Agiejo 1:1 - Библия - Пэ Балтитко Романи чиб (Романэс) 2019

¹ Пэ яви́р бэрш, сыр лыя́ тэ раинэл Кра́ли Дариё, дро шо́вто чхон, пэ́рво дывэ́с чхонэ́скиро, сыс лав Ра́скиро-Дэвлэ́скирэ пророкоскэ Агеёскэ ваш Зоровавелёскэ, чхавэ́скэ Салафиилоскирэскэ [Шалтилоскирэскэ-ю.о.], кон сыс шэрало́ рай пэ Юдэ́я, и ваш Ешуаскэ [Исусо́скэ-р.с.], чхавэ́скэ Иосэдэкоскирэскэ, кон сыс пэ́рво раша́й, пхэни́:

Biblija - Pe Baltitko Romani čib (Romanes) 2019

¹ Pe javír berš, syr lyjá te rainel Králi Darijo, dro šóvto čhon, pérvo dyvés čhonéskiro, sys lav Ráskiro-Devléskire prorokoske Agiejoske vaš Zorovavieljoske, čhavéske Salafiiloskireske [Šaltiloskireske-ju.o.], kon sys šeraló raj pe Judéia, i vaš Ješuaske [Isusóske-r.s.], čhavéske Iosedekoskireske, kon sys pérvo rašái, phení:

Agiejo 1:1 Referans Kwoze

Е́здра 2:2

кон явдя́ кхэтанэ́ Зоровавелёса, Исусо́са (Ёхошуаса), Ниемияса, Сараияса, Реелаёса, Мардохеёса (Мордэхаёса), Билшаноса, Мисфароса, Бигваёса, Рехумоса и Вааноса. Акэ, кицы́ сыс мануша́ Израилёстыр:

Е́здра 3:8

Пэ яви́р бэрш, сыр ёнэ явнэ́ кэ Кхэр (Кхангири́) Ра́скирэ-Дэвлэ́скиро дро Ерусалимо дро яви́р чхон, о Зоровавелё, чхаво́ Салафиилоскиро [Шалтилоскиро-ю.о.], о Ёхошуа́ (Ису́со), чхаво́ Иоседэкоскиро (Ёзадакоскиро), и яви́р лэ́нгирэ пша́ла: э рашая́ и Леви́ты, и кодолэ́ сарэ́, кон рисия́ плено́стыр кэ Ерусалимо, и ёнэ лынэ́ тэ кэрэ́н буты́ и чхудэ́ Левитэ́н, савэ́нгэ сыс биш бэрш и пхурэды́р тэ дыкхэ́н пал буты́ пэ Кхэр (Кхангири́) Ра́скирэ-Дэвлэ́скиро.

Е́здра 3:2

Тэ́ньци уштыя́ Ёхошуа́ (Ису́со), чхаво́ Иоседекоскиро (Ёзадакоскиро), и пша́ла лэ́скирэ, рашая́, и Зоровавелё, чхаво́ Шолтилоскиро, и лэ́скирэ пша́ла, и кэрдэ́ алта́рё Израилёскирэ Дэвлэ́скэ, соб (кхай) тэ янэ́н цэ́ла схачкирибэна, сыр чхиндло́ дро Зако́но Мойза́скиро, саво́ сыс ману́ш Дэвлэ́скиро.

Agiejo 2:10

Пэ биш тэ шта́рто дывэ́с дро еня́то (биекхэ́скиро дэ́што) чхон, пэ яви́р бэрш, ке́ли раиндя Дариё, сыс лав Ра́скирэ-Дэвлэ́скиро Агеёскэ, пророкоскэ, пхэни́:

Agiejo 1:12

Тэ́ньци о Зоровавелё, чхаво́ Салафиилёскиро (Шалтилоскиро), и Ешуа, чхаво́ Иосэдэкоскиро (Ехозадакоскиро), пэ́рво раша́й, и сарэ́ мануша́, кон яця́пэ, кандынэ́ Ра́скирэ-Дэвлэ́скири зан, лэ́нгирэ Дэвлэ́скири, и пророкоскирэ Агеёскирэ лава́, пир дова́, со о Рай Дэвэ́л, лэ́нгиро Дэвэ́л бичхадя́ лэс, и мануша́ трашандынэ анги́л Растэ-Дэвлэ́стэ.

Ниеми́я 7:7

Акэ, исын одолэ́, савэ́ гинэ́ Зоровавелёса, Исусо́са (Ёхошуаса), Ниемияса, Азарияса, Раамияса, Нахманиёса, Мардохеёса, Билшаноса, Мисферефоса, Бигваёса, Нехумоса, Ваанаса. И, акэ, кицы́, сыс мануша́ Израилёскирэ:

Agiejo 1:14

И джангадя о Рай Дэвэ́л ду́хо (фа́но) Зоровавелёскиро, чхавэ́скирэ Салафиилёскиро, кон сыс шэрало́ рай пэ Юдэ́я, и ду́хо (фа́но) Ешуаскиро, чхавэ́скирэ Иоседэкоскиро (Ехозадакоскиро), кон сыс пэ́рво раша́й и сарэ́-манушэ́нгиро ду́хо (фа́но), кон яця́пэ, и ёнэ явнэ́ и кэрдэ́ буты́ пэ янголэ́нгирэ-болыбна́скиро, Ра́скирэ-Дэвлэ́скиро Кхэр (Кхангири́), лэ́нгирэ Дэвлэ́скиро,

Е́здра 6:14

Адя́кэ кэрдэ́ буты́ пхурыдыра́ Юдэ́нгирэ, и лэ́нгэ удэласпэ кэ миштыпэ́н пир Агеёскиро ангилпхэныбэ́н, кон сыс проро́ко, и сыр ангилпхэнэлас о Заха́рия, чхаво́ Идоскиро. И ёнэ кэрдэ́ буты́ и кончындлэ ла, сыр и припхэндя́ Дэвэ́л Израилёскиро, и сыр припхэндлэ Кира, Дариё, Артаксерксо-кра́лья Персиякирэ.

Agiejo 2:20

И нэвэ́стыр сыс лав Ра́скирэ-Дэвлэ́скиро Агеёскэ пэ бэш тэ шта́рто дывэ́с дро еня́то чхон, пхэни́:

Agiejo 2:4

Нэ акана́ яв муршкано́, Зоровавеле,’ – ракирэ́ла Рай Дэвэ́л; яв муршкано́, Ешуае, Чхаво́ Ехозадакоскиро пэ́рво раша́й, и явэ́н муршканэ́, сарэ́ мануша́лэ далэ́ пхувья́тыр,’ – ракирэ́ла Рай Дэвэ́л и кэрэ́н бутя́, пал-дова́ со Мэ сом тумэ́нца,’ – ракирэ́ла янголэ́нгирэ-болыбна́скиро, Рай Дэвэ́л.

Ниеми́я 12:10

Исусо́стыр бия́ндыя Иоакимо, Иоакимостыр бия́ндыя Елиашыво, Елиашывостыр бия́ндыя Иоуада,

Ниеми́я 12:1

Ѓа́да, исын рашая́ и Леви́ты, савэ́ явнэ́ Зоровавелёса, Салафилоскирэ чхавэ́са и Исусо́са (Ёхошуаса): Сераия, Ереме́ё, Е́здра,

Ниеми́я 8:9

Тэды Ниеми́я, ёв жэ Тиршафо, и лылвари́тко Е́здра, раша́й, и Леви́ты, савэ́ сыклякирдэ́ манушэ́н, пхэндлэ́ сарэ́ манушэ́нгэ: “Дывэ́с дава́ исын свэ́нто Ра́скэ-Дэвлэ́скэ, тумарэ́ Дэвлэ́скэ; на пиридживэн и на ровэ́н”; пал-дова́ со сарэ́ мануша́ рондлэ́, шуны Законо́скирэ лава́.

Ниеми́я 5:14

Ишчо (инкэ́): долэ́ дывэсэ́стыр, сыр со́мас мэ бичхадо́ сыр барыдыро́ лэ́нгиро пэ округа пэ Юды́тко пхув, биштонэ бэршэстыр кэ/жы́ко трия́нда яви́р бэрш кэ кра́ли Артаксерксо, сарэ́ дэшуду́й бэрш и мэ, и мирэ́ пша́ла на хаям маро́ барыдырэскиро пэ дая́ округа.

Е́здра 4:24

Адя́кэ тэрдия́ буты́ дро Кхэр (Кхангири́) Дэвлэ́скиро, Саво́ исын дро Ерусалимо и дая́ буты́ сыс тэрды кэ яви́р бэрш, сыр лыя́ тэ кралинэ́л Дариё, кра́ли Персиякиро.”

Е́здра 4:2

ёнэ явнэ́ кэ Зоровавелё, и кэ шэралэ́ пэ стрэ́чы/дадэнги́рэ-родэнгирэ (поколе́нии) и пхэндлэ́ лэ́нгэ: “Ла́са амэ тэ кэра́с кхэр кхэтанэ́, пал-дова́ со амэ родасас тэ дас паты́в тумарэ́ Дэвлэ́скэ, сыр и тумэ́, и амэ янасас свэ́нта дыибэна́ Лэ́скэ Асарданоскирэ дывэсэ́ндыр, крали́стыр Сириякирэстыр, саво́ яндя́ амэн адари́к.”

Е́здра 2:63

И о Тиршафа, барыдыро Персиякиро, пхэндя́ лэ́нгэ, соб (кай) ёнэ тэ на хан най свэ́нта яныбэна́ хабнастыр анги́л дова́, сыр тэ явэ́л раша́й Уримоса и Тумимоса (тэ мангэ́лпэ Дэвлэ́скэ пал лэ́ндэ).

Е́здра 1:8

И о Кира, кра́ли Персиякиро, лыджия́ яври́ лэн Мифредатоскирэ вастэ́са, кон сыс ракхибнаскиро (хранителё) пэ пиралы́ (сокровишчо), саво́ пиригиндя лэн Шэшбацароскэ, тхагарискэ Юдаскирэскэ.

1 Паралипоменоно 3:19

И чхавэ́ Федаияскирэ сыс: Зоровавелё и Шыме́ё. Чхавэ́ Зоровавелёскирэ: Мешуламо и Ханания, и Шеломиф, лэ́нгири пхэн,

1 Паралипоменоно 3:17

Чхавэ́ Ехонияскирэ сыс: Асиро, Салафиило, лэ́скиро чхаво́;

4 Kralip 14:25

Ёв рискирдя́ брэгоскирэ рига́ Израилёскирэ, загиибнастыр дрэ Емафо кэ мо́рё (дэрья́в) пэ чхучи́ пхув, пир лав Ра́скирэ-Дэвлэ́скиро, Дэвлэ́скиро Израилёскиро, саво́ Ёв пхэндя́ пирда́л Пэ́скирэ писхаристэ Ионастэ, Амафииноскирэ чхавэ́стэ, пророкостэ Гафхеферостыр.

3 Kralip 14:18

И гарадэ́ лэс, и оброндлэ лэс сарэ́ Израильтя́ни, пир Ра́скирэ-Дэвлэ́скиро лав, саво́ Ёв ракирдя́ пирда́л писхаристэ Пэскирэстэ, Ахиястэ пророкостэ.

Luka 3:27

Юда сыс Ёананоскиро чхаво́; Ёанано сыс Рисаёскиро чхаво́; Рисаё сыс Зоровавелёскиро чхаво́; Зоровавелё сыс Салафиилёскиро чхаво́; Салафиилё сыс Нириёскиро чхаво́;

Vygiiben 4:13

Мо́йза пхэндя́: “Раё Дэ́вла! Бичха́в явирэ́с, конэ́с могинэ́са тэ бичхавэс?”

3 Kralip 10:15

Буты́р долэ́стыр, со сыс дорэсно манушэ́ндыр, савэ́ розлыджанас товаро, и манушэ́ндыр, савэ́ таргиндлэ (тимисякирдэ), и сарэ́ кралье́ндыр Аравиякирэндыр, и провинцыякиро барыдырэндыр.

Е́здра 5:1

Тэ́ньци проро́ко Аге́ё (Хагаё), и проро́ко Заха́рия, чхаво́ Идоскиро, ракирдэ́ Юдэ́нгэ, со явэ́ла анги́л Дэвлэ́скирэ Израилёскирэ лавэ́стыр, Саво́ сыс пэ лэ́ндэ.

Е́здра 5:3

Дро до са́мо цы́ро (часо) явнэ́ Фафнае [Татэнаё-ю.о.], тхэмэскиро барыдыро́ пэ доя́ риг округакири и Шэфар-Бознаё, и лэ́нгирэ мала́ пир буты́, и пхучнэпэ лэ́ндыр: “Кон припхэндя́ тумэ́нгэ тэ кэрэ́н Кхэр (Кхангири́), и тэ докончынэн далэ́ ва́нты?”

Е́здра 10:18

И латхнэ́ машки́р раша́нгирэ чхавэ́ндэ кодолэ́н, савэ́ лынэ́ джувле́н Наюдытконэ́ нацые́ндыр: Исусо́скирэ (Ёхошуаскирэ) чхавэ́ндыр, кон сыс Иоседэкоскиро чхаво́, и лэ́скирэ пшалэ́ндыр: Маасе́я, Елиезэро, Яриво и Гедалия.

Agiejo 1:2

“Адя́кэ ракирэ́ла янголэ́нгиро-болыбна́скиро Рай Дэвэ́л, пхэни́: ‘Кадалэ́ мануша́ ракирэ́на: ишчо (инкэ́) на явдя́ часо тэ чхувэ́л Кхэр (Кхангири́) Ра́скирэ-Дэвлэ́скиро.’”

Agiejo 1:3

Тэ́ньци сыс лав Ра́скирэ-Дэвлэ́скиро пророкоскэ Агеёскэ, и пхэндя́:

Agiejo 2:21

“Пхэн Зоровавелёскэ, шэралэ́ барыдырэ́скэ пэ Юдэ́я, ракири́: ‘Мэ тринскирава болыбэ́н и пхув.

Малахия 1:8

“И ко́ли тумэ́ янэ́на корорэс сыр свэ́нто дыибэ́н, ци нанэ дава́ биба́хт? И ко́ли тумэ́ янэ́на лангалэс и насвалэс сыр свэ́нто дыибэ́н, ци нанэ дава́ биба́хт? Янэ́н кадасаво́ да́ро акана́ тумарэ́ тхагарискэ (князёскэ): ци явэ́ла ёв тэ радынэ́лпэ тумэ́ндыр? Ци прилэ́ла ёв тумэн илэ́са?”, – ракирэ́ла янголэ́нгирэ-болыбна́скиро Рай Дэвэ́л.

Agiejo 1:15

дава́ сыс пэ бэш тэ шта́рто дывэ́с, дро шо́вто чхон, пэ яви́р бэрш, ке́ли раиндя о Кра́ли Дариё.

Заха́рия 1:1

Пэ охто́то (бидуе́нгиро дэ́што) чхон, пэ яви́р бэрш Дариёскиро, сыс лав Ра́скирэ-Дэвлэ́скиро кэ Заха́рия, Варахияскиро чхаво́, Идоскирэ-чхавэ́скиро, кон сыс проро́ко; пхэны:

Заха́рия 3:1

И сыкадя́ ёв ма́нгэ Исусо́с (Ёхошуа́с/Ешуа́с), барэ́ раша́с, саво́ исыс тэрдо́ анги́л Янголостэ Ра́скирэ-Дэвлэскирэстэ, и налачхэ́с (сатанас), саво́ сыс тэрдо́ пэ лэ́скиро чачо́ (право) васт, соб (кай) тэ кэрэ́л саро́ проти Лэ́стэ.