Amoso 2:11 - Библия - Пэ Балтитко Романи чиб (Романэс) 2019

¹¹ Мэ выкэдыём вари-савэ́ тумарэ́ чхавэ́н сыр пророкэ́н, и вари-савэ́н тумарэ́ тэрнэ́ манушэ́н сыр Назареен. Ци на сыс дава́ адя́кэ тумэ́, чхавэ́ Израилёскирэ” – раки́рла Рай Дэвэ́л.

Biblija - Pe Baltitko Romani čib (Romanes) 2019

¹¹ Me vykedyjom vari-savé tumaré čhavén syr prorokén, i vari-savén tumaré terné manušén syr Nazariejen. Ci na sys davá adiáke tumé, čhavé Izrailjoskire” – rakírla Raj Devél.

Amoso 2:11 Referans Kwoze

Ереме́ё 7:25

Далэ́ дывэсэ́стыр сыр тумарэ́ дада́ выгинэ́ Египто́скирэ пхувья́тыр кэ ададывэ́с, Мэ бичхававас кэ тумэ́ сарэ́ Мирэ́ писхарье́н, Мирэ́ пророкэ́н, Мэ бичхававас лэн кажно дывэ́с тася́рлэс (ра́нэс) пэ ра́нко;

Mihiejo 2:6

“На ангилпхэнэн, проро́ки, – тумэ́ ракирэ́на кодолэ́нгэ, савэ́ ангилпхэнэна, на ангилпхэнэн лэ́нгэ, соб (кай) ладжаипэ́н тэ на ячэ́лпэ [тэ на латхэл тумэн-р.с.].

Roiben 4:7

Ерусалимо́скирэ тхага́рья сыс яснэдыр ивэстыр и парнэдыр тхудэстыр; ёнэ сыс лоликанэдыр, дрэ маса́ рубинэндыр; ёнэ выдыцёнас сы́рбы сапфиры.

Ереме́ё 26:11

И рашая́, и проро́ки пхэндлэ́ тхагарьенгэ, и сарэ́ манушэ́нгэ, ракири́: “Адава́ ману́ш домардяпэ (мол) тэ мэрэ́л! Пир дова́, со ёв ангилпхэнэлас проти дава́ фо́ро, сыр тумэ́ шундлэ́ пэ́скирэ канэнца.”

Ереме́ё 11:21

Палдава́ адя́кэ ракирэ́ла Рай Дэвэ́л пал муршэндэ Анатотостыр [Анафофостыр-р.с.], савэ́ камэ́на тэ мулякирэ́н ман, пхэни́ (ракири́): “Ту буты́р на ангилпхэн Ра́скирэ-Дэвлэ́скирэ лавэ́стыр, соб (кай) ту́кэ тэ на мэрэс амарэ́ вастэ́стыр.”

Ереме́ё 2:31

О, Израилёскиро ро́до! Шунэ́н мирэ́ лава́ Ра́стыр-Дэвлэ́стыр! Ци со́мас Мэ сы́рбы пэ чхучи́ пхув Израилёскэ? Ци сы́рбы калы (тёмно) пхув? Со́скэ тэды Мирэ́ мануша́ ракирэ́на: ‘Амэ кокорэ́ сам рая пэ́скэ! Амэ буты́р на ява́са кэ Ту!’

Ереме́ё 2:5

Адя́кэ ракирэ́ла Рай Дэвэ́л: ‘Саво́ чорипэ́н тумарэ́ дада́ латхнэ́ дрэ Ма́ндэ, со ёнэ дуринэ Ма́ндыр, со ёнэ гинэ́ пал хартытка и́долы, и со ёнэ кокорэ́ ячнэ́ хартытка (суетна)?

2 Паралипоменоно 36:15

И бичхадя́ кэ ёнэ Рай Дэвэ́л, Дэвэ́л лэ́нгирэ-дадэ́нгиро, Пэ́скирэ бичхаибнаскирэн тася́рлэс пэ зло́ко (пэ ра́нко), пал-дова́ со Ёв тангиндя Пэскирэн манушэ́н и Пэ́скиро Кхэр.

4 Kralip 17:13

Тэды Рай Дэвэ́л пирда́л сарэ́ Пэ́скирэ пророкэ́ндэ, пирда́л кажнонэ́стэ, приракхэлас Израилё и Юдас, ракири́: “Рисён тумарэ́ фуе́ дромэндыр, и ракхэ́н Мирэ́ припхэныбэна́, упхэныбэна́ Мирэ́, пир саро́ сыкляибэн, саво́ Мэ припхэндём дадэ́нгэ тумарэнгэ, и саво́ Мэ дыём тумэ́нгэ пирда́л Мирэ́ пророкэ́ндэ.”

4 Kralip 6:1

И пхэндлэ́ чхавэ́ пророкэ́нгирэ Елисеёскэ: “Ѓа́да, штэ́то, кай амэ дживаса пашы́л ту́тэ, тясно (танго) исын ваш амэ́нгэ.

3 Kralip 22:8

И пхэндя́ кра́ли Израилёскиро Иосафатоскэ: “Исын екх ману́ш, о Михеё, чхаво́ Емвлаёскиро [Имлахо-ю.о.], пирда́л конэ́стэ сашты́ тэ пхучас Ра́стыр-Дэвлэ́стыр, нэ мэ на кама́м лэс, пал-дова́ со ёв ангилпхэнэла (пророчынэла) налачхипэн, а екх фуипэ́н!” И пхэндя́ Иосафа́то: “На ра́кир, кра́лё, адя́кэ!”

3 Kralip 20:41

Ёв дрэ дова́ моменто злыя́ пхандлуны (повязка) пэ́скирэ якхэ́ндыр, и пинджкирдя лэс о кра́ли, со ёв сыс екх пророкэндыр.

3 Kralip 20:35

А΄кэ, екх ману́ш пророкэ́нгирэ чхавэ́ндыр пхэндя́ явирэскэ пир лав Ра́скиро-Дэвлэ́скиро: “Мар ман, манга́ва.” Нэ одова́ ману́ш отпхэндяпэ тэ марэл лэс.

3 Kralip 20:13

И, акэ, екх проро́ко, подги́я кэ Аха́во, кра́ли пэ Израилё, и пхэндя́: “Адя́кэ ракирэ́ла Рай Дэвэ́л: ‘Ту дыкхэ́са ту дая́ бари кэ дар банда? Ѓа́да, ададывэ́с Мэ отда́ва лэн дрэ васт тыро́, соб (кай) ту тэ джинэ́с, со Мэ сом Рай Дэвэ́л.’”

3 Kralip 19:16

И ту адя́кэ-паць помакх Ииуёс, чхавэ́с Намесиёскирэс сыр крали́с пэ Израилё, а Елисеёс, чхавэ́с Сафатоскирэс Авэл-Мехолатыр, помакх сыр пэ штэ́то пэ́скиро.

3 Kralip 18:4

Акэ, ке́ли э Езаве́ль хасякирэлас пророкэ́н, Раскирэн-Дэвлэскирэн, то Авдия лыя́ шэл пророкэ́н, и гаравэлас лэн, пир пандждэша́ манушэ́н, дрэ ґебара́ (пешчэры), и ёв чалякирэлас лэн марэ́са и пане́са.

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

1 Kralip 19:20

И бичхадя́ Са́уло дынарье́н тэ лэн Давидо́с, и ке́ли ёнэ дыкхнэ́ сонмо пророкэ́н, савэ́ ангилпхэнэнас и Самуилос, саво́ сыс барыдыр пэ лэ́ндэ, тэды Дэвлэ́скиро Ду́хо згия пэ Сауло́скирэ дынарьендэ, и ёнэ лынэ́ тэ ангилпхэнэн.

1 Kralip 3:20

И уджиндя́ саро́ Израилё Даностыр кэ Вирсава, со Самуи́ло сыс чхудо тэ явэ́л Ра́скирэ-Дэвлэ́скирэ пророкоса.

Яви́р Зако́но 18:18

Мэ да́ва лэ́нгэ Пророко́с лэ́нгирэ пшалэ́ндыр, адасавэс сыр ту, и чхува́ва лава́ Мирэ́ дрэ Лэ́скирэ ушта́, и Ёв явэ́ла тэ ракирэ́л лэ́нгэ саро́, со Мэ пхэна́ва Лэ́скэ;

Apostolengiri Butý 7:51

Тумэ́ сан пхарэ́-илытка мануша́, савэ́ шунэ́на Дэвлэ́скиро лав, а сы́рбы кашукэ усае́кх кэрэ́на пир пэ́скиро! Тумэ́ сан адасавэ́-паць, сыр и тумарэ́ дада́, тумэ́ ўса́ды (сак) (усегда) са́нас проти Свэ́нто Ду́хо (Фа́но).

Apostolengiri Butý 5:28

“Ци на шылалэс амэ припхэндям тумэ́нгэ тэ на сыклякирэ́н пал Адалэ́-Манушэ́скиро лав? Нэ тумэ́ усае́кх розлыджинэ сыклякирибэ́н пир саро́ Ерусалимо, и кэ саро́ тумэ́ камэ́на тэ чхувэ́н пэ амэ́ндэ банг пал Адалэ́-Манушэ́скиро рат.”

Apostolengiri Butý 4:18

Ёнэ нэвэ́стыр кхардэ́ Апостолэн и шылалэс припхэндлэ лэ́нгэ, соб (кай) ёнэ сарэ́са тэ на ракирэ́н и тэ на сыклякирэ́н пал Исусо́скиро лав.