Amoso 2:8 - Библия - Пэ Балтитко Романи чиб (Романэс) 2019

⁸ Ёнэ пасёна пашы́л кажно алта́рё дрэ и́ди, со лынэ́ дрэ сымады́ (залого), и пьена мол (вино) бангякирдэ-манушэ́нца дро кхэр, кай исын лэ́нгиро дэвлоро.

Biblija - Pe Baltitko Romani čib (Romanes) 2019

⁸ Jone pasjona pašýl kažno altárjo dre ídi, so lyné dre symadý (zalogo), i p'jena mol (vino) bangiakirde-manušénca dro kher, kaj isyn léngiro devloro.

Amoso 2:8 Referans Kwoze

Amoso 6:6

Тумэ́ пьена мол (вино) тахтаендыр, и макхэнапэ най фэдыршонэ макхлуненца (мазенца), нэ тумэ́ на пиридживэна пал дова́, со Ёза (Иосифо) исын притасадо.

1 Коринфянэнгэ 10:21

Тумэ́ на могинэ́на тэ пьен Ра́скирэ-Дэвлэ́скиро тахта́й, и налачхэ́-духэнгиро тахта́й: тумэ́ на могинэ́на тэ лэн паша́ Ра́скирэ-Дэвлэ́скирэ скаминдэстыр и налачхэ́-духэнгирэ скаминдэстыр.

1 Коринфянэнгэ 10:7

Адя́кэ-паць тумэ́ тэ на мангэ́нпэ идолэ́нгэ, сыр вари-савэ́ лэ́ндыр; сыр исын чхиндло́: “Мануша́ бэшнэ́ тэ хан и тэ пьен, и уштынэ́ тэ кхэлэн.”

1 Коринфянэнгэ 8:10

Палдава́, ко́ли вари-кон дыкхэ́ла тут, конэ́стэ исын джиныбэ́н, со ту сан бэшто́ пал сками́нд дро идолэнгирэ-мангипнытко кхэр, со ж тэды, ци на подпхэнэла годы́ одолэ́ манушэ́скэ, савэ́стэ нанэ зорало́ патяибэ́н, тэ хал дава́ жэртвенно хабэ́н сы́рбы свэ́нто дыибэ́н идолэ́нгэ?

Amoso 6:4

Тумэ́, савэ́ сан паштэ́ пэ чхуибэна, со исын ґожакирдэ слонытконэ кокалоса, и тумэ́ потырдэнапэ пэ тумарэ́ дро́га пасиндля (ложы). Тумэ́ ха́на выкэдынэ́ бакрэ́н тумарэ́ стадатыр, и тхулэ гуруворэ́н ґуртостыр.

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”

Osija 4:8

Ёнэ чалякирэнапэ Мирэ́-манушэ́нгирэ грэхэ́нца, со янэ́на Мирэ́ мануша́, а лэ́нгиро ило́ тырдэлапэ кэ кэрэ́л чорипэ́н.

Езэкилё 23:41

Бэшэсас ту пэ рангиро чхуибэ́н (пасиндлы), анги́л саво́ сыс скэдыно́ сками́нд, пэ савэ́ ту дэсас лэ́нгэ Миро куч тхувипэн дрогонэ́ смолэндыр, Мири́ зан бутэ́-манушэ́нгири и оливи́тко дзэт.

Езэкилё 18:12

ко́ли ёв притасавэлас чорорэс и кодолэ́ манушэ́с, саво́ мангэ́ла, ко́ли ёв залэла зорья́са, на отдэ́ла сымады́, ко́ли ёв обрисёла пэ́скирэ якхэ́нца пэ кэрдэ́ дэвлорэ́, кэрэ́ла джунгалыпэ́н (брыткима).

Езэкилё 18:7

На притасавя никонэ́с; а манушэ́скэ, саво́ сыс лэ́скэ банго́, отдэлас лэ́скири сымады́; на чорэлас, дэ́лас пэ́скиро маро́ чорорэ́ манушэ́скэ, учхакирэлас нангэс урибнаса;

Сэндарьенгири Лылвари́ 9:27

И выгинэ́ пэ фэ́лда, и скэдынэ́ пэ́скиро винаградо (дракх), и тасадэ му́ри, и кэрдэ́ свэ́нки, псирдэ́ дрэ пэ́скирэ дэвлэскиро кхэр, и ханэ́ и пинэ́, и кошнэ Авимелехос.

Isajos 57:7

Пэ бари, вучи́ бэ́рга исын тыро́ пасибэн; одори́к ту ґаздэсапэ, соб (кай) тэ янэс свэ́нто дыибэ́н.

Osija 7:14

Ёнэ на кхардэ́ зоралэ́с Ман сарэ́ лэ́нгирэ илэ́стыр, ке́ли ёнэ тугиндлэ ясвэ́нца пэ пэ́скирэ чхуибэна. Ёнэ кэдэнаспэ кхэтанэ́ пал маро́ (гива́) и мол (вино), и ёнэ кэрэ́на бу́нто проти Ма́ндэ.

Amoso 3:14

“со Мэ дро дова́ дывэ́с пхарэ́с сэндякирава Израилё пал лэ́скирэ чорипэна, и Мэ пхарэ́с сэндякирава пал алта́ри дрэ Вефиль, и явэ́на обчингирдэ шынга́ (ро́ги) пэ алта́рё, и ёнэ пэрэ́на пэ пхув.

Vygiiben 22:25

Ко́ли дэ́са ту дро длуго (вужлыпэ́н) ловэ́ чорорэскэ Мирэ́ манушэ́ндыр, тэды на притасав лэн, и на чхув пэ лэ́ндэ ко́фо (процэнто).