Amoso 2:4 - Библия - Пэ Балтитко Романи чиб (Романэс) 2019

⁴ Адя́кэ ракирэ́ла Рай-Дэвэ́л: “Пал трин чорипэна, со кэрдя́ Юда и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ на прилынэ́ (дыкхнэ́ вучипна́стыр) пэ Зако́но Ра́скирэ-Дэвлэ́скиро, и ёнэ на ракхнэ Лэ́скирэ припхэныбэна́ и лэ́нгирэ хоханэ́ дэвлорэ́, пал савэ́ лэ́нгирэ дада́ гинэ́ тэ кэрэ́н паты́в, лыджинэ́ лэн дромэ́стыр.

Biblija - Pe Baltitko Romani čib (Romanes) 2019

⁴ Adiáke rakiréla Raj-Devél: “Pal trin čoripena, so kerdiá Juda i pal štar čoripena, Me na otmekáva pharó séndo lénge, pal-dová so jone na prilyné (dykhné vučipnástyr) pe Zakóno Ráskire-Devléskiro, i jone na rakhne Léskire priphenybená i léngire xohané devloré, pal savé léngire dadá giné te kerén patýv, lydžiné len droméstyr.

Amoso 2:4 Referans Kwoze

Езэкилё 20:24

Пал дова́, со ёнэ на кэрэ́нас, сыр Мэ припхэндём, отчхурдынэ, а ячнэ́ тэ дыкхэ́н вучипна́са пэ Мирэ́ упхэныбэна́, магирдэ́ Мирэ́ са́ваты, и лэ́нгирэ якха́ тырдэнаспэ кэ лэ́нгирэ – дадэнги́рэ и́долы.

Езэкилё 20:16

Пал дова́, со ёнэ ячнэ́ тэ дыкхэ́н вучипна́стыр пэ Мирэ́ лава́, и ёнэ на кэрэ́нас, сыр Мэ пхэндём зоралэ́с, а ёнэ магирдэ́ Мирэ́ са́ваты, пал-дова́ со лэ́нгиро ило́ тырдэласпэ кэ лэ́нгирэ и́долы.

Езэкилё 20:13

Нэ Израилёскиро кхэр ґаздыя́пэ пэ Ма́ндэ пэ чхучи́ пхув, ёнэ на кэрэ́нас сыр Мэ пхэндём зоралэ́с, ёнэ отчхурдынэ Мирэ́ лава́, пир савэ́ дживэлас бы ману́ш, ко́ли кэрэ́лас, сыр Мэ пхэндём, ёнэ зоралэ́с магирэнас Мирэ́ са́ваты, и Мэ пхэндём: Мэ вычхувава пэ лэ́ндэ Миро холямипэн пэ чхучи́ пхув, соб (кай) тэ хасякира́в лэн.

Avakumo 2:18

Саво́ лачхипэ́н исын вычхиндлэ́ мо́стыр, со вычхиныбнаскиро (резчыко) кэрдя́. Вычхиндло муй на сыклякирэ́ла нисоскэ, на дыкхи́ пэ дова́, со лэ́скирэ кэрибнаскиро ману́ш патя́ла дрэ лэ́стэ, ке́ли ёв кэрэ́ла мута (нема) и́долы?

Osija 12:2

О Рай Дэвэ́л адя́кэ-паць лыджа́ла чинга́рд (сэ́ндо) проти Юдастэ, и Ёв пхарэ́с явэ́ла тэ сэндякирэ́л Яково́с пал лэ́скирэ рэ́нды (де́лы), пал дова́, со ёв кэрдя́, Рай Дэвэ́л дукхавэла палэ лэс.

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Римлянэнгэ 1:25

кадалэ́ мануша́ парудэ Дэвлэ́скиро чачипэ́н хохаибнаса, ёнэ мангэ́напэ и дынаринэна (служынэна) одолэ́скэ, конэ́с ёнэ выдуминдлэ кокорэ́, буты́р сыр Кодолэ́скэ, Саво́ кэрдя́ дава́ саро́, Саво́ исын мол вечнонэ славакэ. Ами́нь.

Amoso 3:2

“Тумэ́ сан екх кхэри́тко ро́до сарэ́ родэндыр пэ пхув, савэ́скэ Мэ кэрдём паты́в, палдава́ Мэ пхарэ́с сэндякирава тумэн пал саро́ тумаро́ чорипэ́н.”

Езэкилё 20:18

И ракиравас Мэ лэ́нгирэ чхавэ́нгэ пэ чхучи́ пхув: ‘На псирэ́н, сыр сыклякирэнас тумарэ́ дада́, на кэрэ́н, сыр ёнэ ракирэ́нас, на магирэ́н пэс лэ́нгирэ идолэнца.’

Ереме́ё 9:14

а ёнэ кэрдэ́ пир пэ́скирэ пхарэ́ илэ, и отдэнас паты́в Ваалоскэ, сыр лэ́нгирэ дада́ сыклякирдэ́ лэн;”

Ереме́ё 8:9

Кадалэ́ барэ́-годякирэ мануша́ исын ладжакирдэ́, лэ́нгиро ду́хо (фа́но) исын пхагирдо́ и ёнэ дынэпэ дукха́. Акэ, ёнэ отпхэндэпэ Ра́скирэ-Дэвлэ́скирэ лавэ́стыр; и саво́ ж годыпэ́н исын лэ́ндэ?

Ниеми́я 1:7

Амэ яця́м дошалэ́ анги́л Ту́тэ, и на зракхцям припхэныбэна́ и стату́ты (уставы) и сыклякирибэ́н, савэ́ Ту припхэндян о Мойза́скэ, Тырэ́ писхари́скэ.

4 Kralip 17:19

И о Юда адя́кэ-паць на ракхця́ Ра́скирэ-Дэвлэ́скирэ, пэ́скирэ Дэвлэ́скирэ припхэныбэна́, и кэрдя́ пир Израилёскирэ упхэныбэна́, сыр кэрдэ́ ёнэ.

1 Petr 1:18

джины́, со на рупэ́са ци сувнака́са, савэ́ усае́кх нанэ важнэдыр сарэ́стыр, тумэ́ сан выкиндлэ чхучэ́ (пустонэ) джиибнастыр, саво́ тумэ́ дорэснэ́ пэ́скирэ дадэндыр;

1 Фесалоникийцэнгэ 4:8

И ко́ли вари-кон на прилэ́ла дава́ сыклякирибэ́н, ёв прилэ́ла на, со манушэ́с, а Дэвлэ́с, Саво́ и дыя́ тумэ́нгэ Пэ́скиро Свэ́нто Ду́хо (Фа́но).

Osija 6:11

Адя́кэ-паць, ваш ту́кэ, Юдэ, сыкадо дывэ́с ваш гивэнгиро счхиныбэн, ке́ли Мэ рискира́ва Мирэ́ – манушэ́нгирэ пленонэн.

Езэкилё 22:28

А ла́кирэ проро́ки макхэна саро́ блатанэ обмакхибнаса, ёнэ дыкхэ́на чхучипэн (пустота), ангилпхэнэна хохаибэ́н и ракирэ́на: ‘Адя́кэ ракирэ́ла Рай Дэвэ́л, Дэвэ́л”, – а Рай Дэвэ́л, Дэвэ́л ничи́ на ракирэ́лас.

Езэкилё 22:8

Ту на дэ́са паты́в мирэ́ свэнтонэскэ, и пхагирэса Мирэ́ са́ваты (суботы).

Езэкилё 20:30

Палдава́ пхэн Израилёскирэ кхэрэ́скэ: адя́кэ ракирэ́ла Рай Дэвэ́л, Дэвэ́л: ‘На магирэ́н тумэ́ пэс, сыр тумарэ́ дада́ присыклынэ, на кэрэ́н лэ́нгиро джунгалыпэ́н!

Езэкилё 13:22

Пал-дова́ со тумэ́ пхэнэ́на хохаибэ́н дэвлытконэ́ манушэ́скэ тэ кэрэ́лпэ пхаро́ лэ́скэ пэ ило́ (а Мэ на камамас, соб (кай) тэ явэ́л пхаро́ пэ лэскро ило́), и подрикирэна фуе́-манушэ́скирэ васта́, соб (кай) ёв тэ на рисёл пэ́скрэ бэдытконэ дромэ́стыр, и тэ на зракхэ́л пэ́скиро джиибэ́н.

Ереме́ё 16:12

И тумэ́ кэрдэ́ фуеды́р тумарэ́ дадэндыр, и со кажно (сва́ко) тумэ́ндыр дживэ́ла пир пэ́скиро пхаро́ и бибахтало́ ило́ адя́кэ, со тумэ́ на причхудэ кан кэ Мэ [соб (кай) тэ на шунэ́н Ман-р.с.].

Ереме́ё 8:2

Ёнэ росчхувэна [росчхурдэна-р.с.] лэн анги́л кхам, и анги́л чхон, и анги́л сарэ́ болыбна́скирэ халадыбэна (янголы), савэ́н ёнэ камлэ́, и савэ́нгэ ёнэ дынариндлэ́; пал савэ́ндэ ёнэ гинэ́, и савэ́ндыр ёнэ мангнэ́ тэ дэн годы́: савэ́н ёнэ родынэ и савэ́нгэ ёнэ отдынэ́ паты́в. Далэ́ кокалы́ на явэ́на тэ укэдэн, и на явэ́на тэ гаравэн, нэ ёнэ явэ́на сы́рбы ґнэё упра́л пэ пхув.

Ереме́ё 6:19

Шун, пхув! Акэ Мэ яна́ва биба́хт (хасибэ́н) пэ адалэ́ манушэ́ндэ, и пэ дова́, со ёнэ придуминэна; пал-дова́ со ёнэ на шундлэ́ Мирэ́ лава́, и со ёнэ отпхэндэпэ Мирэ́ Законо́стыр.

Isajos 44:20

Ёв ха́ла, хохавэлапэ, хохадо ило́ лыджа́ла явирэ дромэ́са лэс; и нисыр ёв на вырискирэла пэ́скиро ило́, на пхэнэ́ла: “Ци нанэ хохаибэ́н дро Миро чачо́ васт?”

Ниеми́я 9:26

И кэрдэ́пэ ёнэ нахрата (упряма), и на лынэ́ тэ кутякирэн Тут и ячкирдэ́ Зако́но, замардэ́ пророкэ́н, савэ́ дэ́нас лэ́нгэ годы́ тэ патяс дрэ Ту́тэ, и кэрдэ́ барэ́ калякирибэна.

2 Паралипоменоно 30:7

И на явэ́н адасавэ́, сыр тумарэ́ дада́ и тумарэ́ пша́ла, савэ́ на пир Зако́но кэрдэ́ анги́л Растэ-Дэвлэ́стэ, пэ́скирэ дадэнги́рэ Дэвлэ́стэ; и Ёв отдыя́ лэн пэ хасибэ́н, сыр тумэ́ дыкхэ́на.

Сэндарьенгири Лылвари́ 10:6

Израилёскирэ чхавэ́ дурэды́р кэрдэ́ фуипэ́н анги́л Ра́скирэ-Дэвлэ́скирэ якха́ и дынариндлэ́ Ваалэнгэ и Астартэнгэ, и Арамейсконэ дэвлорэ́нгэ, и Сидонсконэ дэвлорэ́нгэ, и Моавитсконэ дэвлорэ́нгэ, и Амонитсконэ дэвлорэ́нгэ, и Филистимсконэ дэвлорэ́нгэ; и ячкирдэ́ Рас-Дэвлэ́с и на дынариндлэ́ Лэ́скэ.

Ереме́ё 16:11

Тэ́ньци ту пхэнэ́са лэ́нгэ: ‘Пал-дова́ со тумарэ́ дада́ ячкирдэ́ Ман, – дава́ Мэ, Рай Дэвэ́л, ракира́ва: ёнэ гинэ́ пал явирэ дэвлорэндэ и ишчо (инкэ́) тумэ́ дынэ́ паты́в лэ́нгэ, и тумэ́ ячкирдэ́ Ман, и на рикирдэ Миро Зако́но.

Amoso 1:3

Адя́кэ ракирэ́ла Рай Дэвэ́л: “Пал трин чорипэна и штар, со кэрдя́ Дама́ско, Мэ на отмэка́ва пхаро́ сэ́ндо лэ́нгэ, палдова́ со ёнэ молотиндлэ Галаа́до саструнэ́ гиваобкэрибнытконэ́нца (молотилкэнца).

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

2 Паралипоменоно 25:14

Ама́сия, сыр явдя́ пало́ (после) Идумеянэнгиро мулякирибэн, то яндя́ Сеироскирэ чхавэ́нгирэ дэвлорэ́, и чхудя́ лэн пэ́стэ дэвлорэнца, и анги́л лэ́ндэ клониндяпэ, и лэ́нгэ кадиндя.

Ереме́ё 17:27

Нэ ко́ли тумэ́ на явэ́на тэ пришунэнпэ кэ Мэ тэ свэнцякирэн [тэ свэнкинэн-р.с.] саватытко дывэ́с, и тэ на лыджа́н пхарипэ́н, сыр тумэ́ заджа́на пирда́л Ерусалимо́скири по́рта дро саватытко дывэ́с, тэды Мэ росхачкирава яг дрэ доя́ по́рта, и яг похала сарэ́са Ерусалимо́скирэ барэ́ фэлатиня́, и дая́ яг на мурдякирэна.’”

Osija 12:3

Ёв ухтылэлас пэ́скирэ пшалэ́с пал кхур (пента) дро дакири лочови́ (чрево), и ёв спробиндя зорья Дэвлэ́са.