Amoso 1:1 - Библия - Пэ Балтитко Романи чиб (Романэс) 2019

¹ Лава́ Амосо́скирэ, кон сыс екх чхупна́ри (пастухо) дрэ Фекоя [Тэкоа-ю.о.], савэ́ лэ́скэ Рай Дэвэ́л сыкадя́ дрэ сунэ́, дрэ одолэ́ дывэса́, ке́ли о Ози́я сыс кра́ли пэ Юдэ́я, и дрэ дывэса́, ке́ли о Иеровоамо, чхаво́ Иоасоскиро, сыс кра́ли пэ Израилё дуй бэрш анги́л пхувья́киро тринскирибэн.

Biblija - Pe Baltitko Romani čib (Romanes) 2019

¹ Lavá Amosóskire, kon sys jekh čhupnári (pastuho) dre Fiekoia [Tekoa-ju.o.], savé léske Raj Devél sykadiá dre suné, dre odolé dyvesá, kiéli o Ozíia sys králi pe Judéia, i dre dyvesá, kiéli o Iierovoamo, čhavó Ioasoskiro, sys králi pe Izrailjo duj berš angíl phuvjákiro trinskiriben.

Amoso 1:1 Referans Kwoze

Заха́рия 14:5

И тумэ́ нашэ́на дрэ фэ́лда машки́р бэ́рги Мирэ́; пал-дова́ со фэ́лда протырдэлапэ кэ Асило; и тумэ́ праста́на, сыр нашэнас пхувья́кирэ тринскирибнастыр дрэ дывэса́ Озияскирэ, Юдэя́кирэ крали́скирэ; и явэ́ла Рай Дэвэ́л, Дэвэ́л миро и сарэ́ свэ́нта Лэ́са.

Amoso 7:14

Тэ́ньци Амасо отпхэндя́, и пхэндя́ Амасияскэ: “Мэ на со́мас проро́ко, и мэ на сом чхаво́ пророкоскиро. Нэ мэ со́мас чхупна́ри (пастухо) пэ стада, и мэ кэдыём му́ри пэ сикоморитка кашта́.

Ереме́ё 6:1

О, Вениамино́скирэ чхавэ́, кэдэнпэ тэ нашэ́н криг Ерусалимо́стыр! Пхурдэ́н дрэ ро́ги (трубы) дрэ Текуя и кэрэ́н яг, сыр сигнало дро Бэц-Хацэрэмо; бари биба́хт джа́ла паш-ратякирэ рига́тыр (северостыр) и бари би́да.

2 Паралипоменоно 20:20

И уштынэ́ ёнэ тася́рлэс (ра́нэс) пэ зло́ко, и выгинэ́ пэ чхучи́ пхув Фекоякири; и ке́ли ёнэ выгинэ́, то тэрдия́ Иосафа́то и пхэндя́: “Шунэ́н ман, Юдэя́кирэ и Ерусалимо́скирэ мануша́! Патя́н Ра́скэ-Дэвлэ́скэ, тумарэ́ Дэвлэ́скэ, и явэ́н зоралэ́-волякирэ: патя́н Лэ́скирэ пророкэнгэ, и явэ́ла шука́р тумэ́нгэ.”

2 Паралипоменоно 11:6

Ёв кэрдя́ зоралэды́р Вифлее́мо, и Ефамо, и Фекоя,

3 Kralip 19:19

И дурия ёв одотхы́р, и латхя́ Елисеёс, чхавэ́с Саватоскирэс, ке́ли ёв пашындя; лэ́стэ сыс дэшуду́й пары ослэнгирэ тэл ґа́мо, и ишчо (инкэ́) пашы́л лэ́стэ сыс дэшуду́й пары.

2 Kralip 14:2

И бичхадя́ Иоа́во дрэ Фекоя, и лыя́ одотхы́р годьварья джувля́, и пхэндя́ ла́кэ: “Причхувпэ, со ту ровэса, и ури калы и́дя, и вымакхпэ елеёса, и причхувпэ джувля́са, сави́ бут дывэса́ обровэла пал мулэстэ;

Ереме́ё 1:1

Далэ́ исын Еремеёскирэ лава́, кон сыс Хелкииноскиро [Хилкияскиро-ю.о.] чхаво́, раша́нгирэ родо́стыр, савэ́ сыс дрэ Анафофа пэ Вениаминоскири пхув.

Isajos 1:1

Акэ, исын Исаёскиро, Амосо́скирэ-чхавэ́скиро дыкхибэ́н, саво́ ёв дыкхэ́лас пал Юдэ́я и Ерусалимо, дрэ долэ́ дывэса́, ке́ли Ози́я, Иофа́мо, Аха́зо и Езэки́я сыс Юдэя́кирэ кра́лья.

4 Kralip 14:23

Пэ дэшупанджто бэрш Амасияскиро, Иоасоскирэ-чхавэ́скиро, кон сыс кра́ли пэ Юдэ́я, яця́ крали́са Еровоа́мо, Иоасоскиро чхаво́, Израилёскиро кра́ли, дрэ Сама́рия, и сыс ёв крали́са штардэша́ екх бэрш.

1 Коринфянэнгэ 1:27

нэ Дэвэ́л выкэдыя́ пэфроми дова́, со свэ́то гинэ́ла пал дылныпэ́н, соб (кай) тэ ладжакирэл годьварэн, и дова́, со свэ́то гинэ́ла пал назоралыпэн, соб (кай) тэ ладжакирэл зоралыпэ́н,

Mihiejo 1:1

Акэ, сыс лав Ра́скирэ-Дэвлэ́скиро, саво́ явдя́ Михеёскэ Морасфеёстыр дрэ долэ́ дывэса́, ке́ли сыс трин кра́лья Юдэя́кирэ: Иофа́мо, Аха́зо и Езэки́я. Дава́ лав Дэвэ́л сыкадя́ лэ́скэ дрэ сунэ́, со явэ́ла Самарияса и Ерусалимоса.

Osija 1:1

Акэ, исын лав Ра́скирэ-Дэвлэ́скиро, саво́ явдя́ Осия́скэ, чхавэ́скэ Беероскирэ́скэ дрэ долэ́ дывэса́, ке́ли раиндлэ́ штар кра́лья Юдэя́кирэ: Ози́я, Иоафа́мо (Ёфамо), Аха́зо, и Езэки́я и дрэ долэ́ са́ма дывэса́, ке́ли кралиндя́ пэ Израилё о Еровоа́мо (Иеровоамо), чхаво́ Ёасоскиро (Иоасоскиро).

4 Kralip 14:21

И лынэ́ сарэ́ Юдэя́кирэ мануша́ Азарияс, савэ́скэ сыс дэшушов бэрш, и чхудэ́ лэс крали́са заме́ст лэ́скирэ дадэ́стэ Амасиястэ.

Ереме́ё 7:27

И палдава́ ту, Ереме́ё, пхэнэ́са сарэ́ далэ́ лава́ лэ́нгэ, нэ ёнэ на явэ́на тэ кандэ́н тут. Ту явэ́са тэ кхарэс лэн, нэ ёнэ на отпхэнэна ту́кэ.

Vygiiben 3:1

Мо́йза ракхця́ бакрэ́н Иофоростэ, Мадиамитянэнгирэ рашастэ, саво́ сыс лэ́скиро састро (тестё). Екхвар традыя́ ёв кхэритконэ́ мурдалэ́н (ското) дур пэ чхучи́ (пусто) пхув, и явдя́ кэ Дэвлэ́скири бэ́рга Хориво.

Матфеё 4:18

Гии пашы́л Галилеякиро мо́рё (дэрья́в), Ёв дыкхця́ дуе пшалэ́н, Симонос, савэ́с кхардэ́ Пэ́три, и Ендрис (Андреёс), лэ́скирэ пшалэ́с, савэ́ зачхурдэнас кхудя (сетки) дро мо́рё (дэрья́в), пал-дова́ со ёнэ сыс мачхибнарья (рыбаки).

Ереме́ё 28:8

Э проро́ки, савэ́ сыс англэды́р ма́ндэ и англэды́р ту́тэ, ангилпхэнэнас адя́кэ-паць пал бут тхэма (страны) и пал барэ́ кралипэна́, пал марибэ́н, пал биба́хт [бари би́да-р.с.] и пал фра́нсы.