Agiejo 2:9 - Библия - Пэ Балтитко Романи чиб (Романэс) 2019

⁹ “Нэви́ Кхангири́ явэ́ла бари сыр кодоя, со сыс вагэдыр (ґарэдыр),’ – ракирэ́ла янголэ́нгирэ-болыбна́скиро, Рай-Дэвэ́л. “И пэ дава́ штэ́то Мэ да́ва рама́не (миро)”, – ракирэ́ла янголэ́нгирэ-болыбна́скиро, Рай-Дэвэ́л.

Biblija - Pe Baltitko Romani čib (Romanes) 2019

⁹ “Neví Khangirí javéla bari syr kodoia, so sys vagedyr (ĥaredyr),’ – rakiréla jangoléngire-bolybnáskiro, Raj-Devél. “I pe davá štéto Me dáva ramánie (miro)”, – rakiréla jangoléngire-bolybnáskiro, Raj-Devél.

Agiejo 2:9 Referans Kwoze

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Joannostir 14:27

Мэ ячкирава рама́нё (миро) тумэ́нгэ, Миро рама́нё Мэ да́ва тумэ́нгэ: нэ на адя́кэ, сыр свэ́то дэ́ла, Мэ да́ва тумэ́нгэ, и мэк тэ на страхадёл тумаро́ ило́, и тэ на дарэл.

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Jakov 2:1

Пшала́лэ мирэ́! Ко́ли тумэ́ндэ исын патяибэ́н дрэ Исусо́стэ Христосо́стэ славутнонэ Растэ-Дэвлэ́стэ, сэндинэ́н шэра́ (ра́внэс) сарэ́н:

Apostolengiri Butý 10:36

Ёв бичхадя́ лав Израилёскирэ чхавэ́нгэ, саво́ роспхэнэ́ла пал “рама́нё” пир Исусо́стэ Христосо́стэ, Ёв исын Рай Дэвэ́л пир саро́ свэ́то.

Mihiejo 5:5

И кадава́ Ману́ш янэ́ла рама́нё (миро). Ке́ли о Асирия́кирэ халадэ́ явэ́на пэ дая́ пхув, и ке́ли ёнэ лэ́на тэ штавэн пир амарэ́ фэлатиня́, тэ́ньчи амэ чхуваса анги́л лэ́ндэ эфта́ чхупнарьен (пастырьен), и охто́ тхагарьен (князьен) манушэнгирэн.

Isajos 60:7

Сарэ́ Кидароскирэ бакрэ́ скэдынэ́ явэ́на кэ ту; Неваифоскирэ бакрэ́ явэ́на тэ дынаринэ́н ту́кэ; джа́на упрэ́ пэ алта́рё Миро лачхэ́ свэнтонэ́ дыибнаса, и Мэ прославинава кхэр Мирэ́ барипнаса.

Isajos 66:12

Адя́кэ ракирэ́ла Рай Дэвэ́л: “Акэ, Мэ да́ва лэ́скэ свэ́то, сыр рэка (лэнь); манушэ́нгиро барвалыпэ́н исын сыр рэка (лэнь), сави́ чхувэ́лапэ ваш тумари́ бахт; пэ васта́ тумэн лыджа́на, пэ чанга́ явэ́на тэ лашчынэн.

Agiejo 1:8

Джа́н упрэ́ пэ бэ́рга и янэ́н вэш, и чхувэ́н Кхангири́, и Мирэ́ илэскэ явэ́ла лачхо́, и тумэ́ кэрэ́на паты́в Ма́нгэ”, – ракирэ́ла Рай Дэвэ́л.

Agiejo 2:3

‘Ци яця́пэ вари-кон машки́р тумэ́ндэ, кон дыкхця́ дава́ Кхэр (Кхангири́) дрэ лэ́скиро барипэ́н, со сыс вагэдыр (΄гарэдыр)? И саво́ тумэ́ дыкхэ́на лэс акана́? Ци дава́, со тумэ́ дыкхэ́на, нанэ дукх тумарэ́ якхэнгэ?

Заха́рия 2:5

И Мэ ява́ва’, – ракирэ́ла Рай Дэвэ́л, сыр екх ягитко ва́нта (сцяна) трусця́л лэ́стэ, и барьёла сла́ва Мири́ дрэ лэ́стэ андра́л.”

Езэкилё 43:5

И ґаздыя́ ман Ра́скирэ-Дэвлэ́скиро Ду́хо, и лыджия́ ман дрэ андратуны́ грэ́да, и, акэ, Ра́скирэ-Дэвлэ́скири сла́ва змэкцяпэ пир сари́ Кхангири́.