Amoso 1:7 - Библия - Пэ Балтитко Романи чиб (Романэс) 2019

⁷ И Мэ бичхава яг пэ ва́нта Газакири, и ёй хачкирэ́ла ла́кирэ барэ́ фэлатиня́ (колова́) [коморы-р.с.].

Biblija - Pe Baltitko Romani čib (Romanes) 2019

⁷ I Me bičhava jag pe vánta Gazakiri, i joj xačkiréla lákire baré felatiniá (kolová) [komory-r.s.].

Amoso 1:7 Referans Kwoze

Софония 2:4

Пал-дова́ со мануша́ мэкэ́на Газа, и Асколоностыр ячэ́лапэ чхучо́ (пусто) штэ́то; Халдеи вытрадэна манушэ́н Азотостыр дывэсэ́ аж дро паш-дывэ́с, и ёнэ вырискирэна криг Экроно.

Ереме́ё 47:1

Лав Ра́скирэ-Дэвлэ́скиро, саво́ сыс пророкоскэ Еремеёскэ пал Филистимия́кирэ манушэ́ндэ анги́л дова́, сыр фарао́но пыя́ (розмардя́) Газа.

4 Kralip 18:8

Ёв традыя́ Филистимлянэн кэ Газа и дрэ ла́кирэ ме́жы пир рига́, ракхибнарьякирэ вучардятыр (башнятыр) кэ фо́ро зоралэ́ тыноса.

Римлянэнгэ 12:19

Мирэ́ мала́, на кэрэ́н нисаво́ чорипэ́н никонэ́скэ пал пэ́стэ, пша́ла мирэ́, фэды́р ячкирэн штэ́то ваш Дэвлэ́скири холы́; пал-дова́ со, сыр исын чхиндло́: “Ячкирэн дава́ Ма́нгэ, Мэ кэра́ва”, – ракирэ́ла Рай Дэвэ́л.

Amoso 1:4

И Мэ бичхава́ва яг пэ Азаилоскиро кхэр и ёй хачкирэ́ла Венададоскирэ [Бэн-Хададоскирэ-ю.о.] барэ́ фэлатиня́ (колова́).

2 Паралипоменоно 26:6

И ёв выгия́, и мардя́пэ Филистимлянэнца, и роспхагирдя́ Гефоскирэ ва́нты, ва́нты дрэ Иавне́я, ва́нты дрэ Азото; и кэрдя́ фо́рья дрэ Азотоскири округа и Филистимлянэндэ.

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

Ереме́ё 47:5

Газа ячэ́ла бибалэнгири, Аскалоно [Ашкелоно-ю.о.] хасёла, – дова́, со ячэ́лапэ лэ́нгирэ долостыр? Сыр ґара́ ту явэ́са тэ чхинэс пэс дрэ ту́га?

Езэкилё 30:8

И ёнэ ґалёна, со Мэ сом Рай Дэвэ́л, Дэвэ́л, ко́ли бичхава́ва Мэ яг пэ Еги́пто и пэрла саро́ лэ́скиро подрикирибэ́н.

Езэкилё 39:6

Мэ бичхава́ва яг пэ пхув ‘Магог’, пэ манушэ́ндэ, савэ́ дживэ́на пэ островы би дарипнаскиро, и нисо́ на думинэн пал пэ́стэ, и ёнэ ґалёна, со Мэ сом Рай Дэвэ́л, Дэвэ́л.

Amoso 1:6

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Газатыр и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ лыджинэ́ сарэ́ Юдэ́н дро пле́но, соб (кай) тэ бикнэн лэн сыр писхарье́н кэ Эдо́мо.

Amoso 1:8

И Мэ хасякира́ва манушэ́н, кон дживэ́ла кэ Азото, и кодолэ́с, кон рикирэ́ла тхагаритко дэсто́ пэ Аскалоно, и Мэ рискира́ва Миро васт проти Экроно (Екроно), и мануша́, кон ячэ́лапэ Филистимлянэндыр, хасёна” – ракирэ́ла Рай Дэвэ́л.