Agiejo 2:3 - Библия - Пэ Балтитко Романи чиб (Романэс) 2019

³ ‘Ци яця́пэ вари-кон машки́р тумэ́ндэ, кон дыкхця́ дава́ Кхэр (Кхангири́) дрэ лэ́скиро барипэ́н, со сыс вагэдыр (΄гарэдыр)? И саво́ тумэ́ дыкхэ́на лэс акана́? Ци дава́, со тумэ́ дыкхэ́на, нанэ дукх тумарэ́ якхэнгэ?

Biblija - Pe Baltitko Romani čib (Romanes) 2019

³ ‘Ci jaciápe vari-kon maškír tuménde, kon dykhciá davá Kher (Khangirí) dre léskiro baripén, so sys vagedyr ('garedyr)? I savó tumé dykhéna les akaná? Ci davá, so tumé dykhéna, nane dukh tumaré jakhenge?

Agiejo 2:3 Referans Kwoze

Е́здра 3:12

Нэ, бут рашая́, и Леви́ты, э шэралэ́ пэ стрэ́чы /дадэнги́рэ-ро́ды (поколении), савэ́ сыс пхуранэ́ мануша́, и дыкхнэ́ пэ́рво Кхангири́, рондлэ́ зоралэ́с, ке́ли чхудэ́ фунда́менто анги́л лэ́нгирэ якха́, и бут дынэ́ го́дла радыма́тыр.

Езэкилё 7:20

И сыс ёнэ пхутькирдэ́, со сыс лэ́ндэ руп и сувнака́й пэ урибэ́н, ёнэ кэрэ́нас лэ́ндыр вычхиндлэ́ муя́ пэ́скирэ джунгалэ́ дэвлорэ́нгэ. Пал дава́ Мэ кэра́ва адя́кэ, со руп и сувнака́й явэ́на сыр ґнэё.

Agiejo 2:9

“Нэви́ Кхангири́ явэ́ла бари сыр кодоя, со сыс вагэдыр (ґарэдыр),’ – ракирэ́ла янголэ́нгирэ-болыбна́скиро, Рай-Дэвэ́л. “И пэ дава́ штэ́то Мэ да́ва рама́не (миро)”, – ракирэ́ла янголэ́нгирэ-болыбна́скиро, Рай-Дэвэ́л.

1 Паралипоменоно 22:5

И пхэндя́ Дави́до: “Соломо́но, чхаво́ миро, исын тэрно́ и набарэ́-зорьякиро, а Кхэр, саво́ трэй тэ кэрэ́с ваш Ра́скэ-Дэвлэ́скэ, мусинэл тэ явэ́л древа́н баро́ кэ райканыпэн, кэ сла́ва и шукарипэ́н анги́л сарэ́ пхувья́, и адя́кэ ява́ва мэ тэ кэра́в ваш лэ́скэ.” И кэрдя́ Дави́до бут кэ лэскиро мэрибэ́н.

Е́здра 3:11

И ёнэ багандлэ екх пал явирэ́стэ, парикири Ра́скэ-Дэвлскэ: “Ёв исын лачхо́, ваш дова́ со Лэ́скиро дро́го лачхипэ́н рикирэ́лапэ пэ сарэ́ ве́ки пэ Израилё.” И сарэ́ мануша́ дынэ́ го́дла барэ́ годла́са, ке́ли ёнэ шардэ Рас-Дэвлэ́с, ваш одова́ со сыс чхудо фунда́менто тэл Кхэр (Кхангири́) Ра́скирэ-Дэвлэ́скиро.

Isajos 64:10

Тырэ́ форо́скирэ свэ́нта штэ́ты кэрдэ́пэ чхучэ́ пхувья́са; Сио́но – чхучи́ пхув, Ерусалимо исын обчордо.