Amoso 1:13 - Библия - Пэ Балтитко Романи чиб (Романэс) 2019

¹³ Адя́кэ ракирэ́ла Рай Дэвэ́л: “Пал трин чорипэна, со кэрдэ́ чхавэ́ Амоноскирэ, и пал штар чорипэна, Мэ на отмэка́ва пхаро́ сэ́ндо лэ́нгэ, пал-дова́ со ёнэ росчингирэнас (путравэнас) пэра́ пхарэ́ джувлендэ, соб (кай) лэ́нгэ тэ буґлякирэн кустыка (ме́жы) пэ пхув.

Biblija - Pe Baltitko Romani čib (Romanes) 2019

¹³ Adiáke rakiréla Raj Devél: “Pal trin čoripena, so kerdé čhavé Amonoskire, i pal štar čoripena, Me na otmekáva pharó séndo lénge, pal-dová so jone rosčingirenas (putravenas) perá pharé džuvliende, sob (kaj) lénge te buĥliakiren kustyka (miéžy) pe phuv.

Amoso 1:13 Referans Kwoze

Езэкилё 35:10

Пал-дова́, со ту ракирэсас: Кадалэ́ дуй народы, кадалэ́ дуй пхувья́ явэ́на Мирэ́, амэ заласа лэн, на подыкхаса, со Рай Дэвэ́л, Дэвэ́л сыс одо́й, –

Isajos 5:8

Бида тумэ́нгэ, кон кинэла екх кхэр пал яви́р, екх фэ́лда пал яви́р фэ́лда, адя́кэ, со нанэ штэ́то ваш явирэ манушэ́нгэ, адя́кэ, со, сы́рбы тумэ́ сан екхджинэ пэ пхув.

Amoso 1:3

Адя́кэ ракирэ́ла Рай Дэвэ́л: “Пал трин чорипэна и штар, со кэрдя́ Дама́ско, Мэ на отмэка́ва пхаро́ сэ́ндо лэ́нгэ, палдова́ со ёнэ молотиндлэ Галаа́до саструнэ́ гиваобкэрибнытконэ́нца (молотилкэнца).

Езэкилё 21:28

“Ту, манушэ́скиро чхава, пхэн ангилпхэныбэ́н, пхэн: ‘Адя́кэ ракирэ́ла Рай Дэвэ́л, Дэвэ́л пал Амоноскирэ чхавэ́ндэ пал дова́, со явэ́ла лэ́нца. Пхэн: Курта́ла, курта́ла вытырдыны, жужакирды пэ мулякирибэн, соб (кай) тэ чингирэл, соб (кай) тэ домарэл, соб (кай) тэ хачол, сыр блискавица,

Ниеми́я 2:19

Шуны́ дава́, о Санавалато, о Хоронито и о Товия, Амонытко писха́ри, и о Гешэмо, Аравитяно, сандлэпэ амэ́ндыр, и пхутибнаса ракирэ́нас: “Саво́ дава́ исын рэ́ндо тумаро́, саво́ тумэ́ кэрэ́на? Хабись, тумэ́ думинэ́на тэ бунтуинэн проти крали́стэ?”

2 Паралипоменоно 20:10

И акана́, Амонитяни и Моавитяни и мануша́, савэ́ дживэ́на пэ Сеироскири бэ́рга, пирда́л конэскирэ пхувья́, Ту на дыя́н во́ля тэ проджан Израильтянэнгэ, ке́ли ёнэ гинэ́ Египто́скирэ пхувья́тыр, и палдава́ ёнэ обгинэ лэн и на замардэ́ лэн,

2 Паралипоменоно 20:1

Пало́ после (дава́) Моавитяни и Амонитяни, и лэ́нца вари-савэ́ Маонитсконэ рига́тыр, гинэ́ марибна́са пэ Иосафатостэ.

4 Kralip 24:2

И бичхадя́ пэ лэ́стэ Рай Дэвэ́л баро́ кэ дар халадыбэ́н Халдее́нгиро, и халадыбэ́н Сириянэнгиро, и халадыбэ́н Моавитянэнгиро, и халадыбэ́н Амонитянэнгиро, – бичхадя́ лэн пэ Юдастэ, соб (кай) тэ хасякирэ́л лэс пир Ра́скирэ-Дэвлэ́скиро лав, саво́ Ёв пхэндя́ пирда́л Пэ́скирэ писхарье́ндэ, пророкэ́ндэ.

Яви́р Зако́но 2:19

и сыр ту явэ́са пашы́л кэ Амонитяни: на заджа́ лэ́нца дро кошыбэ́н, и на залыджа лэ́нца марибэ́н, пал-дова́ со Мэ на дава́ ту́кэ ничы́ Амоноскирэ-чхавэ́нгирэ пхувья́тыр, пал-дова́ со Мэ отдыём ла Лотоскирэ чхавэ́нгэ.”

Psalmy 83:7

Ша́тры Едомоскирэ и Исмаильтянэнгирэ, Моа́во и Агаро,

4 Kralip 15:16

И домардя́ о Менаимо фо́ро Типсахо и сарэ́н манушэ́н, савэ́ сыс дрэ лэ́стэ и пашы́л лэ́стэ, лыи Фирцатыр, пал-дова́ со фо́ро на отчхакирдя́ по́рта, и розмардя́ лэс; и сарэ́ пэралэн джувле́н дрэ лэ́стэ росчингирдя [лэ́нгирэ пэра-ю.о.].

Ереме́ё 25:21

манушэ́н Эдомостыр, Моавостыр и Амоноскирэ чхавэ́;

2 Kralip 12:31

А манушэ́н, савэ́ сыс дрэ лэ́стэ, ёв вылыджия́, и чхудя́ лэн тэл пилы (ризиля), тэл саструнэ́ молотилки (гиваобмарибнаскирэ), тэл саструнэ́ товэра, и чхурдыя́ лэн дрэ обхачкирдэ бова. Адя́кэ ёв кэрдя́ сарэ́ Амонитянэнгирэ форьенца. И рисия́ палэ Дави́до и сарэ́ мануша́ дро Ерусалимо.

4 Kralip 8:12

И пхэндя́ Азаило: “Со́стыр хула́й миро ровэла?” И пхэндя́ ёв: “Долэ́стыр, со мэ джино́м, саво́ кэрэ́са ту фуипэ́н чхавэ́нгэ Израилёстыр; тва́рдыми (крепости) лэ́нгирэ ту отдэса ягакэ, и тэрнэн лэнгирэн манушэ́н куртала́са мулякирэса, и колынытконэ лэ́нгирэ чхаворэ́н домарэса, и пэралэн лэ́ндэ джувле́н росчингирэса.”

Езэкилё 25:1

И сыс кэ мэ Ра́скирэ-Дэвлэ́скиро лав дасаво:

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’