Amoso 1:5 - Библия - Пэ Балтитко Романи чиб (Романэс) 2019

⁵ И Мэ адя́кэ-паць пхагирава шы́беро (засо́во) пэ по́рта Дамаскоскири и Мэ хасякира́ва манушэ́н, кон дживэ́ла пэ до́ло Авеноскиро и кодолэ́с, кон рикирэ́ла тхагаритко дэсто́ дро Едэно (Бэн-Хададо). Мануша́ Сириятыр джа́на дро пле́но кэ Кира”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

⁵ I Me adiáke-pac' phagirava šýbiero (zasóvo) pe pórta Damaskoskiri i Me xasiakiráva manušén, kon dživéla pe dólo Avienoskiro i kodolés, kon rikiréla thagaritko destó dro Jedeno (Ben-Xadado). Manušá Sirijatyr džána dro pliéno ke Kira”, – rakiréla Raj Devél.

Amoso 1:5 Referans Kwoze

4 Kralip 16:9

И кандыя́ лэс Асирия́киро кра́ли; и гия́ Асирия́киро кра́ли пэ Дама́ско, и лыя́ лэс, и пирилыджия лэ́скирэ манушэ́н дрэ Киро, а Рецынос замардя́.

Amoso 9:7

“Ци на кадасавэ́ – сама тумэ́ сан, чхавэ́ Израилёскирэ, сыр чхавэ́ Эфиопиенгирэ?”, – ракирэ́ла Рай Дэвэ́л. “Ци дава́ на Мэ яндём Израилё Египто́скирэ пхувья́тыр, и Филистимлянэн Кафторостыр, и Сириянэн Киростыр?

Ереме́ё 51:30

Э зоралыпнаскирэ [зоралэ́-р.с.] мурша́ Вавилоно́стыр пириячнэ тэ марэ́нпэ, ёнэ ячнэ́пэ тэ бэшэ́н дрэ пэ́скирэ зоралэ́ ва́нты (тва́рдыми); лэ́нгири зор хасия́, ёнэ ячнэ́ сыр джувля́. Лэ́нгирэ кхэратунэ штэ́ты исын хачинэ, штабы (затворы) пэ лэ́нгири по́рта исын пхагирдэ́.

Roiben 2:9

Форо́скирэ по́рты бэшнэ́ дрэ пхув: Рай Дэвэ́л хасякирдя́ и пхагирдя́ форо́скирэ штабы, форо́скирэ кра́ли и тхага́рья исын бичхадэ́ машки́р Наюдэ́ндэ. Зако́но буты́р нанэ, и форо́скири проро́ки на дыкхэ́на сунэ́ Ра́стыр-Дэвлэ́стыр.

Naumo 3:13

Дыкхэ́н! Машкир тырэ́ халадэ́ндэ исын мурша́ сыр джувля́: по́рта пэ тырэ́ пхувья́ псирады буґлэс анги́л вэргэ́ндэ: яг похала штабы пэ тыри́ по́рта.

Ереме́ё 50:36

Курта́ла пэ подпхэныбнаскирэндэ [зумакирибнаскирэндэ-р.с.], и ёнэ явэ́на дылынинька. Курта́ла пэ сарэ́ марибнаскирэ муршэндэ, и ёнэ замэрэна дара́тыр.

Isajos 43:14

Адя́кэ ракирэ́ла Рай Дэвэ́л, Саво́ выкиндя (выракхця) тумэн, Свэ́нто Израилёскиро: “Ваш тумэ́нгэ Мэ бичхадём кэ Вавило́но, роспхагирдём саро́, со сыс закэрдо и Халдеен, савэ́ сыс пхутькирдэ́ пэ́скирэ пармэнца (корабленца).

Isajos 22:6

И Еламо лыджа́ла курта́ла. Мануша́ исын бэштэ́ пэ вурдэна́ и Киро дорэсэ́ла шчы́то.

Езэкилё 27:23

Харано, Ханэ́, Едено, Савакирэ тылга́рья, Асуро и Хилмадо тимисякирэнас ту́са.

4 Kralip 14:28

Яви́р лав пал Еровоамостэ и пал саро́, со ёв кэрдя́, и пал муршканэ́ лэ́скирэ рэ́нды, сыр ёв мардя́пэ и сыр рискирдя́ Израилёскэ Дама́ско и Емафо, сави́ сыс Юдаскири, исын зачхиндло́ дрэ бэршы́тка архи́вы пал Израилёскирэ кралье́ндэ.

Isajos 8:4

Пал-дова́ со англэды́р, сыр бия́то высыклёла тэ пхэнэ́л: ‘Да́до Миро, Даё Мири́’ – барвалыпэ́н Дамаскостыр, дорэсыбэ́н Самариятыр лыджа́на анги́л Асирия́кирэ крали́стэ.”

Езэкилё 30:17

Тэрнэ́ мануша́ Оностыр и Бубастыр пэрэ́на куртала́тыр, а яви́р джа́на дрэ наволя.

Osija 10:8

И адя́кэ-паць явэ́на розмардэ пэ котэра́ вучэ́ штэ́ты пэ Авено, грэ́хо Израилёскиро. Хру́сты сувьенца и жылта хру́сты пхусаденца выбарьёна пэ лэ́нгирэ алта́ри; ёнэ пхэнэ́на бэргэнгэ: ‘Чхакирэн амэн,’ и бэргицэнгэ: ‘Пэрэн пэ амэ́ндэ.’

Amoso 5:5

На родэ́н Вефиль, и на заджа́н дро Галга́ло и на псирэ́н кэ Вирса́вия (Бершэба), пал-дова́ со Гилгалоскирэ мануша́ джа́на дро пле́но, а Вефилятор нисо́ на ячэ́лапэ.”