Agiejo 1:9 - Библия - Пэ Балтитко Романи чиб (Романэс) 2019

⁹ “Тумэ́ ужакирэ́на бут, нэ чачипна́са далэ́стыр явэ́ла на́бут, и ке́ли тумэ́ янэ́на дава́ кхэрэ́, Мэ роспхурдава криг. Со́скэ? – ракирэ́ла янголэ́нгирэ-болыбна́скиро, Рай Дэвэ́л: ‘Ваш дова́, со Миро кхэр исын дрэ руи́ны, нэ кажно (сва́ко) тумэ́ндыр прастала кэ пэ́скиро кхэр.

Biblija - Pe Baltitko Romani čib (Romanes) 2019

⁹ “Tumé užakiréna but, ne čačipnása daléstyr javéla nábut, i kiéli tumé janéna davá kheré, Me rosphurdava krig. Sóske? – rakiréla jangoléngire-bolybnáskiro, Raj Devél: ‘Vaš dová, so Miro kher isyn dre ruíny, ne kažno (sváko) tuméndyr prastala ke péskiro kher.

Agiejo 1:9 Referans Kwoze

Agiejo 1:4

“Ци исын часо тумэ́нгэ тэ дживэ́н дрэ обсыдэ кхэра́, а Кхэрэ́скэ (Кхангирьякэ) тэ пасёл дрэ руи́ны?

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Малахия 2:2

Ко́ли тумэ́ на явэ́на тэ шунэ́н, и ко́ли тумэ́ на прилэ́на илэ́са, соб (кай) тэ барьякирэ́н Миро лав,” – ракирэ́ла янголэ́нгирэ-болыбна́скиро Рай Дэвэ́л, – тэды Мэ бичхава́ва прокошыбэна (арманя) пэ тумэ́ндэ, и Мэ кэра́ва прокошыбэна (арманя) пэ тумаро́ бахтякирибэ́н: чачо́, Мэ акана́ кэрдём прокошыбэ́н (арман), пал-дова́, со тумэ́ на прилэ́на илэ́са Миро лав.

Agiejo 1:6

Тумэ́ бут чхувэ́на дрэ пхув, нэ на́бут лэ́на тумэ́: тумэ́ ха́на, нэ тумэ́ на сан чалэ; тумэ́ пьена, нэ тумэ́ на выпьена чалэ́с, тумэ́ урьенапэ, нэ тумэ́нгэ исын на тато; и кон кэрэ́ла буты́ тэ закэрэл, закэрэла, соб (кай) тэ чхувэ́л дро миенгиро (кошэлько) лёхэнца (дыркэнца)”

Isajos 40:7

Чар зашутёла, лулуди́ (цвэто) зашутёла, а ко́ли пхурдэла пэ лэ́стэ Рай-Дэвэ́л, адя́кэ и народо – ёв исын чар.

Sykadyipén 2:4

нэ Мэ бангякирава тут пал дова́, со ту́кэ нанэ дро́го буты́р, со сыс ту́кэ са́мо дро́го ґарэды́р.

Ióvo 10:2

Мэ пхэна́ва Дэвлэ́скэ: “На сэндякир зоралэ́с ман. Сыка́в ма́нгэ, пал со Ту лыджа́са чинга́рд (сора) ма́нца.”

4 Kralip 19:7

Ѓа́да, Мэ бичхава́ва дрэ лэ́стэ ду́хо (фа́но), и ёв шунэ́ла зан (звесь), и рисёла пэ пэ́скири пхув, и Мэ домарава лэс куртала́са пэ лэ́скири пхув.’”

2 Kralip 22:16

И отчхакирдэпэ/сыкадынэ морёскирэ (дэрьявэ́скирэ) источники (ґанынгорья), счхакирдэпэ фундаменты пхувья́кирэ холямэ́ Ра́скирэ-Дэвлэ́скирэ занятыр, холямэ́ пхурдыпнастыр Лэ́скирэ духо́стыр.

2 Kralip 21:1

Сыс бокх пэ пхув дрэ Давидо́скирэ дывэса́ трин бэрш, бэрш пал бэрш. И пхуцяпэ Дави́до Ра́стыр-Дэвлэ́стыр. И пхэндя́ Рай Дэвэ́л: “Дава́ исын пал Саулостэ и пал ратпибнаскиро лэ́скиро кхэр, пал-дова́, со ёв замардя́ Гаваонитянэн.”

Pritčy 27:20

Лю́но (адо) и Аввадоно (мулыкано штэ́то) ние́кхвар нанэ пхэрдэ́, адя́кэ-паць и манушэ́скирэ якха́ ние́кхвар нанэ чалэ.

Ekliesiastos 1:8

Саро́, со исын дро свэ́то (лот), исын пхарэ́ бутя́тыр: ние́кх ману́ш нашты́ тэ выпхэнэл саро́. Якх исын на чалы дыкхибнастыр, и кан исын на пхэрдо́ шуныбнастыр.

Езэкилё 21:31

Вычхувава пэ ту́тэ Мири́ зоралы́ холы́, Мэ пхурдава пэ ту́тэ Мирэ́-холямипнаскирэ яга́са, отда́ва тут дрэ биилэскирэ-манушэ́нгирэ васта́, манушэ́нгэ, савэ́ джинэ́на, сыр трэй тэ замарэ́н.

Левито 19:25

а пэ па́нджто бэрш тумэ́ сашты́ тэ хан лэ́скирэ барьякирдэ́ и тэ скэдэ́н пэ́скэ саро́, со лэ́стыр исын. Мэ сом Рай Дэвэ́л, Дэвэ́л тумаро́.

Яви́р Зако́но 28:38

Бут зя́рки (семи) вылыджаса пэ фэ́лда, а скэдэса на́бут, пал-дова́ со схана лэн (пхакитка скочки) (саранча).

Pritčy 11:24

Екх ману́ш дэ́ла древа́н бут, нэ и лэ́скэ прибарьякирэлапэ буты́р, нэ яви́р древа́н пририкирэла пэ́скэ, и ёв ячэ́ла чорорэдыр.

Isajos 5:10

Дэш делянки дро винагра́днико янэ́на екх бато зя́рки, нэ екх хомеро, зя́рки, со чхувэнапэ дрэ пхув на́бут со (ледзь) янэ́ла екх эфа.”

Ереме́ё 12:13

Ёнэ чхудэ́ дрэ пхув гив, нэ ёнэ счхиндлэ пхусадытка хру́сты, ёнэ кхинякирдэ пэс кэ дукха́, и лэ́нгэ на удэлапэ кэ миштыпэ́н. Ладжан дасавэ́ тумарэ́ чорорэ́ умалотостыр, пал-дова́ со явэ́ла бари холы́ Ра́стыр-Дэвлэ́стыр.