2 Petr 3:9 - Библия - Пэ Балтитко Романи чиб (Романэс) 2019

⁹ Дэвэ́л на зарикирэлапэ тэ кэрэ́л дова́, пал со Ёв дыя́ лав, сыр вари-савэ́ мануша́ гинэ́на, со дава́ явэ́ла на сыг, нэ Ёв ґара́ вырикирэ́ла тумэн, и на камэ́ла, соб (кай) вари-кон тэ хасёл, нэ соб (кай) сарэ́ тэ рисён кэ Дэвэ́л.

Biblija - Pe Baltitko Romani čib (Romanes) 2019

⁹ Devél na zarikirelape te kerél dová, pal so Jov dyjá lav, syr vari-savé manušá ginéna, so davá javéla na syg, ne Jov ĥará vyrikiréla tumen, i na kaméla, sob (kaj) vari-kon te xasjol, ne sob (kaj) saré te risjon ke Devél.

2 Petr 3:9 Referans Kwoze

1 Ximaske 2:4

Саво́ камэ́ла, соб (кай) сарэ́ мануша́ тэ зракхэнпэ и тэ джинэ́н чачипэ́н.

Римлянэнгэ 2:4

Ци ту на гинэса Дэвлэ́скиро лачхипэ́н, вырикирибэн и ужакирибэ́н, и, хай, ту на ґалёса, со Дэвлэ́скэ трэй, соб (кай) ту тэ рискирэс пэ́скиро джиибэ́н кэ Ёв?

Avakumo 2:3

Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

Psalmy 86:15

Нэ Ту, о Раё Дэ́вла, сан лачхэ́-илэ́скиро Дэвэ́л, тангипнаскирэ и вырикирибнытко, Ту сан барвало́ пэ лачхэ́-илы́ткима и патяибэ́н.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Sykadyipén 2:21

И Мэ дыём ла́кэ часо тэ приґалёл ла́киро биладжаипэ́н, нэ ёй на камэ́ла тэ приґалёл пэ́скирэ грэ́хи.

2 Petr 3:15

и прилэ́н дрэ годы́ дова́, со Рай Дэвэ́л ґара́ вырикирэ́ла амэн и дэ́ла саштыпэн тэ зракхаспэ, сыр дова́-паць и амаро́ дро́го пшал Па́вли, савэ́скэ дыя́ годы́ Дэвэ́л, чхиндя́ тумэ́нгэ пал дава́,

1 Ximaske 1:16

Нэ ваш дава́ ма́нгэ сыс примангнэ грэ́хи, соб (кай) Ису́со Христо́со тэ сыкавэ́л дрэ ма́ндэ пэрвонэстэ саро́ длуго вырикирибэн, соб (кай) тэ дыкхэ́н одолэ́, савэ́ явэ́на тэ патя́н дрэ Лэ́стэ кэ ве́чно джиибэ́н.

Юдэ́нгэ 10:37

Пал-дова́ со сарэ́са на́бут яця́пэ тэ ужакирас, и Одова́, Кон джа́ла, на зарикирэлапэ.

Vygiiben 34:6

И прогия́ Рай Дэвэ́л анги́л лэ́скиро муй, и пхэндя́: “Рай Дэвэ́л, Рай Дэвэ́л (Яхва́), Дэвэ́л, Савэ́скэ исын дро́га мануша́ и Саво́ тангинэла, Саво́ ґара́ (длу́гэс) вырикирэ́ла и бут тангэ-илытко и чачуно́,

Римлянэнгэ 9:22

И ко́ли Дэвэ́л камэ́ла тэ кэрэ́л чачуно́ сэ́ндо и тэ сыкавэ́л Пэ́скири зор, Ёв тангинэла ґара́ манушэ́н, савэ́ исын создынэ ваш хасибэ́н;

Isajos 46:13

Подги́я Миро чачипэ́н, ёв исын на́дур, сы́гэс явэ́ла Миро зракхибэ́н; Мэ да́ва зракхибэ́н Сионоскэ, а Израилёскэ – Мири́ паты́в.

Vygiiben 18:23

ко́ли ту кэрэ́са дава́, и Рай Дэвэ́л пхэнэ́ла ту́кэ, тэды ту сашты́ (могинэ́са) тэ вытэрдёс, и сарэ́ адалэ́ мануша́ явэ́на тэ отджан пэ пэ́скиро штэ́то раманёса (миро́са).”

1 Petr 3:20

савэ́ вари-ке́ли на кандынэ́ Дэвлэ́с, и савэ́н Дэвэ́л вырикирибнаса ужакирдя саро́ дава́ часо, пака Ноё кэрэ́лас ковчэго (мохто́), дро саво́ загинэ́ на́бут мануша́, охтоджинэ (бидуе́нгиро дэш), савэ́ зракхнэпэ пане́стыр:

Vygiiben 32:32

отмэк лэ́нгиро грэ́хо лэ́нгэ, а ко́ли над, тэды кхос криг и ман Тырэ́ лылварьятыр, дрэ сави́ Ту зачхиндян.”

Vygiiben 33:11

И ракирдя́ Рай Дэвэ́л Мойзаса муй пэ муй, сы́рбы ракирдя́ кон пэ́скирэ малэса; и ёв рисия́ дро ста́но; а лэ́скиро дына́ри Ису́со (Ёхошуа́), Навиноскиро чхаво́, тэрно́, на отджалас шатратыр.

Psalmy 77:8

“Ци Рай Дэвэ́л ячкирэ́ла амэн пэ сарэ́ ве́ки? Ци Лэ́скири ла́ска на рисёла палэ?

Ekliesiastos 8:11

Сыр сэ́ндо пэ одолэ́ндэ, кон кэрэ́на бибахталэ́ бутя́, насыгэс кэрэ́лапэ, адя́кэ-паць пал-дава́ манушэ́нгирэ-чхавэ́нгиро ило́ исын хор залымо, соб (кай) тэ кэрэ́л биба́хт.

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Дание́лё 4:29

[32] И традэ́на криг тут манушэ́ндыр, и явэ́ла джиибэ́н тыро́ фэлдытконэ мурдалэ́нца; чарьяса лэ́на тут тэ чаравэн, сыр гурувэ́с, и джа́на ишчо (инкэ́) эфта́ часы пэ ту́тэ, кэ/ жы́ко дова́, сыр ту ґалёса, со Са́мо Вучэды́р хулаинэла упра́л манушы́тко кралипэ́н и дэ́ла лэс, кон Лэ́скэ трэй.”

Римлянэнгэ 13:11

Кэрэ́н адя́кэ, сыр тумэ́ тэ джинэ́н часо, со какана́ явдя́ мардо́ (шту́нда) тумэ́нгэ тэ уштэ́н соибнастыр; пал-дова́ со какана́ исын пашэдыр амаро́ зракхибэ́н, сыр тэды, ке́ли амэ лыям тэ патяс.

Римлянэнгэ 13:12

Рат джа́ла криг сыг и дывэ́с ячэ́ла, палдава́ мэкаса калэ́ рэ́нды и урьясапэ дро парныпэн.

2 Petr 1:4

савэ́нца Ёв дыя́ най барэды́р и дрогэдыр лав, соб (кай) пир дава́ тумэ́ тэ ячэн пашаса (пашэ́са) Дэвлытконэ́ духо́стыр и тэ джа́н криг Духо́скирэ хасибнастыр, саво́ джа́ла налачхэ́ мыслятыр дро свэ́то соб (кай) пир дава́ тумэ́ тэ дживэ́н сыр трэй Дэвлэ́скэ.