2 Petr 3:12 - Библия - Пэ Балтитко Романи чиб (Романэс) 2019

¹² и тэ ужакирэн и тэ тырдэнпэ зоралэ́с, соб (кай) сыгэды́р тэ явэ́л дова́ дывэ́с, ке́ли явэ́ла Дэвэ́л, дывэ́с, дро саво́ болыбэ́н явэ́ла схачкирдо и сарэ́ котэра́, со исын пэ болыбэ́н, явэ́на розбиладэ яга́са.

Biblija - Pe Baltitko Romani čib (Romanes) 2019

¹² i te užakiren i te tyrdenpe zoralés, sob (kaj) sygedýr te javél dová dyvés, kiéli javéla Devél, dyvés, dro savó bolybén javéla shačkirdo i saré koterá, so isyn pe bolybén, javéna rozbilade jagása.

2 Petr 3:12 Referans Kwoze

2 Petr 3:10

Нэ Дэвлэ́скиро дывэ́с явэ́ла сыр чор раты́, и тэды болыбэ́н грукимаса джа́ла криг якхэ́ндыр и сарэ́ болыбны́тка котэра́ схачона, и пхув и саро́, со исын пэ ла́тэ, явэ́на чхучэ́ (пуста).

Isajos 34:4

Хасёла болыбнытко халадыбэ́н (болыбны́тка халадэ́), и болыбэ́н закэрэлапэ (пхандэлапэ), сыр лылвари́; чэргэня́ пэрэ́на, сыр патри́н (листо) винаградоскирэ рандятыр, сыр шуки́ патри́н смоковнытконэ каштэ́стыр.

Mihiejo 1:4

Бэ́рги явэ́на тэ билавэн тэл Лэ́стэ, и долы явэ́на тэ пхарадён, сы́рбы мом анги́л яг, сы́рбы паня́, со чхувэнапэ крутыматыр (вучипна́стыр).

2 Petr 3:7

Кэ дава́ болыбэ́н и пхув, со исын какана́, ракхэнапэ Дэвлэ́скирэ лавэ́са ваш яг кэ/жы́ко сэндоскиро дывэ́с и кэ хасибэ́н ваш надэвлытконэ манушэ́нгэ.

Titoske 2:13

и тэ ужакирас лачхи́ наде́я, ке́ли явэ́ла баро́ Дэвэ́л слава́са и амаро́ Зракхибнари, Ису́со Христо́со,

Psalmy 50:3

Амаро́ Дэвэ́л явэ́ла и Ёв исын на штыл; яг, сави́ ха́ла саро́, джа́ла анги́л Лэ́стэ и явэ́ла древа́н штормитко балва́л.

Juda 1:21

ракхэ́н пэс дро Дэвлэ́скири ла́ска, ужакирэн амарэ́ Ра́скиро – Дэвлэ́скиро тангипэ́н тэ дэл тумэ́нгэ ве́чно джиибэ́н.

Filipiicenge 1:6

мэ патя́ва зоралэ́с дро дова́, со Дэвэ́л, Кон лыя́ тэ кэрэ́л дрэ тумэ́ндэ дава́ лачхо́ рэ́ндо, явэ́ла тэ кэрэ́л кэ/жы́ко дова́ Дывэ́с, ке́ли нэвэ́стыр явэ́ла Ису́со Христо́со:

Isajos 24:19

Пхув издрала, пхув роспэрэлапэ, пхув издрала барэ́ зорья́са.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

2 Petr 3:4

и ёнэ явэ́на тэ ракирэ́н: “И кай жа Лэ́скиро лав, со Ёв дыя́, ке́ли Ёв явэ́ла? Пал-дова́ со долэ́ поратыр, ке́ли мынэ́ амарэ́ дада́ нисо́ на парудыя, сыр сыс создыно́ свэ́то.”

2 Petr 3:11

Пал-дова́ со ко́ли сарэ́ частыра (предметы) явэ́на биладэ, то тэды тумэ́нгэ трей тэ дживэ́н свэнтэс и тэ отдэ́н пэс Дэвлэ́скэ;