2 Petr 2:3 - Библия - Пэ Балтитко Романи чиб (Романэс) 2019

³ И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.

Biblija - Pe Baltitko Romani čib (Romanes) 2019

³ I kadalé xohané sykliakiribnarja pal péskiri skempima javéna te barvaljon tuméndyr péskire frentone lavénca, séndo ĥará užakiréla len i léngiro xasibén isyn nasuto.

2 Petr 2:3 Referans Kwoze

2 Коринфянэнгэ 2:17

Пал-дова́ со амэ на янаса дош Дэвлэ́скирэ лавэ́скэ, сыр бут мануша́ адя́кэ кэрэ́на, нэ амэ сарэ́ илэ́стыр, Кокорэ́ Дэвлэ́стыр ракираса Христосо́скирэ зорья́са анги́л Дэвлэ́скирэ якха́.

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

1 Фесалоникийцэнгэ 2:5

Тумэ́ джинэ́на, со амэ ние́кхвар на са́мас анги́л тумэ́ндэ хоханэ́ ракирибнаса, ци вари-савэ́ бокхаса кэ ловэ́ ваш пэ́скэ: Дэвэ́л исын якхи́тко (свидетелё) далэ́ сарэскэ.

Римлянэнгэ 16:18

Палдава́ адасавэ́ мануша́ дынаринэна на амарэ́ Ра́скэ-Дэвлэ́скэ, Исусо́скэ Христосо́скэ, а пэ́скирэ налачхэ́ камибнаскэ; ёнэ хахавэ́на (дэ́на дукха́) лачхэ́-илытконэ манушэ́н гудлэ́ и хоханэ́ лавэ́нца.

Juda 1:15

тэ кэрэ́л сэ́ндо пэ сарэ́ манушэ́ндэ и тэ бангякирэл сарэ́н надэвлытконэн машки́р лэ́ндэ пал лэ́нгирэ надэвлытка рэ́нды, савэ́ ёнэ кэрдэ́ и пал сарэ́ пхарэ́ налачхэ́ лава́, савэ́ кадалэ́ бидэвлыткарья-грэхи́тка мануша́ ракирдэ́ проти Дэвлэ́стэ.

Titoske 1:11

трэй, соб (кай) тумэ́ тэ запхандэн муй лэ́нгэ, савэ́ змарэна чачунэ́ дромэ́стыр бут сэм΄и (ирья́), а ваш пэ́скиро биладжаипнытко тырдыпэ́н кэ ловэ́ ёнэ сыклякирэ́на одова́, со на трэй.

1 Ximaske 6:5

и чхучэ́ ракирибэна машки́р манушэ́ндэ, савэ́ндэ нанэ бари годы́, и, савэ́ дарнапэ чачипнастыр, ёнэ думинэ́на, со дар анги́л Дэвлэ́стэ-дава́ исын дром тэ барвалён.

2 Petr 2:9

И екх Дэвэ́л джинэ́ла, сыр тэ зракхэ́л дэвлытконэ́ манушэ́н, ке́ли пропатякирэна лэн, и Ёв ракхэ́ла кадалэ́ начачунэ манушэ́н кэ / жы́ко сэндоскиро дывэ́с, соб (кай) тэ чхувэ́л ка́ра пэ лэ́ндэ;

2 Petr 2:1

Нэ сыр сыс хоханэ́ проро́ки машки́р манушэ́ндэ, адя́кэ-паць явэ́на и хоханэ́ сыклякирибнаскирэ машки́р тумэ́ндэ, савэ́ явэ́на чораханэ́с тэ ракирэ́н хасибны́тка сыклякирибэна пэ́скирэ кампаниендыр и на явэ́на тэ приґалён Рас-Дэвлэ́с, Саво́ выкиндя лэн, далэ́ ракирибнаса ёнэ янэ́на кокорэ́ пэ́скэ сы́гно хасибэ́н;

2 Petr 1:16

Амэ роспхэнасас тумэ́нгэ джиныбэ́н пал зор, и со сыг явэ́ла амаро́ Рай Дэвэ́л, Ису́со Христо́со на парамысенца, со мануша́ счхудэ годэс, нэ амэ кокорэ́ сам якхи́тка пал Лэ́скиро баро́ райканыпэн.

1 Petr 5:2

ракхэ́н Дэвлэ́скирэ манушэ́н, савэ́ исын машки́р тумэ́ндэ, кэрэ́н дава́ на пир трэ́бима, а сыр трэй Дэвлэ́скэ и на пал дова́, со тумэ́ сорбы сан бокхалэ́ кэ ловэ́, а пал-дова́ со тумэ́ камэ́на дава́ илэ́стыр;

Titoske 1:7

Пал-дова́ со пхурыдырэ́ пшалэ́скэ трэй тэ явэ́л бидошакирэскэ, сыр Дэвлэ́скирэ-кхэритконэ́ барыдырэ́скэ, соб (кай) ёв тэ на гинэл пэс древа́н годьварэса, тэ на явэ́л холынакиро, матымари, пхутькирдо, розмарибнари, тэ на явэ́л ёв ґа́лко кэ барвалыпэ́н;

Juda 1:11

Бида лэ́нгэ! Пал-дова́ со ёнэ гинэ́ Каиноскирэ дромэ́са и пал барвалыпэ́н ёнэ кокорэ́ отдынэ́ пэс грэхоскэ, сыр Валамо и ёнэ мэрэ́на дро бу́нто, сыр Кареё.

Juda 1:7

адя́кэ сыр Содо́мо и Гомо́ра и пашатунэ́ форицы, савэ́ адя́кэ-паць, сыр одолэ́ Янго́лы отдынэ́ пэс пэ блэ́ндо и ваш тырдыпэ́н кэ яви́р манушы́тко лоч: далэ́ фо́рья сыс схачкирдэ́ вечнонэ яга́са сыр приме́ро (сыкаибэ́н) тумэ́нгэ.

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

1 Petr 2:8

пал саво́ мануша́ обштавэнапэ, пал-дова́ со ёнэ на кандэ́на Дэвлэ́скиро лав, пал-дова́ со адя́кэ лэ́нгэ сыс задуминдло.

1 Ximaske 3:8

Кхангирья́кирэ бутярнэнгэ (диаконэнгэ) адя́кэ-паць трэй тэ явэ́н чачунэ́, тэ на явэ́н ёнэ дуемуитка, тэ на пьен бут мол, и тэ на явэ́н ґалка (жадна) кэ ловэ́,

1 Ximaske 3:3

тэ на явэ́л матымари, тэ на явэ́л захало, нэ тэ явэ́л ковлэ́-илытко, тэ явэ́л раманёно (ми́рно), тэ на явэ́л ґа́лко кэ ловэ́,

1 Фесалоникийцэнгэ 5:3

Ке́ли мануша́ явэ́на тэ ракирэ́н: “Рама́нё исын и на трэй тэ дарэс ни со́стыр”, сыр екха́тыр (сра́зу) явэ́ла пэ лэ́ндэ хасибэ́н, сыр дукха́ джувля́тэ, сави́ мэнчынэлапэ, ке́ли биянэ́ла тыкнэ́ биято́с, и нико́н лэ́ндыр на менинэла хасибэ́н.

Joannostir 2:16

И пхэндя́ Ису́со манушэ́нгэ, савэ́ бикнэнас голумбэн: “Закэдэн лэн адатхы́р! На кэрэ́н тарго Мирэ́-Дадэ́скирэ Кхэрэ́стыр.”

Luka 22:47

И ке́ли Ису́со ишчо (инкэ́) ракирдя́, ґа́да, сыкадынэ бут мануша́, и акэ, ёв, савэ́с кхардэ́ Юда, екх дэшудуедыр сыкляибнытконэндыр, джа́лас анги́л лэ́ндэ, и ёв подги́я кэ Ису́со тэ чамудэл Лэс.

Luka 20:20

И ёнэ дыкхнэ́ ракхибны́ткэс пал Исусо́стэ, подбичхадэ чораханэ манушэ́н, савэ́ причхудэпэ чачунэ́ манушэ́нца, соб (кай) тэ ухтылэ́н Лэс дро лав тэ здэн Лэс Римо́скирэ балунитконэскэ (правителёскэ), конэ́стэ сыс зор и право тэ сэндинэл.

Luka 18:8

Мэ пхэна́ва тумэ́нгэ, со Ёв сы́гэс затэрдёла пал лэ́ндэ. А ке́ли Чхаво́ Манушэ́скиро явэ́ла, ци латхэ́ла Ёв патяибэ́н пэ пхув?”

Малахия 1:10

“Ци исын вари-кон машки́р тумэ́ндэ, соб (кай) ёв фэды́р тэ пхандэл вудара́, и тэ на росхачкирэн тумэ́ яг ивья́ (напра́снэс) пэ Миро алта́рё? Мэ на радынавапэ тумэ́ндыр”, – ракирэ́ла янголэ́нгирэ-болыбна́скиро Рай Дэвэ́л. И Мэ на прилава свэ́нто дыибэ́н тумарэ́ вастэ́ндыр.

Avakumo 3:3

О Дэвэ́л явэ́ла Феманостыр, о Свэ́нто Дэвэ́л бэрга́тыр Фаран. Лэ́скиро барипэ́н учхакирдя́ болыбэ́н, Лэ́скирэ слава́са пхэрдия пхув (и пхув исын пхэрды́ шарибнаса Лэ́скэ).

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Езэкилё 13:19

Тумэ́ магирэна Ман анги́л Мирэ́ манушэ́ндэ пал куты́ (на́бут) ґэрсто (ячменё), пал котэра́ маро́, ко́ли мулякирэна илэ, конэ́скэ на трэй тэ мэрэ́н, и ко́ли ячавэна джиибэ́н илэнгэ, конэ́скэ на трэй тэ дживэ́н, ко́ли хохавэна Мирэ́ манушэ́нгэ, савэ́ шунэ́на хохаибэ́н.

Ереме́ё 8:10

Палдава́ Мэ да́ва лэ́нгирэ ромне́н явирэ́нгэ, и лэ́нгирэ фэ́лды кодолэ́ манушэ́нгэ, савэ́ явэ́на хулая́ пэ лэ́ндэ. Пал-дова́ со кажно лэ́ндыр тыкнэстыр кэ са́мо барэды́р исын присыклыно и ґа́лко кэ барвалыпэ́н: пророкостыр кэ раша́й – кажно лэ́ндыр кэрэ́ла начачунэс.

Ереме́ё 6:13

Пал-дова́ со кажно (сва́ко) лэ́ндыр, най тыкнэды́р манушэ́стыр кэ най барэды́р исын присыклыно кэ ґалкима, и, кажно (сва́ко) лэ́ндыр, пророкостыр кэ раша́й кэрэ́ла начачунэс.

Isajos 60:22

Тыкнэ́ манушэ́стыр тысёнцо бияндёла, самонэ бизорьякирэстыр манушэ́стыр бияндёла зорало́ народо. Мэ, Рай Дэвэ́л, сы́гэс кэра́ва дава́, ко́ли явэ́ла лэ́скиро часо.”

Isajos 56:11

Кадалэ́ исын джукэла захалэ илэ́са, ёнэ нисыр на чалёна, кадалэ́ исын чхупна́рья (пастыри) бигодякирэ; сарэ́ дыкхэ́на пэ пэ́скиро дром; кажно лэ́ндыр родэ́ла ко́фо пэ́скэ, нанэ явирэ манушэ́н.

Isajos 5:19

Савэ ракирэ́на: “Мэк Ёв тэ джал сыгэды́р, мэк тэ кэрэ́л Пэ́скири буты́, соб (кай) амэ тэ дыкхас. Мэк тэ явэ́л, мэк тэ сыкавэ́л, со дава́ исын – Свэнтонэ́-Израилёскиро годыпэ́н, соб (кай) амэ тэ ґалёвас!”

Psalmy 81:15

Мэ сы́гэс тэлякиравас лэ́нгирэ вэргэ́н тэл ґэра́ и мэ рискиравас Миро васт пэ лэ́нгирэ намалэндэ.

Psalmy 66:3

Пхэнэ́н Дэвлэ́скэ: “Савэ барэ́ кэ дар исын Тырэ́ бутя́! Тырэ́ вэ́рги ячэ́на тэ кандэ́н Тут пал Тыро́ зоралыпэ́н.

Psalmy 18:44

Ту зракхця́н ман манушэ́ндыр, савэ́ бунтуинэна, Ту чхудя́н ман шэрэ́ манушэ́са пэ Наюды́тка на́цыи. Мануша́, савэ́н мэ на джиндём анги́л, явэ́на тэ дынаринэ́н ма́нгэ.

Яви́р Зако́но 24:17

На сэндякир хоханэ́с манушэ́с, саво́ явдя́ явирэ рига́тыр и пиротос (сиротас); и пивлятыр (удоватыр) на лэ и́ди дрэ сымады́;

Ióvo 6:27

Дыкхэ́н: тумэ́ чхурдэна жре́бие, соб (кай) сирота (пирото) тэ явэ́л тумаро́ писха́ри, и ганавэна ґанби́н (яма) тумарэ́ малэ́скэ.

Juda 1:16

Ёнэ исын холямэ́ ракирибнарья, савэ́ рикирэ́на холы́ пэ сарэ́ндэ, ёнэ кэрэ́на пир пэ́скиро грэхи́тко тырдыпэ́н; ёнэ явэ́на вучэ́с тэ марэ́н пэс лавэ́нца, ёнэ явэ́на гудлэс тэ дивинэнпэ пэ манушэ́ндэ ваш пэ́скири льго́та.

Матфеё 23:14

Бида тумэ́нгэ, дуемуитка лылвари́тка и Фарисе́и, со тумэ́ обхана пивленгирэ (удовэнгирэ) кхэра́ и пэфроми ґара́ (длу́гэс) мангэ́напэ Дэвлэ́скэ: пал дава́ тумэ́нгэ явэ́ла пхари́ ка́ра.