2 Petr 3:4 - Библия - Пэ Балтитко Романи чиб (Романэс) 2019

⁴ и ёнэ явэ́на тэ ракирэ́н: “И кай жа Лэ́скиро лав, со Ёв дыя́, ке́ли Ёв явэ́ла? Пал-дова́ со долэ́ поратыр, ке́ли мынэ́ амарэ́ дада́ нисо́ на парудыя, сыр сыс создыно́ свэ́то.”

Biblija - Pe Baltitko Romani čib (Romanes) 2019

⁴ i jone javéna te rakirén: “I kaj ža Léskiro lav, so Jov dyjá, kiéli Jov javéla? Pal-dová so dolé poratyr, kiéli myné amaré dadá nisó na parudyja, syr sys sozdynó svéto.”

2 Petr 3:4 Referans Kwoze

Ереме́ё 17:15

Акэ, ёнэ пхэнэ́на ма́нгэ: ‘Кай исын Ра́скирэ-Дэвлэ́скиро лав! Мэк Ёв тэ явэ́л!’

Малахия 2:17

Тумэ́ кхинякирдэ [холякирэна-р.с.] кэ холы́ Рас-Дэвлэ́с тумарэ́ лавэ́нца, ке́ли пхучэна тумэ́: “Со́са амэ кхинякирдям Лэс?” Акэ, ке́ли тумэ́ ракирэ́на: “Кажно (сва́ко), кон кэрэ́ла биба́хт (холы́), исын лачхо́ ваш Ра́скэ-Дэвлэ́скэ, и Ёв древа́н радынэ́лапэ лэ́ндыр,” ці, “Кай исын чачипна́скиро Дэвэ́л?”

Luka 12:45

Нэ ко́ли дава́ писха́ри пхэнэ́ла пэ́скэ: ‘Миро рай зарикирэлапэ;’ и ёв лэ́ла тэ марэл дынарье́н и дынарицэн, тэ хал и тэ пьел, и тэ матёл,

Ekliesiastos 8:11

Сыр сэ́ндо пэ одолэ́ндэ, кон кэрэ́на бибахталэ́ бутя́, насыгэс кэрэ́лапэ, адя́кэ-паць пал-дава́ манушэ́нгирэ-чхавэ́нгиро ило́ исын хор залымо, соб (кай) тэ кэрэ́л биба́хт.

Матфеё 24:48

Нэ ко́ли адава́ фуй писха́ри пхэнэ́ла пэ́скэ: ‘Миро рай зарикирэлапэ’,

1 Фесалоникийцэнгэ 2:19

Кон могинэ́ла тэ явэ́л амарэ́ лачхэ́ ужакирибнаса, ци радыма́са, ци шарибнытконэ вянкаса (коронаса)? Ци дава́ исын на тумэ́ анги́л амарэ́ Растэ – Дэвлэ́стэ, Исусо́стэ Христосо́стэ, сыр Ёв явэ́ла.

Džiibén 19:14

И выгия́ Лото, и ракирдя́ пэ́скирэ зятенца (джамутрэнца), савэ́ лэнас пал пэ́стэ лэ́скирэ чхае́н, и пхэндя́: “Уштэ́н, выджа́н далэ́ штэто́стыр; пал-дова́ со Рай Дэвэ́л хасякирэ́ла дава́ фо́ро.” Нэ лэ́скирэ зятенгэ здыяпэ, со ёв салапэ.

Marko 13:19

Тэды явэ́ла дасави́ пхари́ би́да, сави́ на сыс свэто́скирэ англыпна́стыр, саво́ Дэвэ́л кэрдя́, кэ ададывэ́с, и со буты́р на явэ́ла ние́кхвар.

Ekliesiastos 1:9

Дова́, со сыс, явэ́ла нэвэ́стыр; и дова́, со кэрдя́пэ, явэ́ла нэвэ́стыр тэ кэрэ́лпэ: и нанэ нисо́ нэво́ тэл кхам.

Sykadyipén 3:14

И чхин Янголоскэ Лаодикиякирэ кхангирья́тыр: “Дава́ ракирэ́ла “Ами́нь”, патяибны́тко и чачуно́ Якхи́тко, Саво́ исын англыпэ́н сарэскэ, со́стыр Дэвэ́л создыя́ свэ́то:

Езэкилё 11:3

И ракирэ́на: Ишчо дур. Ява́са тэ кэра́с кхэра́, ёв исын кака́ви (котло), амэ сам мас.

Marko 10:6

А дро англыпэ́н (начало), сыр Дэвэ́л создэлас свэ́то, Ёв создыя́ муршэ́с и джувля́.

Матфеё 24:28

Кай явэ́ла тру́по, одо́й скэдэ́напэ орлы (киды).

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Apostolengiri Butý 7:60

И ёв пыя́ пэ чанга́ и зоралэ́ заня́са пхэндя́: “Раё Дэ́вла! На гин дава́ грэ́хо пал лэ́ндэ.” И далэ́ лавэ́нца Стехвано мыя́.

2 Petr 3:12

и тэ ужакирэн и тэ тырдэнпэ зоралэ́с, соб (кай) сыгэды́р тэ явэ́л дова́ дывэ́с, ке́ли явэ́ла Дэвэ́л, дывэ́с, дро саво́ болыбэ́н явэ́ла схачкирдо и сарэ́ котэра́, со исын пэ болыбэ́н, явэ́на розбиладэ яга́са.