Amoso 1:11 - Библия - Пэ Балтитко Романи чиб (Романэс) 2019

¹¹ Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Эдомостыр, и пал штар чорипэна, Мэ на отмэка́ва лэ́нгэ банг, пал-дова́ со ёнэ традэнаспэ пал пэ́скирэ пшалэ́стэ куртала́са и ёнэ на тангиндлэ лэн сыр сэмэ́нца, и лэ́нгири холы́ хачолас бипириячыбнаскиро, и ёнэ ўса́ды (сак) рикирэнас холы́ (мижэхипэн).

Biblija - Pe Baltitko Romani čib (Romanes) 2019

¹¹ Adiáke rakiréla Raj Devél: “Pal trin čoripena, so kerdé manušá Edomostyr, i pal štar čoripena, Me na otmekáva lénge bang, pal-dová so jone tradenaspe pal péskire pšaléste kurtalása i jone na tangindle len syr seménca, i léngiri xolý xačolas bipirijačybnaskiro, i jone ŭsády (sak) rikirenas xolý (mižehipen).

Amoso 1:11 Referans Kwoze

2 Паралипоменоно 28:17

Пал-дова́ со Идумеяни и ишчо (инкэ́) явэ́нас, и бутэн домардэ́ дрэ Юдэ́я, и лынэ́ дрэ пле́но;

Малахия 1:4

Ко́ли Эдо́мо (Исаво́скирэ радостыр) пхэнэ́ла: “Амэ сам роспхагирдэ́ дрэ руи́ны, нэ амэ нэвэ́с чхуваса пхагирдэ́ штэ́ты”, – адя́кэ пхэнэ́ла янголэ́нгирэ-болыбна́скиро Рай Дэвэ́л: “Ёнэ нэвэ́с чхувэ́на пхагирдо́, нэ Мэ пхагирава тэлэ́ дава́. Э мануша́ явэ́на тэ кхарэ́н дава́ штэ́то ‘Злыднитко Пхув,’ и пэ кадалэ́ манушэ́ндэ Рай Дэвэ́л ўса́ды (сак) явэ́ла дрэ нарадыма.”

Ioil 3:19

Еги́пто явэ́ла сыр голоты́ня, и Эдо́мо сыр чхучи́ мал (сцеп), пал нахратыма, со ёнэ кэрдэ́ проти чхаворэндэ Юдаскирэндэ, пал-дова́ со ёнэ прочхудэ бибангипнаскиро рат пэ лэ́нгири пхув.

Psalmy 137:7

О, Раё Дэ́вла! Ри́пир Эдомоскирэ чхавэ́нгэ пал Ерусалимоскиро дывэ́с, савэ́ пхэндлэ́: “Пхагирэн сарэ́са! Пхагирэн сарэ́са кэ са́мо пхув.”

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Ekliesiastos 7:9

На холясов сы́гэс дро тыро́ ило́, пал-дова́ со дылынинько ману́ш рикирэ́ла холы́ дро колы́н.

Яви́р Зако́но 23:7

На дыкх вучипна́са (на брыдинпэ) пэ Идумеяниностэ, пал-дова́ со ёв исын тыро́ пшал; на дыкх вучипна́са пэ Египтяниностэ, пал-дова́ со ту са́нас яви пэ лэ́нгири пхув;

Эфесянэнгэ 5:1

И палдава́ причхувэ́н зор тэ кэрэ́н, сыр Дэвэ́л кэрэ́ла, сыр чхавэ́, савэ́ исын Лэ́скэ древа́н дро́га,

Малахия 1:2

“Тумэ́ ячнэ́ дро́га Ма́нгэ”, – пхэндя́ Рай Дэвэ́л. – Нэ тумэ́ ракирэ́на: “Сыр Ту сыкадян ла́ска амэн?” “Ци на сыс Иса́во Яково́скиро пшал?” – пхэндя́ Рай Дэвэ́л. “Нэ Мэ усае́кх выкэдыём Яково́с,

Isajos 57:16

Пал-дова́ со на саро́ часо Мэ ява́ва тэ сэндякирав и тэ холясовав, соб (кай) тэ на хасёл анги́л Ма́ндэ кажно ду́хо (фа́но) и кажно пхурдыпэн, саво́ Мэ создыём.

Psalmy 85:5

Дэ́вла! Ту, Саво́ зракхэ́са амэн. Ри́скир палэ амэн, кэр адя́кэ, соб (кай) Тырэ́ холякири зор тэ пириячэл пэ амэ́ндэ,

Заха́рия 1:15

и барэ́ холынаса холямо́ сом Мэ пэ манушэ́ндэ, савэ́ сыс джидэ́ исын дро спокойныма: пал-дова́ со сыр Мэ со́мас на́бут холямо́, ёнэ кэрдэ́ буты́р.

2 Паралипоменоно 20:10

И акана́, Амонитяни и Моавитяни и мануша́, савэ́ дживэ́на пэ Сеироскири бэ́рга, пирда́л конэскирэ пхувья́, Ту на дыя́н во́ля тэ проджан Израильтянэнгэ, ке́ли ёнэ гинэ́ Египто́скирэ пхувья́тыр, и палдава́ ёнэ обгинэ лэн и на замардэ́ лэн,

2 Паралипоменоно 20:11

акана́, ёнэ плэскирэна амэ́нгэ долэса, со явнэ́ тэ вытрадэн амэн миштыпна́стыр Тырэстыр, саво́ Ту отдыян амэ́нгэ.

Osija 8:3

Израилё чхурдыя́ саро́ лачхипэ́н: о вэ́рго явэ́ла тэ традэлпэ пал лэ́стэ.