Agiejo 1:13 - Библия - Пэ Балтитко Романи чиб (Романэс) 2019

¹³ Тэ́ньци о Агеё, Ра́скирэ-Дэвлэ́скиро вестя-яныбнаскиро (вестнико), пхэндя́ дая́ звесь Ра́стыр-Дэвлэ́стыр манушэ́нгэ, пхэни́: “Мэ сом тумэ́нца”, – ракирэ́ла Рай Дэвэ́л.”

Biblija - Pe Baltitko Romani čib (Romanes) 2019

¹³ Tén'ci o Agiejo, Ráskire-Devléskiro viestia-janybnaskiro (viestniko), phendiá daja zvies' Rástyr-Devléstyr manušénge, phení: “Me som tuménca”, – rakiréla Raj Devél.”

Agiejo 1:13 Referans Kwoze

Isajos 43:2

Ко́ли ту явэ́са тэ пириджас пир пани́, Мэ сом ту́са; ци пир рэ́ки (лэня́) – ёнэ тут на тасадякирэна; подджаса кэ яг – ёй тут на схачкирла.

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Римлянэнгэ 8:31

Со амэ тэды пхэна́са пэ дава́? Ко́ли Дэвэ́л исын пал амэ́ндэ, тэды кон исын проти амэ́ндэ?

Малахия 3:1

“Акэ, Мэ бичхава́ва Мирэ́ Янголо́с (звесь-яныбнаскирэс), и ёв кэрэ́ла дром анги́л Ма́ндэ. О Рай Дэвэ́л, Савэс родэ́на тумэ́, явэ́ла кэ Пэ́скири Кхангири́, и Янго́ло (звесь-яныбнаскиро) пэ дава́ завето, Савэс камэ́на тумэ́: акэ, Ёв джа́ла”, – ракирэ́ла янголэ́нгирэ-болыбна́скиро Рай Дэвэ́л.

Agiejo 2:4

Нэ акана́ яв муршкано́, Зоровавеле,’ – ракирэ́ла Рай Дэвэ́л; яв муршкано́, Ешуае, Чхаво́ Ехозадакоскиро пэ́рво раша́й, и явэ́н муршканэ́, сарэ́ мануша́лэ далэ́ пхувья́тыр,’ – ракирэ́ла Рай Дэвэ́л и кэрэ́н бутя́, пал-дова́ со Мэ сом тумэ́нца,’ – ракирэ́ла янголэ́нгирэ-болыбна́скиро, Рай Дэвэ́л.

Isajos 41:10

На дар, пал-дова́ со Мэ сом ту́са: на нашадёв дро ду́хо (фа́но), пал-дова́ со Мэ сом Дэвэ́л тыро́. Мэ ява́ва тэ зорьякирав тут, и, Мэ подава васт ту́кэ, Мэ подрикирава тут Мирэ́ чачипнаскирэ чачэ́ вастэ́са.”

Psalmy 46:11

Явэ́н штыл и уджинэ́н: со мэ сом Дэвэ́л. Ман явэ́на тэ барьякирэ́н кэ вучипэ́н на́цыи, Ман явэ́на тэ барьякирэ́н кэ вучипэ́н сарэ́, кон исын пэ пхув.

2 Ximaske 4:17

Нэ Рай Дэвэ́л сыс пашы́л ма́ндэ, Ёв дыя́ ма́нгэ зор, соб (кай) пир ма́ндэ тэ ячэ́л пхэныбэ́н пал Дэвлэ́стэ зоралэды́р и соб (кай) ман тэ шунэ́н сарэ́ мануша́, савэ́ исын На́юды, и соб (кай) ма́нгэ тэ зракхавпэ шчэрэ́скирэ (лево́скирэ) дандэндыр.

Матфеё 18:20

Пал-дова́ со, кай дуй ци трин явнэ́ кхэтанэ́ ваш Миро лав, одо́й Мэ сом машки́р лэ́ндэ.”

Матфеё 1:23

“Акэ, патывалы́ тэрны́ джувлы́ явэ́ла пхари́, и биянэ́ла Чхавэ́с, и Лэ́скиро лав явэ́ла Эмануило” (со значынэ́ла: “Дэвэ́л исын амэ́нца”).

Малахия 2:7

Пал-дова́ со рашаскирэ уштэнгэ трэй тэ приракхэн джиныбэ́н, соб (кай) мануша́ тэ родэ́н джиныбэ́н пал Дэвлэ́стэ лэ́скирэ уштэндыр; пал-дова́ со ёв исын звесь/заня́ – яныбнаскиро (вестнико), янголэ́нгирэ-болыбна́скирэ Ра́стыр-Дэвлэ́стыр.

Ереме́ё 30:11

Пал-дова́ со Мэ сом ту́са’, – ракирэ́ла Рай Дэвэ́л, – соб (кай) тэ зракхав тут, мэк Мэ хасякира́ва сарэ́са сарэ́ Наюды́тка на́цыи, машки́р савэ́ндэ Мэ чхудём тэ дживэ́с тут. Нэ Мэ на хасякира́ва сарэ́са тут, нэ Мэ ява́ва тэ пирисыклякирав тут пир чачипэ́н, и Мэ на домэкава, соб (кай) ту, тэ на джас пэ́скэ сарэ́са би сэндякирибнаскиро.’

Ереме́ё 20:11

Нэ Ту, Раё Дэ́вла, сан зоралыпнаскиро и трашано (би дара́киро), и Ту сан пэ мири́ риг; палдава́ вэ́рги, савэ́ традэ́на ман, обштавэнапэ, и ёнэ на лэ́на упралыпэ́н пэ ма́ндэ: ёнэ явэ́на ладжакирдэ́, пал-дова́ со лэ́нгирэ планы на удэнапэ лэ́нгэ кэ миштыпэ́н [енэ кэрдэ́ нагодьварэс, ладж явэ́ла лэ́нгэ пэ саро́ ве́ко и ние́кхвар на бистрэлапэ-р.с.],

Ереме́ё 15:20

И Мэ кэра́ва ту́тыр зоралы́ харкуны (ме́дно) ва́нта пэ кадалэ́ манушэ́ндэ, и ёнэ явэ́на тэ марэ́нпэ проти ту́тэ, нэ ёнэ на лэ́на упра́л пэ ту́тэ, пал-дова́ со Мэ сом ту́са тэ зракхав, и тэ приракхав тут,” – пхэндя́ Рай Дэвэ́л.

Psalmy 46:7

На́цыи росхолясынэ, кралипэна́ кхардэпэ криг (згинэ) штэто́стыр, а Дэвэ́л пхэндя́ Пэ́скирэ заня́са и пхув биладыя.

2 Паралипоменоно 32:8

лэ́са исын псико́ манушы́тко, а амэ́нца исын Рай Дэвэ́л, амаро́ Дэвэ́л, соб (кай) тэ помогинэл амэ́нгэ и тэ марэ́лпэ пэ амарэ́ марибэна.” И зорьякирдэпэ мануша́ Езэкияскирэ лавэ́ндыр, Юдэя́кирэ-кралискирэнца.

2 Паралипоменоно 20:17

На тумэ́нгэ трэй тэ марэ́нпэ дава́ мо́ло; тумэ́ тэрдён, тэрдён и дыкхэ́н пэ зракхибэ́н Ра́скирэ-Дэвлэ́скиро, со явэ́ла бичхадо́ тумэ́нгэ. Ю΄да и Ерусалимо! На дарэ́н и на страхадён. Атася́ выджа́на гил (пэ стреч) лэ́нгэ, и Рай-Дэвэ́л явэ́ла тумэ́нца.”

Езэкилё 3:17

“Манушэ́скиро чхава! Мэ чхудём тут ракхибнариса Израилёскирэ кхэрэ́скэ. Ту явэ́са тэ шунэ́с лав Мирэ́ уштэндыр, а тэ́ньчи ту явэ́са тэ сыклякирэс лэн Ма́ндыр.

Isajos 44:26

Мэ, Дэвэ́л, Саво́ дэ́ла зор лавэ́скэ, со пхэндя́ Миро писха́ри, Саво́ кэрэ́ла пир лава́, со пхэнэ́на бичхадэ́ мануша́ Лэ́скэ, Саво́ ракирэ́ла кэ Ерусалимо: “Явэ́на тэ дживэ́н дрэ ту́тэ”, – и кэ фо́рья Юда́скирэ: “Тумэ́ на явэ́на буты́р роспхагирдэ́, Тумэ́ явэ́на нэвэ́стыр чхудэ́, и Мэ нэвякирава тумарэ́ руи́ны.”

2 Ximaske 4:22

Мэк тэ явэ́л Рай Дэвэ́л Ису́со Христо́со тырэ́ духо́са. Мэк тэ явэ́л Дэвлэ́скиро бахталыпэ́н сарэ́нца тумэ́нца. Ами́нь.

2 Коринфянэнгэ 5:20

И амэ сам бичхадэ́ мануша́ Христосостыр сы́рбы Дэвэ́л ракирэ́ла Лэ́скиро лав пир амэ́ндэ, и амэ мангаса ваш Христосо́стэ: ячэ́нпэ рахмана (явэ́н кхэтанэ́) Дэвлэ́са.

Isajos 42:19

Кон исын ишчо (инкэ́) адасаво́ короро́, сыр Миро писха́ри, исын адасаво́ исын кашуко, сыр одова́, конэ́с Мэ бичхадём? Кон исын адасаво́ короро́, сыр одова́, кон яця́ пир ило́ Ма́нгэ, сыр писха́ри Ра́скирэ-Дэвлэ́скиро?

2 Паралипоменоно 15:2

и выгия́ ёв гил (пэ стреч) Асаскэ и пхэндя́ лэ́скэ: “Шун ман, Аса́ и саро́ Ю΄да и Вениамино: тэ явэ́л Дэвэ́л тумэ́нца, ке́ли тумэ́ явэ́на Лэ́са; и ко́ли явэ́на тэ родэ́н Лэс, тумэ́ латхэ́на Лэс; ко́ли ячкирэна Лэс, то и Ёв ячкирэ́ла тумэн.

Сэндарьенгири Лылвари́ 2:1

И явдя́ Ра́скирэ-Дэвлэ́скиро Янго́ло Галгалостыр дро Бохимо, и пхэндя́: “Мэ вылыджиём тумэн Египто́стыр и яндём тумэн пэ пхув, пал сави́ совлахадём тумарэ́ дадэ́нгэ – тэ дав тумэ́нгэ, и пхэндём Мэ: “На парувава Миро завето тумэ́нца дрэ ве́ко;

1 Паралипоменоно 28:20

И пхэндя́ Дави́до пэ́скирэ чхавэ́скэ Соломоно́скэ: “Яв зоралэ́-волякиро (твардо) и муршкано́, и лэпэ пал рэ́ндо; на дар и на страхандёв, пал-дова́ со Рай Дэвэ́л, Дэвэ́л миро, явэ́ла ту́са; Ёв на отджала ту́тыр, и на ячкирэ́ла тут, пака ту кэрэ́са саро́ рэ́ндо, саво́ трэй ваш свэ́нто буты́ дро Ра́скирэ-Дэвлэ́скиро Кхэр.