Amoso 2:6 - Библия - Пэ Балтитко Романи чиб (Романэс) 2019

⁶ Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Израилёскирэ и пал штар чорипэна, Мэ на отмэка́ва пхаро́ сэ́ндо, пал-дова́ со ёнэ бикиндлэ чачипнаскирэн манушэ́н пал руп, и чорорэн пал пара цурули (цандали).

Biblija - Pe Baltitko Romani čib (Romanes) 2019

⁶ Adiáke rakiréla Raj Devél: “Pal trin čoripena, so kerdé manušá Izrailjoskire i pal štar čoripena, Me na otmekáva pharó séndo, pal-dová so jone bikindle čačipnaskiren manušén pal rup, i čororen pal para curuli (candali).

Amoso 2:6 Referans Kwoze

Ioil 3:3

Ёнэ чхурдэнас жре́биё пал Мирэ́ манушэ́ндэ, и ёнэ дэ́нас тэрнэ́ манушэ́с тэ парувэн пэ биладжакунятэ, и ёнэ бикнэнас патываля джувля́ пал мол (вино) и ёнэ пинэ́.

Ioil 3:6

и манушэ́н Юдэя́тыр и манушэ́н Ерусалимо́стыр бикнэнас тумэ́ Грекэ́нгэ (Баламэ́нгэ), соб (кай) тэ дурьякирэн лэн межэндыр пэ лэ́нгири жэ пхув.

Isajos 29:21

Ци кон запэнтынэла манушэ́с дрэ лава́, ци ухтылэ́ла манушэ́с, саво́ мангэ́ла сэ́ндо пашы́л по́рта, кон на прилэ́ла чачунэ́ манушэ́с.

4 Kralip 18:12

Пал-дова́, со ёнэ на шундлэ́ пэ́скирэ Ра́скирэ-Дэвлэ́скири зан (глос), и пиригинэ́ Заве́то Лэ́скиро, саро́, со припхэндя́ лэ́нгэ Мо́йза (Моисеё), Ра́скирэ-Дэвлэ́скиро писха́ри; ёнэ и на шундлэ́, и на сполниндлэ.

4 Kralip 18:11

И пиричхудя тэ дживэ́н Асирия́киро кра́ли Израильтянэ́н дрэ Асирия, и мэкця́ лэн тэ дживэ́н кэ Халахо и дро Хаворо, пашы́л рэка (лэнь) Гозана, и дрэ Мидиякирэ фо́рья.

Езэкилё 22:13

Акэ, палдава́ Мэ дивинавпэ, со аж мардём пэс пир васта́ трэ начачипнастыр, сыр тут тырдэла кэ барвалыпэ́н, сыр рат чхувэ́лапэ машки́р ту́тэ.

Isajos 10:2

Соб (кай) тэ залэн чорорэндыр чачуно́ сэ́ндо, соб (кай) тэ обчорэн подрикирибэ́н назоралэ манушэ́ндыр Мирэ́ народо́стыр, соб (кай) тэ залэн ваш пэ́скэ джувле́н, савэ́ исын биромэскирэ (пивлен), соб (кай) тэ обчорэн бидадэскирэ чхаворэ́н (пиротэн).

Заха́рия 11:5

савэ́н хулая́ чхинэна би дара́киро, а одолэ́, савэ́ лэн бикиндлэ, ракирэ́на: ‘Парикирибэн Дэвлэ́скэ; мэ барвалыём!” И лэ́нгирэ чхупна́рья (пастухи) на тангинэна пал лэ́ндэ.