2 Petr 2:4 - Библия - Пэ Балтитко Романи чиб (Романэс) 2019

⁴ Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Biblija - Pe Baltitko Romani čib (Romanes) 2019

⁴ Pal-dová so kóli Devél na potangindia Jangolen, savé kerdé gréhi, a otdyjá len dro liúno (ado), i bešliakirdia len sastyrenca dro ciamlypén, kaj jone užakiréna sendoskiro dyvés;

2 Petr 2:4 Referans Kwoze

Juda 1:6

И Янголэн, савэ́ на зракхнэ́ пэ́скиро англатуно́ право дрэ паты́в, а ячкирдэ́ пэ́скиро штэ́то тэ дживэ́н, Ёв ракхэ́ла лэн дро калыпэ́н дрэ вечна састыра́ пэ баро́ Дывэ́с, ке́ли лэн явэ́ла Ёв пхарэ́с тэ сэндякирэ́л;

Матфеё 25:41

Тэ́ньци Ёв пхэнэ́ла кодолэ́нгэ, савэ́ исын пэ зэ́рво (ле́во) васт Лэ́стыр: ‘Джа́н криг Ма́ндыр, прокошнэ, дрэ яг ве́чно, со исын скэдыны ваш налачхэскэ и лэ́скирэ Янголэнгэ:

Римлянэнгэ 8:32

Одова́, Кон на тангиндя Пэ́скирэ Чхавэ́с, нэ Ёв отдыя́ Лэс пал сарэ́ндэ амэ́ндэ, ци на даринэла Ёв адя́кэ-паць амэ́нгэ кхэтанэ́ Лэ́са саро́?

Isajos 14:12

Сыр пыян ту болыбна́стыр, дывэсы́тко чэргэн, чхаво́ зорьякиро! Розмардянпэ пир пхув, кон пэ народы ґаздэласпэ.

Sykadyipén 20:10

И на́лачхо, кон хохадя лэн, сыс чхурдыно́ дро зеро (озеро) яга́са и дзэвэля́са (сераса), кай сыс адя́кэ-паць рискирибна́скиро мурда́л и хоханэ́ проро́ки. И ёнэ явэ́на тэ мэнчынэнпэ раты́ и дывэсэ́ пэ сарэ́ ве́ки.

Езэкилё 7:4

И на потангинэла тут Мири́ якх, и Миро ило́ на ковлёла кэ ту. Мэ отда́ва палэ ту́кэ пир тырэ́ дрома́, и джунгалыпэна тырэ́ явэ́на ту́са, и ґалёна, со Мэ сом Рай Дэвэ́л, Дэвэ́л.’

Luka 10:18

Ису́со отпхэндя́ лэ́нгэ: “Мэ дыкхцём налачхэ́с, саво́ пыя́ болыбна́стыр сыр блискавица;

Езэкилё 5:11

Палдова́, – “Тэ джива́в Мэ, – ракирэ́ла Рай Дэвэ́л, Дэвэ́л. – “Пал дова́, со ту магирдян Миро свэ́нто штэ́то сарэ́ пэ́скирэ джунгалыпнаса, и сарэ́ тырэ́ накуч рэндэ́нца Мэ кэра́ва тут тыкнэса, и на потангинэла тут Мири́ якх, и Миро ило́ на ковлёла пэ ту́тэ.

Ióvo 4:18

Дыкх, Ёв на допатяла Пэ́скирэ (болыбна́скирэ) дынарье́нгэ, и, Ёв гинэ́ла, со Лэ́скирэ Янго́лы исын нагодэ,

1 Ian 3:8

Кодова́, кон кэрэ́ла грэ́хи, исын налачхэстыр, пал-дова́ со на́лачхо кэрдя́ грэ́хи англыпна́стыр. Ваш дава́ и явдя́ Дэвлэ́скиро Чхаво́, соб (кай) тэ пхаравэл налачхэскирэ бутя́.

2 Petr 2:11

А Янго́лы, савэ́ исын пэ бут зоралэды́р кадалэ́ духэ́ндыр и лэ́ндэ исын буты́р право, на ракирэ́на проти и на калякирэна далэ́ зорья анги́л Дэвлэ́стэ.

2 Petr 2:5

и Ёв на потангиндя (на пожалиндя) англатуно́ свэ́то, а зракхця́ охто́ (бидуе́нгиро дэш) манушэ́н и машки́р лэ́ндэ Ноёс, саво́ роспхэнэлас анги́л сарэ́нгэ чачипэ́н и Дэвэ́л яндя́ потопо пэ адалэ́ надэвлытконэ манушэ́ндэ;

Luka 8:31

Налачхэ́ ду́хи лынэ́ тэ мангэ́н Исусо́с, соб (кай) Ёв тэ на припхэнэл лэ́нгэ тэ джа́н дро лю́но (адо).

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Marko 5:7

и дыя́ го́дла зоралэ́с: “Со Ту́кэ трэй ма́ндыр, Ису́се, Най Вучэдырэскиро Дэвлэ́скиро Чхаво́! Совлаха́ Дэвлэ́са, со на мэнчынэса Ту ман?”

Матфеё 8:29

И, акэ, ёнэ дэ́нас го́дла, ракири́: “Со Ту́кэ трэй амэ́ндыр, Чхаво́ Дэвлэ́скиро? Явдян Ту адари́к анги́л упхэндло́ мардо́ (шту́нда) тэ мэньчынэс амэн?”

Juda 1:13

ёнэ исын сы́рбы морёскирэ (дэрьявэ́скирэ) холямэ́ валны (вэлны), учхакирдэ пенаса пэ́скирэ ладжаипнытконэ рэндэ́ндыр (делэндыр); ёнэ исын сы́рбы чэргэня́, савэ́ на джинэ́на дром, савэ́нгэ исын ракхно калыпэ́н (цямлыпэ́н) пэ ве́ки.

2 Petr 2:9

И екх Дэвэ́л джинэ́ла, сыр тэ зракхэ́л дэвлытконэ́ манушэ́н, ке́ли пропатякирэна лэн, и Ёв ракхэ́ла кадалэ́ начачунэ манушэ́н кэ / жы́ко сэндоскиро дывэ́с, соб (кай) тэ чхувэ́л ка́ра пэ лэ́ндэ;

Езэкилё 7:9

И на потангинэла тут Мири́ якх, и Миро ило́ на ковлёла кэ ту. Мэ отда́ва палэ ту́кэ пир тырэ́ дрома́, и чорипэна тырэ́ явэ́на ту́са, и тумэ́ ґалёна, со Мэ сом Рай Дэвэ́л, Дэвэ́л, Саво́ пхарэ́с сэндякирэ́ла.

Ióvo 21:30

Со фуй ману́ш исын пригарадо дро дывэ́с, сыр явэ́ла бари би́да, и лэс лыджа́на дрэ риг, сыр явэ́ла Дэвлэ́скири холы́.

Яви́р Зако́но 29:20

на отмэкэ́ла Рай Дэвэ́л адасавэ́ манушэ́скэ, нэ дова́-паць часо захачола холы́ Ра́скирэ-Дэвлэ́скири и мижэхипэн Лэ́скиро пэ одолэ́ манушэ́стэ, и пэрэ́на пэ лэ́стэ сарэ́ далэ́ заветоскирэ прокошыбэна, савэ́ исын чхиндлэ́ дрэ дая́ лылвари́, и лэ́ла криг (кхосэла криг) Рай Дэвэ́л лэ́скиро лав тэл болыбна́стыр;

Римлянэнгэ 11:21

пал-дова́ со, ко́ли Дэвэ́л на потангиндя ранден, савэ́ выбаринэ кадалэ́ каштэ́стыр, тэды дыкх, Ёв на явэ́ла тэ тангинэ́л и тут.

Psalmy 78:50

Ёв вымэкця Пэ́скири холы́, Ёв на выракхэлас лэ́нгирэ дия́ мэрибна́стыр, а Ёв отдыя́ лэн мэрибнытконэ франсэнгэ (морово́скэ).