Agiejo 1:11 - Библия - Пэ Балтитко Романи чиб (Романэс) 2019

¹¹ Пал-дова́ со Мэ выкхардём шутькирибэн пэ пхув, и пэ бэ́рги, пэ гив и пэ нэви́ мол (вино), и пэ маслинитко дзэт (елеё), пэ саро́, со пхув биянэ́ла, пэ манушэ́ндэ, и пэ кхэритконэ́ мурдалэ́ндэ, и пэ сари́ буты́ тумарэ́ вастэнгири.”

Biblija - Pe Baltitko Romani čib (Romanes) 2019

¹¹ Pal-dová so Me vykhardjom šut'kiriben pe phuv, i pe bérgi, pe giv i pe neví mol (vino), i pe maslinitko dzet (jeliejo), pe saró, so phuv bijanéla, pe manušénde, i pe kheritkoné murdalénde, i pe sarí butý tumaré vastengiri.”

Agiejo 1:11 Referans Kwoze

Agiejo 2:17

Мэ бичхававас шукипэн, кирныпэн пэ гив, градо пэ бутя́, со тумарэ́ васта́ кэрдэ́, нэ тумэ́ усае́кх на рисинэ́ кэ Мэ”, – ракирэ́ла Рай Дэвэ́л.

Яви́р Зако́но 28:22

Занасвалякирэла тут Рай Дэвэ́л шукяса (чахоткаса), издранэ хачкирибнаса, шылаляса (лихорадкаса), флокаса (воспаленияса), зашутькирибнаса, хачкирдэ́ балваляса, и ржавчынаса, и ёнэ явэ́на тэ на отмэкэн тут, пака ту хасёса.

4 Kralip 8:1

И ракирдя́ Елисе́ё джувля́кэ, савьякирэ чхавэ́с ёв отджидякирдя́, и пхэндя́: “Ушты́ и джа́, ту и тыро́ кхэр, и джив одо́й, кай могинэ́са тэ дживэ́с куты́ (на́бут); пал-дова́ со кхардя́ Рай Дэвэ́л бокх, и ёй явэ́ла пэ дая́ пхув эфта́ (битринэ́нгиро дэш) бэрш.”

3 Kralip 17:1

И пхэндя́ Или́я Фесвитянино, екх манушэ́ндыр, савэ́ дживдэ́ кэ Галаа́до, Ахавоскэ: “Тэ явэ́л джидо́ Рай Дэвэ́л, Дэвэ́л Изра-илёскиро, анги́л Савэ́стэ мэ сом тэрдо́! Дрэ далэ́ бэрша́ на явэ́ла ни пахлын (роса), ни брышы́нд, ко́ли фэ́ни (то́ка) явэ́ла пир миро лав”

Amoso 9:6

дава́ исын Ёв, Кон кэрдя́ Пэ́скирэ упратунэ коморы пэ болыбэ́н, и Кон зачхудя болыбна́скиро сво́до упра́л пир пхув; Кон прикхарэла паня́ морёскирэ (дэрьявэ́скирэ), и вычхувэла лэн пир сари́ пхув: Рай Дэвэ́л исын Лэ́скиро лав.

Amoso 7:4

Адя́кэ Рай Дэвэ́л сыкадя́ ма́нгэ: акэ, Рай Дэвэ́л кхардя́ яг тэ сэндинэл, и ёй хачкирдя́ бари (хор штэ́ты) тэл пхув колбань и сари́ мэкны пхув.

Amoso 5:8

родэ́н Лэс, Кон создыя́ чэргэненгири група Плеады (Эфта́-чэргэнитко) и Орионо (Чэргэня́ пэ Васто́ко). Кон парувэла зэр (тень) мэрибнаскири пэ ясно зло́ко (ра́нко), Кон кэрэ́ла адя́кэ, со дывэ́с ячэ́ла сыр калы рат. Кон кхарэ́ла кэ Пэ панинга́ морёскирэ (дэрьявэ́скирэ), и Ёв росчхувэла лэн пир сари́ пхув, – Рай Дэвэ́л исын Лэ́скиро лав.

Roiben 1:21

Со мэ да́ва ґондя́, со нанэ кон тэ подрикирэ́л ман. Сарэ́ мирэ́ вэ́рги шундлэ́ пал мири́ бари би́да, ёнэ радынэ́напэ далэ́стыр, со Ту кэрдя́н дава́. Бичха́в дова́ дывэ́с, со Ту, Раё Дэ́вла, пхэндя́н статэчнэс, мэк ёнэ тэ ячэ́нпэ дасавэ́-паць, сыр мэ сом.

Ióvo 34:29

Ко́ли Ёв исын штыл, кон тэды сашты́ тэ кэрэ́л шумо? И ко́ли Ёв ґаравэла Пэ́скиро муй, тэды, кон сашты́ тэ дыкхэ́л Лэс? Ци тэ явэ́л дава́ ваш сари́ нацыя, ци ваш екхэ манушэ́скэ?

Ереме́ё 14:2

“Юдэ́я тугинэла зоралэ́с, и ла́кири по́рта роспыяпэ, ёй калыя кэ пхув; и Ерусалимо́скири го́дла ґаздыя́пэ.

Малахия 3:9

Пэ тумэ́ндэ пхэндлэ́ арманя (тумэн прокошнэ), нэ тумэ́ хохадэ Ман, тумэ́ – сари́ тумари́ нацыя.

Малахия 3:11

И Мэ кэра́ва адя́кэ, со кирмэ буты́р тэ на хан сарэ́са барьякирдэ́ (пло́ды), со тумари́ пхув дэ́ла, и соб (кай) винаграды́тко хру́сто тэ на пириячэл тэ дэл му́ри пэ фэ́лда,” – ракирэ́ла янголэ́нгирэ-болыбна́скиро Рай Дэвэ́л;

Agiejo 2:19

Ци исын ишчо (инкэ́) зя́рка тэ чхувэ́н дрэ пхув дрэ шу́рна (жытница)? Пал-дова́ со, сыр ишчо (инкэ́) ни винаграды́тко хру́сто, ни инжыритко дрэ́во, ни гранатытко дрэ́во, ни маслинитко дрэ́во на дэ́нас пэ́скирэ барьякирдэ́ (пло́ды), то ададывэсатунэ дывэсэ́стыр и анги́л Мэ ява́ва тэ бахтякирав тумэн.”