Amoso 2:7 - Библия - Пэ Балтитко Романи чиб (Романэс) 2019

⁷ Ёнэ древа́н тырдэнапэ кэ пра́хо пхувья́киро, тэ явэ́л пэ шэро́ чорорэскиро, и ёнэ пиририскирэна дром, савэ́са псирэ́на напхутькирдэ мануша́, а дад и чхаво́ псирэ́на кэ екх джувлы́, соб (кай) тэ магирэ́н свэ́нто Миро лав.

Biblija - Pe Baltitko Romani čib (Romanes) 2019

⁷ Jone drieván tyrdenape ke práho phuvjákiro, te javél pe šeró čororeskiro, i jone piririskirena drom, savésa psiréna naphut'kirde manušá, a dad i čhavó psiréna ke jekh džuvlý, sob (kaj) te magirén svénto Miro lav.

Amoso 2:7 Referans Kwoze

Amoso 5:12

Пал-дова́ со Мэ джино́м, со тумэ́ кэрдэ́ бут чорипэна, и тумэ́ндэ исын бут грэ́хи: тумэ́ притасавэ́на чачунэ́ манушэ́н и лэ́на мыты (взятки); тумэ́ рискирэна пэ риг чачипэ́н чорорэ́-манушэ́нгири пэ сэ́ндо [пашы́л форо́скири по́рта-ю.о.].

Езэкилё 22:11

Яви́р кэрэ́ла биладжаипэ́н чужонэ́ ромня́са, яви́р магирэла пэскирья́ борья, яви́р кэрэ́ла биладжакиро грэ́хо пхэняса, пэ́скирэ – дадэ́скирэ чхаса.

Isajos 10:2

Соб (кай) тэ залэн чорорэндыр чачуно́ сэ́ндо, соб (кай) тэ обчорэн подрикирибэ́н назоралэ манушэ́ндыр Мирэ́ народо́стыр, соб (кай) тэ залэн ваш пэ́скэ джувле́н, савэ́ исын биромэскирэ (пивлен), соб (кай) тэ обчорэн бидадэскирэ чхаворэ́н (пиротэн).

1 Коринфянэнгэ 5:1

Исын мавлы́н (малва), со машки́р тумэ́ндэ исын биладжаипэ́н и дасаво биладжаипэ́н, саво́ аж на сыс джиндло́ машки́р Наюдэ́ндэ, со екх ману́ш рикирэ́ла лэ́скирэ-дадэ́скирэ ромня́ пал ромня́тэ.

Mihiejo 2:9

Тумэ́ традэ́на яври́ джувле́н Мирэ́ манушэнгирэн лэ́нгирэ екхорэ кхэрэндыр, савэ́ исын лэ́нгэ пир ило́, тумэ́ откэдэна лэ́нгирэ чхаворэндыр бахталыпэ́н Миро.

Mihiejo 2:2

Ёнэ исын ґалка (скэмпа) кэ фэ́лды, и ёнэ лэ́на лэн зорья́са. Ёнэ исын ґалка кэ кхэра́, и ёнэ откэдэна лэн манушэ́ндыр. И ёнэ притасавэ́на (обкэдэна) манушэ́с и лэ́скиро кхэр, и манушэ́с кокорэс, и лэ́скиро мэкно́ миштыпэ́н.

Римлянэнгэ 2:24

Палдава́ исын чхиндло́: “Пал тумэ́ндэ На́юды явэ́на тэ тэлякирэн Дэвлэ́скиро лав.”

Софония 3:3

Лэ́скирэ тхага́рья (кня́зи) машки́р лэ́ндэ исын сы́рбы шчэра́ (левы), со рыкинэна; лэ́нгирэ сэнда́рья исын сы́рбы бэльвэлитка рува́, савэ́ на ячкирэна ни екх кокалкицо ваш атасятуно дывэ́с.

Amoso 8:4

Шунэ́н дава́, тумэ́, кон чорьёла тэ накхавэл манушэ́н дрэ трэ́бима, и тэ хасякирэ́л сарэ́ чорорэн пэ пхув,

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”

Езэкилё 36:20

И явнэ́ ёнэ кэ народы, гинэ́ кэ Наюды́тка на́цыи (народы) и залынэ сла́ва Мирэ́ свэнтонэ́ лавэ́стыр, пал дова́, со пал лэ́ндэ ракирэ́на: ‘Ёнэ исын Ра́скирэ-Дэвлэ́скиро народо, ёнэ выгинэ́ Лэ́скирэ пхувья́тыр.’

Pritčy 28:21

Дава́ исын намишто тэ явэс пэ вари-конэ́скири риг, пал-дова́ со и пал котэ́р маро́ адасаво́ ману́ш кэрэ́ла чорипэ́н.

3 Kralip 21:4

И явдя́ кхэрэ́ Аха́во холямэ́ и киркэ мо́са далэ́ лавэ́стыр, со пхэндя́ лэ́скэ Навуфеё, саво́ сыс Изреельтянино, ракири́: “На отда́ва мэ ту́кэ мэкно́ миштыпэ́н мирэ́ дадэндыр.” И пасия́ ёв пэ пэ́скиро чхуибэ́н, и отрискирдя муй пэ́скиро, и маро́ на хая.

2 Kralip 12:14

нэ сыр ту далэ́ рэндоса дыя́н приме́ро (сыкаибэ́н) Ра́скирэ-Дэвлэ́скирэ вэргэ́нгэ тэ кошэн Лэс, тэды мэрэ́ла ту́тэ чхаво́, саво́ бия́ндыя.”

Левито 20:3

и Мэ рискира́ва Миро муй пэ одолэ́ манушэ́стэ и хасякира́ва лэс лэ́скирэ манушэ́ндыр, пал-дова́ со ёв отдыя́ пэ́скирэ чхавэ́ндыр Молохоскэ, соб (кай) тэ магирэл Миро свэ́нто штэ́то и тэ тэлякирэл свэ́нто Миро лав;

Левито 18:15

Нангипэ́н тырэ́-борьякиро на отчхакир, пал-дова́ со её исын ромны́ тырэ́ чхавэ́скэ, на отчхакир ла́киро нангипэ́н.

Левито 18:8

Нангипэ́н тырэ́-дадэ́скирэ ромнякиро на отчхакир: дава́ исын нангипэ́н тырэ́-дадэ́скиро.

Osija 4:14

Мэ на ява́ва пхарэ́с тэ сэндякирав лэ́нгирэ чхае́н, ко́ли ёнэ кэрэ́на биладжаипэ́н и лэ́нгирэ борьен, ко́ли ёнэ камэ́на явирэ муршэ́н, пал-дова́ со лэ́нгирэ мурша́ кокорэ́ кхэтанякирэнапэ налачхэ́ джувле́нца, и ёнэ янэ́на свэ́нта дыибэна́ биладжакунэ́ джувле́нца, а мануша́, савэ́ на джинэ́на бут, хасёна.

Левито 18:21

Тырэ́ чхавэ́ндыр на отдэ́ тэ дынаринэ́н Молохоскэ, и на ладжакир тырэ́ Дэвлэ́скиро лав. Мэ сом Рай Дэвэ́л.

Isajos 3:14

Дэвэ́л сэндякирэлпэ пхурэдырэнца Пэ́скирэ народо́стыр, лэ́скирэ ранца: “Тумэ́ обчордэ винагра́днико; дрэ тумарэ́ кхэра́ ракхэлапэ дова́, со тумэ́ чордэ чорорэстыр.

Isajos 3:15

Со тумэ́ облэна Миро народо, тасавэна чорорэн?” – ракирэ́ла Рай Дэвэ́л, Рай Дэвэ́л болыбаскиро-янголэ́нгиро.

Isajos 10:1

Бида одолэ́нгэ, савэ́ дэ́на на чачунэ́ зако́ны, савэ́ зачхинэна захалэ припхэныбэна́.

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.