пхув,

Ереме́ё 5:4

И пхэндём мэ пэ́скэ: ‘Кадалэ́ мануша́ исын сы́рбы чорорэ́, ёнэ исын нагодэ; ёнэ на джинэ́на ни Ра́скирэ-Дэвлэ́скиро дром, ни Зако́но пэ́скирэ-Дэвлэ́скиро.

Езэкилё 8:17

И пхэндя́ ма́нгэ: “Дыкхэ́са ци, манушэ́скиро чхаво́? Нау́што/хай ишчо (инкэ́) на́бут Юдакирэ кхэрэ́скэ долэ́ джунгалыпэна, савэ́ ёнэ кэрдэ́ ада́й, нэ ёнэ инкэ́ (ишчо) пхэрдякирдэ пхув нахратымаса, и ёнэ рисинэ́ тэ кошэнпэ Ма́нца. Акэ, ёнэ подлыджана рандя́ (вэ́тки) кэ пэ́скирэ накха.

Езэкилё 18:7

На притасавя никонэ́с; а манушэ́скэ, саво́ сыс лэ́скэ банго́, отдэлас лэ́скири сымады́; на чорэлас, дэ́лас пэ́скиро маро́ чорорэ́ манушэ́скэ, учхакирэлас нангэс урибнаса;

Езэкилё 22:29

А мануша́ народо́стыр кэрэ́на намиштэс екх явирэскэ; чорэна, залэна чорорэстыр и манушэ́стыр, саво́ мангэ́ла, кэрэ́на намиштэс манушэ́са, саво́ явдя́ явирэ пхувья́тыр.

Amoso 6:3

Бида пэ тумэ́ндэ, савэ́ отчхувэна бибахтало́ дывэ́с, и, савэ́ янэ́на пашылэды́р кэ пэ, сыр явэ́на тэ притасавэн тумэн.

Amoso 6:8

Рай Дэвэ́л совлахадя́ Пэ́са, янголэ́нгирэ-болыбна́скиро Дэвэ́л, Рай Дэвэ́л и ракирэ́ла адя́кэ: “Ма́нгэ исын джунгало́ (брытко), со пхутёла Яково, и Мэ бидыкхава лэ́скирэ барэ́ фэлатиня́ (колова́); палдава́ Мэ выдава лэ́скиро фо́ро и саро́, со исын дрэ лэ́стэ.”

Mihiejo 6:10

Ци исын ишчо (инкэ́) савэ́ кучипэна (сокровишчы) дро злыднитко кхэр, дро саво́ злыдни мануша́ яндлэ́; и тыкнякирды (кротко) ме́ра, сави́ исын джунгалы Ма́нгэ, Ра́скэ-Дэвлэ́скэ.

Ióvo 20:21

Ёв исыс прохаибнаскиро, и нисоса зракхцяпэ лэ́стыр: ваш-дова́ со лэ́скиро миштыпэ́н на явэ́ла ґара́ тэ урикирэлпэ.

Pritčy 1:13

Амэ латхаса (заласа) саро́ куч барвалыпэ́н, амэ пхэрдякираса амарэ́ кхэра́ чордэ миштыпнаса;

Pritčy 11:16

Лачхэ́-илытко джувлы́ дорэсэ́ла паты́в, нэ пхарэ́-бутякирэ мануша́ дорэсэ́на барвалыпэ́н.

Pritčy 28:5

Бибахталэ́ мануша́ на ґалёна чачипэ́н; нэ одолэ́, савэ́ родэ́на Рас-Дэвлэ́с, ґалёна саро́.

Ekliesiastos 4:1

И мэ рисиём и дыкхцём, сыр притасавэ́на манушэ́н, и дава́ кэрэ́лапэ тэл кхам: и дыкх! Манушэ́нгирэ ясва, конэ́с притасавэ́на, нэ лэ́ндэ нанэ нико́н тэ подрикирэ́л лэ́нгиро ду́хо (фа́но), нэ пэ кадалэнгири риг, кон притасавэла сыс зор, нэ лэ́ндэ нанэ нико́н тэ подрикирэ́л лэ́нгиро ду́хо (фа́но).

Osija 7:1

Ке́ли Мэ састякиравас Израилё, тэды хохаибэ́н [чорипэ́н-ю.о.] Ефремоскиро откэрдяпэ / сыкадыя́ и фуипэ́н Самариякиро. Пал-дова́ со ёнэ кэрэ́на хоханэ́с, лэ́ндэ исын чора, савэ́ пхагирэна кхэра́, и розмарибнари (шайка розмарибнытко) пэрэ́ла яври́ пэ манушэ́ндэ.

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”