Amoso 2:10 - Библия - Пэ Балтитко Романи чиб (Романэс) 2019

¹⁰ И дава́ сыс Мэ, Кон вылыджия́ тумэн Египто́скирэ пхувья́тыр, и Кон лыджия́ тумэн штардэша́ бэрш пир чхучи́ пхув, соб (кай) тэ заухтылэн тумэ́нгэ пхув Амореенгири.

Biblija - Pe Baltitko Romani čib (Romanes) 2019

¹⁰ I davá sys Me, Kon vylydžijá tumen Jegiptóskire phuvjátyr, i Kon lydžijá tumen štardešá berš pir čhučí phuv, sob (kaj) te zauhtylen tuménge phuv Amoriejengiri.

Amoso 2:10 Referans Kwoze

Яви́р Зако́но 2:7

пал-дова́ со Рай Дэвэ́л, тыро́ Дэвэ́л бахтякирдя́ тут дрэ кажно тырэ́-вастэнгиро рэ́ндо, ракхця́ тут [дыкхця́ пал ту́тэ-р.с.] дро часо, ке́ли ту псирдян пир бари дая́ чхучи́ пхув; ґа́да, штардэша́ бэрш Рай Дэвэ́л, тыро́ Дэвэ́л исын ту́са; ту́тэ саро́ сыс.’”

Vygiiben 12:51

Дро дова́-паць дывэ́с Рай Дэвэ́л вылыджия́ Израилёскирэ чхавэ́н Египто́скирэ пхувья́тыр.

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́:

Apostolengiri Butý 13:18

И пашэ́ штардэша́ бэрш Ёв дыкхця́ пал лэ́ндэ пэ чхучи́ пхув.

Apostolengiri Butý 7:42

И Дэвэ́л отрисия лэ́ндыр и ячкирдя́ лэн тэ мангэ́нпэ болыбна́скирэ чэргэненгэ, сыр пал дава́ исын чхиндло́ дрэ пророкэнгири лылвари́: “Мануша́лэ Израилёскирэ! Ци янэ́нас тумэ́ ма́нгэ чхиндлэ́ мурдалэ́н и свэ́нта дыибэна́ пал далэ́ штардэша́ бэрш пэ чхучи́ пхув.

Mihiejo 6:4

Пал-дова́ со Мэ вылыджиём тумэн Египто́скирэ пхувья́тыр, Мэ выракхцём тумэн писхарьенгирэ састырэндыр; и Мэ бичхадём анги́л тумэ́ндэ Мойза́с, Аронос и Мириам.

Amoso 9:7

“Ци на кадасавэ́ – сама тумэ́ сан, чхавэ́ Израилёскирэ, сыр чхавэ́ Эфиопиенгирэ?”, – ракирэ́ла Рай Дэвэ́л. “Ци дава́ на Мэ яндём Израилё Египто́скирэ пхувья́тыр, и Филистимлянэн Кафторостыр, и Сириянэн Киростыр?

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Езэкилё 20:10

И Мэ вылыджиём лэн Египто́скирэ пхувья́тыр, яндём лэн пэ чхучи́ пхув.

Psalmy 95:10

Штардэша́ бэрш дава́ ро́до калякирдя Миро ило́ и Мэ пхэндём: ‘Адалэ́ исын мануша́, савэ́ заблэндындлэпэ, и ёнэ на джинэ́на Мирэ́ дрома́.

Ниеми́я 9:21

Штардэша́ бэрш Ту дыя́н лэ́нгэ тэ хас пэ чхучи́ пхув, ёнэ ни дро со на маиндлэ трэ́бима; и́дя лэ́нгири на пхурия, и ґэра́ на шулынэ.

Яви́р Зако́но 1:39

а чхавэ́ тумарэ́, пал савэ́ндэ тумэ́ ракирдэ́, со ёнэ доячэнапэ вэргэ́нгэ, и тумарэ́ чхавэ́, савэ́ на джинэ́на акана́ ни лачхипэ́н, ни чорипэ́н, ёнэ заджа́на одори́к, лэ́нгэ Мэ да́ва ла, и ёнэ явэ́на хулая́ ла́кэ;

Vygiiben 20:2

“Мэ сом Рай Дэвэ́л, тыро́ Дэвэ́л, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

Čysly 21:25

И лыя́ Израилё сарэ́ далэ́ фо́рья, и дживдя́ Израилё дрэ сарэ́ Амонитянэнгирэ фо́рья, кэ Есево́но и дрэ сарэ́ гава́, савэ́ сыс тэл лэ́скири зор;

Isúso 13:4

кэ паш-дывэ́с (юго) сари́ Ханаано́скири пхув Меаратыр Сидонсконатыр кэ Афеко, кэ Аморее́нгирэ рига́,

Čysly 13:32

А одолэ́ мануша́, савэ́ псирдэ́ лэ́са, ракирдэ́: “Амэ на могинаса (нашты́) амэ тэ джас проти одолэ́ манушэ́ндэ, пал-дова́ со ёнэ зоралэды́р амэ́ндыр.”

Čysly 32:13

И захачи́я Ра́скирэ-Дэвлэ́скири холы́ пэ Израилё, и лыджия́ Ёв лэн пир чхучи́ пхув штардэша́ бэрш, пака хасия́ саро́ ро́до, саво́ кэрдя́ фуипэ́н дрэ Ра́скирэ-Дэвлэ́скирэ якха́.

Isúso 24:8

И яндём Мэ тумэн пэ Амореенгири пхув, савэ́ дживдэ́ пал Иорда́но; ёнэ мардэ́пэ тумэ́нца, нэ Мэ отдыём лэн дрэ тумарэ́ васта́, и тумэ́ дорэснэ́ (долынэ) дро мэкно́ миштыпэ́н (наследиё) лэ́нгири пхув, и Мэ традыём криг лэн анги́л тумэ́ндэ.

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”