Biblia Todo Logo
Bib sou entènèt

- Piblisite -




Agiejo 2:4 - Библия - Пэ Балтитко Романи чиб (Романэс) 2019

4 Нэ акана́ яв муршкано́, Зоровавеле,’ – ракирэ́ла Рай Дэвэ́л; яв муршкано́, Ешуае, Чхаво́ Ехозадакоскиро пэ́рво раша́й, и явэ́н муршканэ́, сарэ́ мануша́лэ далэ́ пхувья́тыр,’ – ракирэ́ла Рай Дэвэ́л и кэрэ́н бутя́, пал-дова́ со Мэ сом тумэ́нца,’ – ракирэ́ла янголэ́нгирэ-болыбна́скиро, Рай Дэвэ́л.

Gade chapit la Kopi

Biblija - Pe Baltitko Romani čib (Romanes) 2019

4 Ne akaná jav murškanó, Zorovavielie,’ – rakiréla Raj Devél; jav murškanó, Ješuaje, Čhavó Jehozadakoskiro pérvo rašái, i javén murškané, saré manušále dalé phuvjátyr,’ – rakiréla Raj Devél i kerén butiá, pal-dová so Me som tuménca,’ – rakiréla jangoléngire-bolybnáskiro, Raj Devél.

Gade chapit la Kopi




Agiejo 2:4
20 Referans Kwoze  

И пхэндя́ Дави́до пэ́скирэ чхавэ́скэ Соломоно́скэ: “Яв зоралэ́-волякиро (твардо) и муршкано́, и лэпэ пал рэ́ндо; на дар и на страхандёв, пал-дова́ со Рай Дэвэ́л, Дэвэ́л миро, явэ́ла ту́са; Ёв на отджала ту́тыр, и на ячкирэ́ла тут, пака ту кэрэ́са саро́ рэ́ндо, саво́ трэй ваш свэ́нто буты́ дро Ра́скирэ-Дэвлэ́скиро Кхэр.


Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Зоралякирэн тумэ́ васта́ тумарэ́, кон шунэ́ла акана́ лава́ далэ́ пророкэ́нгирэ вуштэндыр, савэ́ сыс пашы́л, сыр сыс кэрдо́ Кхэр (Кхангири́) янголэ́нгирэ-болыбна́скиро Ра́скирэ-Дэвлэ́скиро, соб (кай) тэ ґаздэлпэ Кхангири́.


Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.


И яця́ Дави́до зоралэды́р, и бария дрэ сла́ва, и Рай Дэвэ́л, Дэвэ́л, болыбна́скирэ-янголэ́нгиро, сыс лэ́са.


И припхэндя́ Рай Дэвэ́л Исусо́скэ (Ёхошуаскэ), Навиноскирэ чхавэ́скэ, и пхэндя́ лэ́скэ: “Яв зоралэ́-волякиро и муршкано́; пал-дова́ со ту залыджаса Израилёскирэ чхавэ́н пэ пхув, пал сави́ Мэ совлахадём лэ́нгэ, и Мэ ява́ва ту́са.”


Ми́ро чха́во, барьёв бутэды́р дро бахталыпэ́н, саво́ исын дыно́ амэ́нгэ дро екхипэ́н Исусо́са Христосо́са,


Тэды ту явэ́са бахталякирдо, ко́ли тэ явэ́са тэ причхувэс зор (тэ старинэспэ) тэ сполнинэс упхэныбэна́ и зако́ны, савэ́ ракирдя́ Рай Дэвэ́л Мойза́скэ ваш Израилё. Яв зоралэ́-волякиро (твардо) и муршкано́, на дар и на пириджив.


Нэ Рай Дэвэ́л сыс пашы́л ма́ндэ, Ёв дыя́ ма́нгэ зор, соб (кай) пир ма́ндэ тэ ячэ́л пхэныбэ́н пал Дэвлэ́стэ зоралэды́р и соб (кай) ман тэ шунэ́н сарэ́ мануша́, савэ́ исын На́юды, и соб (кай) ма́нгэ тэ зракхавпэ шчэрэ́скирэ (лево́скирэ) дандэндыр.


И дро ко́нцо (дро яго́ро) мирэ́ пша́ла, мэ кама́м тэ пхэна́в тумэ́нгэ, явэ́н зоралэды́р дро екхипэ́н Ра́са-Дэвлэ́са и Лэ́скирэ барэ́ зорья́тыр.


Ракхэ́нпэ, рикирэ́н патяибэ́н; явэ́н муршканэ́, явэ́н зоралэ́.


Тэ́ньци о Агеё, Ра́скирэ-Дэвлэ́скиро вестя-яныбнаскиро (вестнико), пхэндя́ дая́ звесь Ра́стыр-Дэвлэ́стыр манушэ́нгэ, пхэни́: “Мэ сом тумэ́нца”, – ракирэ́ла Рай Дэвэ́л.”


И патриархи пир зэвлыныпэ́н бикиндлэ Ёзас сыр писхари́с дро Еги́пто; нэ Дэвэ́л сыс лэ́са,


И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.


Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.


И пхэндя́ Дэвэ́л: “Мэ ява́ва ту́са, и, ґа́да, ту́кэ явэ́ла допхэныбэ́н, со Мэ бичхадём тут: ке́ли ту вылыджаса Египто́стыр манушэ́н, то тумэ́ кэрэ́н мангипэ́н Дэвлэ́скэ пэ дая́ бэ́рга.”


Тэды екх лэ́скирэ дынарье́ндыр (слугэ́ндыр) пхэндя́: “Ѓа́да, мэ дыкхцём Вифлеемляниноскирэ чхавэ́стэ Есеёстэ, саво́ джинэ́ла тэ башавэл, манушэ́с муршканэ́с и марибнытконэс, и дро ракирибэ́н годьварэс, и куч кокоро́ пэ́са, и лэ́са исын Рай Дэвэ́л.


Ке́ли Рай Дэвэ́л дэ́лас лэ́нгэ сэндарьен, тэды Кокоро́ Рай Дэвэ́л сыс сэнда́ри и зракхця́ лэн лэ́нгирэ вэргэ́ндыр дрэ сарэ́ сэндарьенгирэ дывэса́: пал-дова́ со тангиндя лэн Рай Дэвэ́л, шуны лэ́нгирэ ґондя́ манушэ́ндыр, савэ́ лэн бидыкхнэ и тасадэ.


И о Зоровавелё, чхаво́ Шалтилоскиро, и Ёхошуа́ (Ису́со), чхаво́ Ёзадакоскиро, гинэ́ и лынэ́ тэ кэрэ́н буты́ пэ Кхэр (Кхангири́) Дэвлэ́скиро, саво́ исын дро Ерусалимо, и сыс лэ́нца проро́ки Дэвлэ́скирэ, савэ́ помогинэнас лэ́нгэ.


И латхнэ́ машки́р раша́нгирэ чхавэ́ндэ кодолэ́н, савэ́ лынэ́ джувле́н Наюдытконэ́ нацые́ндыр: Исусо́скирэ (Ёхошуаскирэ) чхавэ́ндыр, кон сыс Иоседэкоскиро чхаво́, и лэ́скирэ пшалэ́ндыр: Маасе́я, Елиезэро, Яриво и Гедалия.


Тэды отпхэнэ́лас ёв и пхэндя́ ма́нгэ: “Адя́кэ: дава́ исын лав Ра́скирэ-Дэвлэ́скиро кэ Зоровавелё, саво́ ракирэ́ла: ‘На муршыпнаса и на зорья́са, нэ Духо́са Мирэса’”, – ракирэ́ла янголэ́нгирэ-болыбна́скиро, Рай Дэвэ́л.


Swiv nou:

Piblisite


Piblisite