3 Ian 1:8 - Библия - Пэ Балтитко Романи чиб (Романэс) 2019

⁸ Палдава́ амэ́нгэ трэй тэ прилас шука́р адасавэ́ манушэ́н, соб (кай) амэ могинасас тэ кэра́с буты́ кхэтанэ́ ваш чачипэ́н.

Biblija - Pe Baltitko Romani čib (Romanes) 2019

⁸ Paldavá aménge trej te prilas šukár adasavé manušén, sob (kaj) ame moginasas te kerás butý khetané vaš čačipén.

3 Ian 1:8 Referans Kwoze

3 Ian 1:10

Палдава́, ке́ли мэ ява́ва, мэ да́ва лэ́скэ тэ рипирэл пал дова́, со ёв кэрэ́ла, сыр ёв злыджала плётки пэ амэ́ндэ. Нэ ёв адя́кэ исын ґа́лко кэ дава́, со ёв и кокоро́ на прилэ́ла дэвлытконэ́ пшалэ́н, и адя́кэ-паць кэрэ́ла проти одолэ́ндэ, кон камэ́ла тэ прилэл и ишчо (инкэ́) ёв традэ́ла яври́ лэн кхангирья́тыр.

Filimon 1:24

адя́кэ-паць Марко, Аристархо, Димасо, Лука – мирэ́ мала́ пир буты́.

Filimon 1:2

и пхэня́кэ пир патяибэ́н Амфия́кэ, и Архимо́скэ, саво́ исын амаро́ мал – халадо́ пир буты́, и кхангирья́кэ, сави́ скэдэлапэ дро тыро́ кхэр.

1 Фесалоникийцэнгэ 3:2

и бичхадям Химас, амарэ́ пшалэ́с и малэс пир буты́ тэ роспхэнэл Христососкири бахталы́ зан (звесь), соб (кай) ёв тэ подрикирэ́л зоралэды́р тумэн и тэ подрикирэ́л тумаро́ ду́хо (фа́но) дро патяибэ́н,

Колосянэнгэ 4:11

и Ису́со, савэ́с прокхардэ Иусто, ёнэ тринджинэ исын Юдэндыр машки́р бутэндэ малэндэ пир буты́, савэ́ кэрдэ́ буты́ ваш Дэвлэ́скиро Кралипэ́н, и савэ́ подрикирэнас ман.

Filipiicenge 4:3

и мэ манга́ва и тут, миро чачуно́ мал пир буты́, тэ дэс васт лэ́нгэ, адалэ́ джувленгэ, савэ́ лынэпэ тэ роспхэнэ́н бахталы́ зан (звесь) кхэтанэ́ ма́нца, и Климентоса и явирэ мирэ́ малэнца пир буты́, савэнгирэ лава́ исын дрэ Дэвлэ́скирэ-джиибна́скири лылвари́.

2 Коринфянэнгэ 8:23

Ко́ли тэ пхэна́в пал Титостэ, адава́ исын миро мал, кон кэрэ́ла буты́ кхэтанэ́ ма́нца машки́р тумэ́ндэ; и ёнэ исын бичхадэ́ мануша́ кхангирьендыр, кон янэ́ла сла́ва Христосо́скэ.

2 Коринфянэнгэ 6:1

Сыр амэ кэра́са буты́ кхэтанэ́ Дэвлэ́са, амэ манга́са тумэн тэ на бистрэн пал Дэвлэ́скиро бахталыпэ́н, со тумэ́ прилынэ́ лэс на ивья́ (на напра́снэс):

Luka 11:7

и кадава́ мал отпхэнэ́ла тумэ́нгэ: ‘Дэ ма́нгэ тэ откхинёвав! Вуда́р исын пхандло и мирэ́ чхаворэ́ исын какана́ сутэ́ ма́нца; мэ на могина́ва тэ уштав и тэ псиравав (тэ отпхандав) ту́кэ?’”

Матфеё 10:40

И вари-кон, кон прилэ́ла тумэн, хай, Ман прилэ́ла, и ёв, саво́ прилэ́ла Ман, прилэ́ла Кодолэ́с, Саво́ бичхадя́ Ман.

Матфеё 10:14

Нэ кон на прилэ́ла тумэн и на шунэ́ла лав тумаро́, триинскирэн пыло тумарэ́ ґэрэндыр, сыр явэ́на тэ джа́н яври́ кхэрэ́стыр ци форо́стыр.

3 Ian 1:7

пал-дова́ со ёнэ гинэ́ пал Христосо́скиро лав, ёнэ на лынэ́ нисо́ Наюдэндыр.

3 Ian 1:9

Мэ чхиндём кхангирьякэ, нэ Диатрефо, савэ́скэ явдя́ пэ годы́ тэ явэ́л лэ́нгирэ шэралэса, на прилэ́ла дова́, со мэ чхина́ва.

Psalmy 94:16

Кон явэ́ла тэ затэрдёл пал ма́ндэ анги́л одолэ́ндэ, савэ́ кэрэ́на чорипэ́н? Кон явэ́ла тэ рикирэ́л мири́ риг проти одолэ́ндэ, савэ́ кэрэ́на бэда рэ́нды (злыднитка де́лы)?